أنا و طهقان في نزهة بريةطهقان ...يا طهقان
نعم يا ماما- بقرف
الحق ابنك ضيع الفلاش ميموري اللي عليه البروجكت بتاعه
و اية يعني
ايه؟ اية يعني ازاي امسكه كلمه و زعقله علشان يعرف قيمة الحاجة اللي بنجيبهاله و يحافظ على النعمة
هو يعني انا لما ازعقله و لا حتى اضربه الفلاش ميموري حيرجع؟
لا بس لازم تعلمه يحافظ على حاجته
علميه انتي
----
طهقان الحق
ايه تاني
البنت بنتك بتشتم اخوها و تقوله يو ار تشكن و هو عمال يرد عليها و لا اتنين بيتخنقوا في الشارع
و انا اعمل لهم اية؟
شد عليهم و هددهم انك حتمنع المصروف لو سمعت اي باد ورد تاني
طيب ما تقولي انت البوقين دول و تسيبيني ارتاح
الاولاد لازم يخافوا منك و يعملوا لك حساب علشان لما انا اقولهم حقول لبابا يخافوا
انا مش بحب اسلوب الخوف ده انا عايزهم يحبوني و هم يسمعوا كلامي
----
طهقان يا طهقان
يا نعم
ابنك مرجعش مع اخته في الباص و بتقول انه نزل مع واحد صاحبة علشان يجيب منه سيديهات بلاياستيشن هو استاذن منك؟؟
بعدم اهتمام- لأ
طيب لازم تشد ودانه على العاملة دي
ليه؟ -باستظراف-علشان تكبر؟
علشان يبطل يتصرف من دماغه و يعرض نفسه للخطر
هو مبقاش صغير ده في جريد فور دلوقتي
يعني نسيبه يعمل اللي عايزه من غير توجيه
هو استبدال السيديهات بقى جرم دولي و لا اية-كبري بقى
-------
و هكذا يا اعزائي دايما فارسني و كابسني و موقف المية في زوري و مش عايز ياخد اي موقف شديد مع الاولاد و شايف ان منهجي الجدي في تربيتهم منهج سجون و اصلاحيات و ان الاولاد لازم يحسوا بالحنان و الحب و بلاش عقاب و تعنيف
طيب انا لما بعنفهم على اي غلط بيعملوه بعمل كده ليه؟
علشان بحبهم و عايزاهم يبقوا قد المسؤولية و يعملوا حساب لبكرة و يطلع عضمهم ناشف مش مدلعين و خايبين و ميعرفوش قيمة النعمة
و طبعا قدام سلبيته معاهم بلاقي نفسي مضطرة اني اكون انا اللي بشد عليهم علشان ميخبوش
تعملوا اية لو كنتم مكاني
لمتابعة بوستات زوجي طهقان
دوس جامد على اسمه طهقــــان
امضاء طهقاااااااااااااانة
40 comments:
هههههههههههههه
بصراحه
قليل من شدة بردة مطلوب
هو ما عندوش حق فعلا
هههههههههه
أنا عندي مشاكل زي كدة كتير مع أولادي برضه .. الأولاد اليومين دول عايزين مننا إنتباه غير عادي لكل تحركاتهم
أما موضوع الشدة والضرب فهو مش في كل وقت وبيكون تبعا للموقف .. لكن فعلا ضغوط الحياة ممكن تخرج الواحد عن شعوره أحيانا
أنا عمر ما والدى ضربنى وأنا صغير
بس كان شديد فى كلامة وزعيقة
ودة خلانى أهابة وأحترمة وأسمع كلامة
وفى نفس الوقت بحبة لانة عمرة مازعلنى أو ضربنى.. وكان كفاية والدتى تقوللى -هقول لبابا لما يرجع- عشان أسمع الكلام
لازم الطفل وهو صغير يخاف عشان يسمع الكلام، ومش معنى كدة أنة لازم يضرب على كل حاجة
فى مثل عربى قديم بيقول
قليل من الشدة وقليل من اللين يصلحان أعوجاج الحديد
يعنى لو ضربنا الحديد جامد هيبوظ من كتر الضرب وهيتعوج أكتر
ولو حاولنا نصلح الأعوجاج باللين عمرة ماهيتعدل ويتصلح
ياريت أكون وضحت وجهت نظرى صح
عزيزتى طهقانه
تحيه ملكيه بالرز والملوخيه وبعد
انا بيتهيال انك بتحبى طهقان قوى ده بعد لما قريت المدونه كلها اللى هى التلات بوستات اصلا
ربنا يخليكوا لبعض ياختشى وتبهدلوا بعض على طول
