طبيعي جدا تشوف عيل صغير مريل، أو ولد مراهق ضارب جل في شعره و واقف على باب مدرسة البنات مسبل،أو شاب روش مسقط البنطلون من وسطه و عامل كول و شوية و البنطلون ينزل في ركبه و يبان العاركل ده طبيعي
اللي مش طبيعي... انك تلاقي راجل كهل عدا الاربعين و لسة بيراهق ، و قال علماء النفس بيسموها المرهقة المتأخرة و أنا بسميها
الهطل المتأخر
نرجع لمرجوعنا
و احكيلكم عن الشاب المغوار صاحب الكام و اربعين عام اللي اسمه
طهقان
الراجل يا اختي عرف طريق الكوافيرهرجي و كل يوم و التاني ماسك شكل اشي بيشد الوش و اشي بيقشره و اشي بيحفلطه لا و الاكادة انه ربى سوالفه و عامل فيها جيمس دون طيب ربي ولادك الأول
و لما سألته اية حكاية النيو لوك دي يا بيبي
قالي:و فيها اية اكبر مني و بيدلعوا نفسهم
لاااه اكيد الراجل ده شايفله شوفة و ناوي يعط كده و لا كده طيب استنى انا حلبدلك في الدرة و ارئدلك
المهم مطولش عليكم قولي طولي
اكون قاعدة في الصالة و ادخل علية اوضة النوم الاقيه مشغل الديش على قنوات الاغاني و الفديون كليب و اول ما يحس بايدي على اوكرة الباب يقوم مغير القناة
بلعتها مرة و التانية و التالتة مقدرتش رحت بمنتهى البساطة ماسكة الروموت و دايسة على زرار
بروجرم باك اللي بيجيب اخر قناة كنت بتشوفها قبل دي زي الريديل في التليفون كده
طلعت قناة من اياهم اللي بتجيب خالتك شاكيرا و الست ماردونا اقصد مادونا
ينيلك يا منيل انت بتبصبص للنسوان عبر الاثير
ليه هو انا حرماك من حاجة؟ ده حتى اسانس شادية بشترية بالشئ الفلاني و احط منه و لا بيطمر فيك
المهم قلت يا بت خليه ينباسط ماهو الراجل لازم ينبسط يا زينب سيبيه يروح عن نفسه و اهو كله في الاخر ليكي
و جيت في مرة شغلتله القناة بنفسي و قعدت اتفرج معاه قام يا اختي ماسك جرنال و قعد يقرا
الله؟!!!اشمعنا دلوقتي؟ و لا هو في الخباثة حلو و في الهساسة لأ
أنا طهقت من عمايلك يا طهقان مش ناوي تعقل بقى
طهقاااااااااااانة
117 comments:
طهقان و طهقانة
سمو بالله كده و اتعدلوا و قدروا النعمة اللي انتم فيها - غيركم مش لاقي
أنا مش عارف جيل ايه ده بس يا ربي
طهقان ليه حق يغير لو لاقاكي بتحبي حد أكتر منه يا طهقانة حتى لو كان شخصية اعتبارية زي كاظم
خدو بالكم من نفسيكم
تحياتي من ماناساس البلد
هههههههههههههههههه بجد انا بحبك اوى انا فطست من الضوحك على راى صاحبنا محمد صبحى
عمتا يا طهقانه ياحبيبتى انا من رأى بئا زى ما بيعمل اعملى دلعى نفسك ووريه انك اصغر منه بكتير واحلى من ماردونا دى قصدى مادونا
والبــــــــــــادى اظلم يا طهقاااااااان
nothing to lose
ههههههههههههههه موتينى من الضوحك على راى صاحبنا محمد صبحى
انا بحبك اووووى انتى اصلا كارثه
انا لو منك يا طهقانه يا ختى انزل انا كمان اظبط نفسى كدا واشوف نفسى واجيبلى كام بادى على كام بنتاكور وادوخه شويه ومنولوش حاجة بعد كدا:P :P وخلى ماردونا بقى تنفعه قصدى مادونا
أنا أول واحد يعمل كومنت بصى يا استاذه طهقانه انا مش ضد ان الراجل يتسبسب ولا يضرب جيل فى شعره ولا يسقط بنطلون لركبه مدام ده لمراته لان الزوجه ليها حق على زوجها زى ما العكس مطلوب دايما
وبلاش اسانس سادية عشان قدم
كتابتك بجد رائعه ومستنى تعليق منك فى مدونتى
regards
ممممممممممم
معتقدش ان ده هطل
اعتقد انه مرحلة
يعنى انا واحده مثلا
بابا لما حد بيجيب قناة من دول يقعد يقول اقلبوا مش عارف ايه اللى عاملينه فى نفسهم ده فى الوقت نفسه ابن عمتى بيحب يتفرج ع الحاجات دى قدام مراته و بيقعد يمدح فى جمال الموديلز
فهى مرحلة يا زينب
و انتى مادام سايباله الاشارة خضراء يبقى عداكى العيب
هو بقى عامل فيها مش من دول و بيقرا الجرنال
يبقى اكبسى على نفسه يا زينب
:)
انا جيت اهه .... ايه ده هو مافيش حد والا ايه ...!! هو المكان ماله صحرا كده .. هو انا جيت بدرى والا ايه ؟؟؟
يعنى هو انت يوم ماتدلعيله تحطيله اسانس شاديه ... :)
اقولك كلمه فى ودنك من راجل زى جوزك .... بس انا لسه صغنن عنه شويه ...
عايزه تلفى دماغه فى حاجه اسمها first move >>>
ايوه اسمالله عليكى يعنى مين اللى يبدأ
المشكله فى مصر ان الراجل هو اللى بيبدأ دايما .. هو اللى لازم يقول كلام حلو و الا تزعلى .
هو اللى لازم يبوسك الاول .
هو اللى لازم يقولك انهارده الخميس يا طهقو ( انتى فاهمه طبعا ..احنا متجوزين زى بعض ) .
جربى انتى بقى موضوع الفرست موف ده ... بيفرق جامد والله
يعنى فجأه كده ادخلى فى حضنه و انتوا بتتفرجوا على التليفزيون ... مكياج و دلع من غير مناسبه ... حته هدمه مدندشه كده ماركة هيفاء و هبى ... و مافيش مانع انك انتى اللى تقوليلوا النهارده الخميس ...
مش عايز افسر اكتر من كده ..فى مراهقين بييجوا هتا كتير ... :)
المهم ان الحاجات دى بتفرق مووت .. لان الراجل بيبص مره من كتر الملل ..فلو كسرتى الملل ده علطول هاتشوفى الفرق ... :)
تحياتى و ابقى ادعيلى يوم الخميس :)
معلش يا زينب مانت مش جايباله بيجامه جمرا و مش بتشربي سجاير فى الفسحة وكل همك الاكل و الولاد
بوصى يا طهقانه الراجل بيحب يحس ان الست مش شايفاه راجل و بيحب يتدلع زى الطفل الصغير معلش واجب تقيل شويه بس بيحب فى السن ده يحس انه لسه شباب و مرغوب
بس يعنى برضه طهقان ماتزودهاش و تسؤ الدلال عليها برضه انت عارف كويس ان الستات اللى فى الكليبات دول الواحد ما يامنلهومش خالص منظر و بس وممكن يكونوا نكديين و ملعب
شوفوا بقى دى مشكله ازليه بس المهم كل واحد يحسبها بمنتهى الصدق انه مكنش خايلاقى زى شريك حياته لو لف الدنيا
وربنا يخليكوا لبعض
هههههههههههههههههههههههه
بجد اسلوب جامد اوي في الحكاوي بتاعتكم دي
استهدوا بالله كده
واحد عنده مراته الطهقانه
وواحده عندها جوزها الطهقان
يعني حياه غاية في السعاده
المشكله لو القناه جابت اغنية طهقان زهقان
اعتقد حتتخانقوا على اللي يتفرج عليها
:)
علي فكرة أنا باجي كتير بس مش باسيب تعليقات المدونة بتاعتك لذيذة و بتاعة طهقان برضه لذيذة أنهو ألذ بقي مش هاقدر أقول لاحسن أبقي سبب جديد في مشاكل بينكم ...صورة الكلب حلوة أوي علي فكرة ... بعدين يا طهقانة ما تسيبيه يتفرج عاللي هو عايزه
هو كان قاعد مستني أعلان معين بس ما جاش و قلقان لا تفتكريه بيتفرج عالكليبات
مالكيش حق تشكي فيه علي فكرة
هطل متاخر يا نهاري دي تبقي اغلب الرجالة هطل انا بسميها اهتمامات شخصية تجديد بدل الكأبة انا بنصحك
انك تهتمي بكل حاجة بيعملها بدل ما حد يهتم غيرك ويا ريت تعملي ضعفة كمان
الراجل عايز يعيش حياتة
انا جيت اهو الي اخرني كنت بضيف لينك عندي ليك
مدونتك دمها خفي بجد
تحياتي