وبالنسبه للعيال خلى بالك لازم يكون فى طرف شديد وطرف لين
يعنى وده بالنسبه للعيال طبعا لو انتى
ام اربعه واربعين يبقى هو الساحر اوز
واهو كده شويه وكده شويه المركب تمشى
خلى بالك ياختشى لا طهقان يقوم يطفش ويسيبلك البلد واعملى بنصيحه ايوا خدامه هتلاقيها فى اللينكات اللى عندى
وربك يسترها
سلام
بكرة ابنك يتحول الى طهقان أخر (وفقا للتطور الطبيعى للجينات الوراثية) ويقولك بالفم المليان انا اتخنقت منك ياماما ( ومن غير حضرتك طبعا) .. ارحمى امى وبطلى زعيق زعيق .. ده طبعا لما يوصل لجريد 12، مرة علشان المصروف معدش مكفى القعاد على الكافيهات(على اعتبار ان النادى بقى بيئة وموضه قديمة) ومرة لان رجوعه الساعة 12 ليلا يوم الخميس دة بيسبب له احراج وسط اصحابه اللى بيرجعوا 2أو 3 ص ، ومرة لأنه زهق من المذاكرة اللى شايف انه مالهاش لازمه (اصله فى الاخر حاطلع ايه غير عاطل)
حاولى فعلا تكبرى مخك شويه او تتجاوزى وماتقفيش على الواحدة لان التقل جاى وراء وبرضه تكبير الدماغ من الباشا ابوه اللى بالمناسبة وجودهم زى عدمهم
انهم ياعزيزتى كائنات بشرية(المفروض) لاترى لاتسمع لاتتكلم والاهم لاتدفع ..
تحياتى
اولا انا مع شجرة الدر
:)
بس انا ارفض الضرب تماما
وكمان لازم يكون في عقاب
مثلا
المرة الاولى
نقول للطفل على غلطه
نقولة مش نوبخه
المرة التانية مثلا توبيخ بسيط
وبعد كده توبيخ جامد شوية
ثم عقاب بسيط
ثم ...
ثم
...
المهم ان العقاب يكون متدرج في الشدة
عشان لا يؤثر بالسلب في نفسية الطفل
دايما نعطي الطفل الفرصة انه يخطيء
لانه لو شعر ان لو اخطيء
حيكون العقاب رادع
يبقى حيخبي عنكم
و ح يكدب
و
و
و
بصي
بابا مش بعبع انت و هو ايد على ايد
انا ولادي خلاص مجننيني
بس برضه في عقاب محرومين من المصروف
بس عارفه و الله ما بفرق معاهم
جيللللللل طهقان
نفسي أصدقكم...بس هو التخيل عندكم حلو أوي برافو
اهمدي بقى انت كمان
انا رحت زعقت له
وانت بطلي زن شوية
احسن انه مش بيضرب العيال
هو العيال ح ينضربوا منك ومنه
مش لازم طرف يشد وطرف يرخي
انت عايزة تعملي مؤامرة ع العيال
اتهدي شوية
وحاولي تدلعيه حبتين
مش كتير
شوية صغيرة بس
لما نشوف
وبطلي نكد
سامعة
مش تبطليه خالص
بطليه شوية بس
اتهدي بقى يا ولية
الراجل عايز حبتين دلع
ما تدلعيه
مالك في ايه؟
انها سلسلة من الطهق الأسري الذى نعيشة بصورة مستمرة ولن تنتهى ابدا
ليس لعيب فينا ولكن لنقص فى التخطيط لحياتنا
مفيش جديد كلهم كده
يريحوا دماغهم و يرموا الحمل علينا
و بعدين يقولك
انت بتزعقي ليه طول الوقت
ليكي حق تطهقي
تحياتي
اجواز اخر زمن
طب ده انا جدي كان يشخط الشخطة يوقف شعر كل الي في البيت
هتضطري اسفة انك تتعاملي مع الموقف وانتي الي تشدي وانتي برضو الي ترخي
انتي الي تكافئي وانتي الي تعاقبي
انتي وبس مادام بابا مكبر مهو مش هينفع تبقوا اتنين مكبرين في البيت
ايوة يا طهقانة الطريقة دي طريقة الامهات اللي بتطهق العيال وانا اؤيد طهان في منهج دلع النونة
معلش بقي انا لسه عايشة مع بابا وماما بفكر بمنطق العيال صراحة
هههههه
انا معاكي في كل حرف قلتيه في طريقه تعاملك من اولادك مع اظهار بعض الحزم ومقابلها الحنان في المواقف التي تتطلب ذلك
تحياتي
الدبور