لفت نظري اسم الدونة الغريب بتاعك وواضح انك بتطلعي طهأك فيه شيء جميل ان الواحد يلقي متنفس يخرج فيه كل الي جواه تعرفي انا احيانا كتير بحس الي بتحسي انت وطهقان مع مراتي بس برجع كتير برده الوم نفسي واقول احنا السبب ثقافتنا خلت حياتنا لا فيها تجديد ولا ابداع ومن طبعنا الملول وعدم الرضا الس سببه من وجهة نظري بعدنا عن ربنا خلانا دايما طهقانين ونشوف دايما الجزء الفارغ من الكوب
علي كل حال ربنا يسعد اوقاتك
تحياتي
لا...لا..ده حرام
كتبت بوست طويييييييييييل
والنت فصل
ده عقابي عشان كان طويل
من الاول:S
ذنبك بقي
السلام عليكم
علي فكرة انا متابعاكى من الاول
بصي يا ستى لو عاوزة رايي
حاولي ماتعارضيهوش في حاجة
لانك لو عارضتيه
حيصمم اكتر علي اللي في دماغه
ومش بعيد تطلعى انتى اللي غلطانة
يعنى مثلا لما يتفرج علي الحاجات دى
تقعدى جنبه وكأن عادى جدا جدا
وكلام في سرك بقي
حاولي تندمجى معاه
يعنى لما تشوفي الحاجات دى
ماتقوليش ايه قة الادب دى
شفت المياصة بتاعت البت دى
يااااااااااااااااي
ايه ده
لا خالص هو مش حييجي بالطريقة دي
إطلاقا
بل بالعكس
قوليله
البنت دى أمورة اوى اوى
بس عارف لو مناخيرها تصغر شوية حتبقي مش ممكن
ولا البنوتة دى قمر ..قمر ماشاء الله
الله...البنوتة دى عندها وسط ولا وسط كمنجة
وماتحاوليش تبيني انك متضايقة
نووووووووووووو
خالص
بس برضة
يا خراشي احمد السقا
بموووووووووووت فيه
وصورة وبوستراته
ده لو كان له بوسترز:D
أى حد يعنى
المهم اوعى تبينى انك متضايقة
ودى مرحلة اولي
وافتكري دايما
إن كيدهن عظييييييييييم
يالا كفاية عليكى كده
سلاماتي
:)
ههههههههههههههه
مش عارف بصراحه اقولكم ايه
انتوا الاتنين
زوجين زي السكر
ياريت مراتي تعمل معايا كدا
طهقان كان عندو حق
لو لقى اللى تملا عينة كان قعد لها ومقعدش للدش والمسخرة
عموماً حالتةدى معروفة ومسجلة فى الطب باسم الامينو روهيا
تماااااام الراجل ملقاش اللى تملا عينة
هههههههههههه
مش جبتيها حمرا ليه يا زينب
استهدوا بالله كدة
اقولك بوظيله التليفزيون
او كسري الرموت
اتصرفي بقي
والله كلنا طهقا نين
اما با لنسبه لمو ضوع البوست
فهو فعلا حا جه تتهق
سلام
:D:D:D:D:D:D:D.....:D:D:D:D:D:D:D:D:D:D....eslobko gameeeeeeeel...:D:D:D:D...ento 3latool kda....we shokra 3la nase7tek el 3'alya
طيب ما تجربي تتحفلطي انت كمان
شوفيلك واحد عجلاتي كويس انفخي عنده
و البسي شرز باتستا بكرانيش
و غنيلو بوس الواوا
او اهبديه واحدة
نوتي
بس براحة ليروح فيها
و ابقي قوليلي الاخبار
تحياتي
ههههههههه
حلو أوى البلوج دة
لاء بجد يعنى
وعلى كدة إنتوا فعلا متجوزين
والحجات دى حقيقة
دة إنتوا مسخرة
هههههههههههههه
وعادى بقة
أودى
ههههههههههههههههههههههههههههههه
no comment !!!!!!!!!!!!!!!!!