bastoka 7abibti, ana wallahi monqati3a 3an el blogging bas mot 3alla rou7i min eldi7k lama 2areet liki elkalam dah, enti zai el3asal, khalas ana mosh 7atgawiz badal ma e7sali elli bey7salik, salam
qobolati
بالقباب ....؟
يا شجرة الدر؟
الله يكون في عونك يا طهقان
معلهش
أحنا جايين نهدي النفوس
الراجل لو لاقى فرصة ...علشان يشد ...لازم يتأخذها
ساعات الراجل مش بيلاقي فرصة علشان يتكلم ...فبيلزم الصمت حتى يصبح عادة عنده
ومش بيعرف يفتح بقه
ادي العيش لخبازه
وسيبي كل واحد يقوم بدوره
اخبار المطبخ ايه ؟
هو برضه اللي بيطبخ
برضه
معلهش
أحنا جايين نهدي النفوس
معرفش ليه انا ميال للطهقان
الظاهر
ان الطيور على اشكالها بتقع
الراجل لو لاقى فرصه يقوم بدوره ...اكيد مش هيتأخر
لكن
احيانا
الواحد منا مش بيلاقي فرصه حتى يتكلم ..فبيلزم الصمت حتى يصبح صعب عليه يفتح بقه
احنا جايين نهدي النفوس
لو كان اخدج فرصته كان هيقوم بالدور
واخبار المطبخ ايه؟
منين اللي بيطبخ
وبرضه
معلهش
أحنا جايين نهدي النفوس
ههههههههه
هو ابنكم اسمه ايه صحيح ؟
ههههههههههه
جوزك ده هيبوز الأولاد خالص.
هو كان ممكن أقولك تخفي عليهم شويه بس ده لو كان هو معتدل, كن هو سايب خالص, يبقي لازم انت تعملي كده (:
سلام ياجميله.
أنا اتحكى لي عنكم كثييييييييييير ، واكتشفت دلوقتي إنكم فعلاً زي السـكر
تسلموا حلوووة قوووي مشاكل الولاد لما تبقى بالشكـل ده
أنا كتبت التعليق ده قبل كده ، مش عارف راااااح فيييين ؟؟؟؟؟
على كل حال غيرها ف خيرهـــا
وتحتيااااااااتي لكيو
:)
لووووووووووووووووول مش طبيعى و الله انا مت على نفسى من الضحك احييه الصراحه
من ساعة ما شوفت الاكسبرشن الوهمى
"كئيب كابه الدرفيل اللى عايش فى الصحرا"
قولت لازم تاخد اوسكار على الاكسبرشنز المرعبة ده
الفففففففففف شكر على الضحكة الحلوه
أعتقد ان واحد من الوالدين بس هو اللي مفروض يبقى شديد
يعني مدام انتي واخدة جانب الشدة يبقى سيبي طهقان ياخد جانب الدلع
خليه يتفرج على الدكتور فيل
مش لازم تحصل مشكلة جامدة علشان يحس ان فى أزمة و يبداء يتحرك و دايما حاولى تتحسسيه بمشاكل العيال علشان مايفصلش نفسه عنهم
هههههههههههههه
يا ناس مفيش حد مضربش وهو صغير
البلوج بتاعكم جميل أوى
:)
هو معندوش حق.. هو معذور أنه نفسه الولاد تحبه!! بس فى طرق كتير تخليه يعاقبهم من غير مايكرهوه
ممكن تخليه يقرأ شوية فى كتب علم نفس الأطفال
manal
ايه يا عم أدم
احنا جايين نهدي النفوس والا أيه؟
يا مراكبي
وهو انت بس...دا كل المتجوزييين يا حبة عيني عندهم مفس المشاكل
الاباصيري
عليا النعمة والدك دا راجل ابن حلال ....
وبالنسبة لوجهة نظرك ...
فا وضحت ..بس يارب نفهم
شجرة الدر .....
ما فيش كلمة ليا أنا ؟
بعدك على بالي
اوقليلها يا اختي
فهميها
شادي فادي نظمي رسمي
ربنا يخليهملك يا ابني
أم العيال
سؤال في الخباثة بيني وبينك
مش انت برضه طهقانة زيينا؟
دينا
في حد مدسوس بينا والا ايه ؟؟
صدقي يا اختي
او اعملي جولة في أي شارع او حارة عربية ...واسمعي شكاوي الطهقانين
جبة التهييس الشعبية
انا مخاصمك
ابو أمل
العيب !!!!؟؟؟ طب مش عيب برضه لما تقول كلمة زي دي
؟
سامباتيك
ليه كده يا بنت الحلال ...ده انا كنت باحب اقرأ لك...
ليه التطرف ده ؟
بيسو
حد يشيلو من قدامي!!!
اميرة البلطجة
انا بأحبك للله في للله
الدبور
الرد اعلاه
... بردين
حفصوتشا
معلش اصل ثقافتي مش انجليزي خالص
أكتب بالرصاص
قولها ....فهمها..وعيها..
يسلم فومك
شارم.
هو واحد بس..دول اربعة يا حبة عيني
طهقانين
إسراء
طيب لما اشوفك....
استني عليا
ابراعيم معايا
الله ..دا جاي متسلط بقا يا جدعان
بس قلي ...معاك ايه ؟
ملك
ربنا يخليك يا رب
شيشـــــــــــــــة يالا
متغيرة شوية
لووووولوي
اشوفك في بيت العدل يا شابة
احمد H
فيل مين يابا وسيد قشطة مين
احنا اللي هاندي دروس بعد النهاردة
أجدع واحد في الشارع
ما تعممش وحياتك
ألبيدا
ما انا لو كنت باعرف اقرأ ..ماكانش ده بقا حالنا
مين منال دي ؟
تحياتي على فكرة المدونة
وهمية
بس الخلفية كانت تبقى أشد لو "ياسلام على حبي و حبك" بتاعة شادية و فريد الأطرش
ملحوظة:
هو عنده حق
إيه حكاية أقول لبابا دي
كأنك بتقوليلهم حجيبلكم أمنا الغولة
تقريبا معظم الناس بقت سلبية كده فى تربية اولادها علشان كده احنا
بنضيـــــــــــــــــــــــــــــع
والنعمه العيال دول
خساره فيكي
حد يعمل في ولاده
واحنا ف القرن العشرين
فلاش ميموري وبلاي ستيشن
سيبهم بقي يتربو براحتهم بلاش عقد الماضي دي
كلها يومين والعيال يعملو مدونه ويبهدلوكي فيها
ويقولو عليكي ماما دقه قديمه
ضرب ايه بس هو فى الزمن دة لسة فى حد بيضرب
الضرب دة بقى موضة قديمة خلاص معتش يجيب نتيجة
واصلا العيال معدتش بتخاف شوفيلك طريقة تانية
أنتو أختفيتوا فين؟؟
مصيبة ليكون ربنا هداكم وبطلتم مشاكل مع بعض؟
:)
العيال بتركن الموقف ومع اول طلب منك يقولك انا زعلان منك علشان انت زعلتني
وتفضلي غصب عنك انتي الي تراضي فية
موضوع المصروف دة مبقاش لة نتيجة
انا ضد الضرب بس مش عارف اية الحل
تعالي انتي وجوزك والعيال شوفوا تمرين حلوا عندي فكروا فية هههههههههه
طهقانة يا طهقانة
انا روحت اديت الراجل كلمتين في عضمة بسبب طبق المكرونة اللي حدفك بية_يارب بس تكوني بخير وماحصلش اي خسائر في الارواح والمعدات_ بس انتي بردو خفي علية وعلي العيال شوية وبلاش ام السوط اللي رعبة الراجل والعيااال بية دا
خليكي ناصحة وطبقي السيستم الجديد بتاع خالتك تمر حنة يمكن يجي بفايدة
وابقي دلعية شوية يافوزية
ملحوظة هامة : انا عملت بلوج مخصوووص عشان اكتب كومنتات لكو ولتمر حنة عشان انا بحبكوووو موووت
جيد عطلة نهاية الاسبوع
bastokka ento ro7tom feen ...???
ana mosh ha3ala2 ella lamma terga3o ..!!
على فكرة انا دخلت ومتاكد انى هلاقى سلسله جميلة اوى من الاحداث
عجبنى جدا اسلوبك الادبى
لكن يا مدام طهقانه مش كل شىء بالشدة والزق والصوت العالى
ياما فيه ناس ناجحه ومن غير تعنيف
فيه اساليب للعقاب وتعليم الاولاد اشد من الضوب
صدقينى ده عن تجربة شخصيه
يعنى مش لازم اطلع عين الواد ولا البنت عشان افهمه معنى النعمه
ده مع احترامى للاسلوب الجميل جدا اللى نثرتى بيه فكرتك
لكى منى كل احترام وتقدير
احلام ضايعه
gamed moooot
bs i think en aslan da mosh real
en beta3et mamy we baby tetgawez 7ad zay 6o6o da ;-)
Post a Comment