هههههههههههههههه
بجد اه هطل
معلش يا طهقانه استحمليه زى جوزك برده
ينهار منيل ، هى العمايل دى مراهقه متأخره والناس كلها عارفه كده عن اللى بيعمل كده
يكسوفى يكسوفى
حسسيه بالتغيير فيكى وشوفى هوا ايه الى بيديقوا ومتعملهوش
احيانا اظن ان طهقان هو طهقانه وطهقانه هى طهقان
نفس الاسلوب
نفس الكلام
نفس المفردات
نفس الروح
كانهم شخص واحد يتقمص كلا الشخصيتين
هل العشرة وحدت بينهما الى هذا الحد
ام هم فعلا شخص واحد يعيش فى الخيال عوضا عن الواقع
اسوأ ما فى النت انها عالم افتراضى
الوهم فيها اكثر من الحقيقه
ههههه
طهقان أنت زى العسل
طهقانة هنصحك نصيحة هتنفعك طووول العمر
أشربى سجاير
هههههه
أية ياستو هانم؟؟
فيها أية لما الراجل يتفرج على هيفاء
ولا يتمزج مع نانسى عجرم
هو هيبقى هم وقلم مم
فكى عن الراجل شوية ليفك منك
وبعدين بلاش أيسانس شادية
حطيلة أيسانس شاكيرا وهو هيبقى زى الفل
ماشي
بجد :)))))))))))))
انت تحفه
ربنا يسعد اوقاتك
بوست جميل وفكرة المدونة جميلة جدا
تحياتي لك
يمكن ياطهقانه كترتى فى أسنس شادية وانتى قعدة جنبه... عموما يا توته خليه يتفرج براحته واللى اخدته القرعة - لامؤاخذه - تبقى تاخده ام الشعور...
وبوسيلى الاولاد
أنا شكلي جيت متأخر
أنا بأعتذر علشان مش هأقدر أقول رأيي في الموضوع ده لأني مش عايز أزعل طهقانة ولا أزعل مراتي وخلينا في الطيب أحسن
أعذرني يا طهقان يا أخويا .. مش هأقدر أصرح برأيي وإنت ما ترضاليش الأذية برضه
هههههههههههههه
هما الرجالة كلهم كده يا أوختشى!! ولا يهمك فترة وهتعدى
وياستى ابقى قلديلوا شاكيرا ومارادونا قصدى مادونا
ههههههههه
manal
يابسكوته يا جميله انا مقصدش طبعا انك انتى القرعة بس هو المثل كده ، عموما مثلك فعلا الاضبط، معلش طلعت خايبه ماليش فى الامثال ..
الاولاد وابوهم كمان يبوسوا ايدكى انتى و بس ... انتى نورتهم ياقمر
ههههههههههههههههههههههه
مطقطعوش في بعض كل شي بالتفاق
و انتي يا طهقانه يا اختشي الست العاقله اللي تحلق للراجل لغاية ما هو يقولها انتي حلقالي ليه 00
و المثل بيقول 00 سيب حبيبك علي هواه لما ديله يجي علي قفاه
هههههههههههههههههههههههه
يا لهوي راجل ايه ده اللي إنت متجوزاه
اختشي يا راجل و احمد ربنا ع النعمة اللي مديهالك
طهقانة
مصدقك خلاص
بس على فكرة
أحسن من على سهوة يعنى
أنا أسمى
أودى 911
وعادى بقة يعنى إنتى غلطى فى البخارى
أودى
اوببببببببا
مراهقة متاخرة دي ولا ايه
انا عاوزك تفتحي عينيكي كده وتصحصحي
شكله كده عارف واحدة
اهم حاجة تقلبي الموبايل
والرسايل
اما تقفشيه ابقي قوليلي بقي
سلام
يا نهار أغمق من السحابه السوده
هو إنتوا بتناقشوا الحاجات دى على الهواء مباشرة كده
على أيامنا كان لما الواحد و لا الواحده تمر الفكره من دول فى دماغه كان يروح لشيخ يتوبه
على كل ربنا يهديكوا
وكمان على كل
كلها كام يوم و ماحدش يستجرى يفتح بقه يتاوب بعد المواد المشعه اللى هاتتقندل فى الدستور
و كله يمشى جنب الحيطه
و اللى كان ماشى جنب الحيطه يمشى جواها
أبو الدراويش
ماهوة معزور برضة يا طهقانة يا ختي
مانتي لو بتلبسيلة زي اللي في الكليبات اياها ولو بتحطي هوجة بوس او هالينا كاريرا مش اسنس شادية بتاع تيتة من التراث العائلي
سيبك من العند و تكسير الريموت و مسح القنوات و تشفيرها
الست الشاطرة العاقلة الواعية بعيد عنا وعن السامعين هي اللي تشوف احتياجات جوزها واية اللي ناقصة توفرهولة مش تزود علية الحرمان بحرمان
قومي ياختي كدة استهدي بالله وخديللك دوش واشتري بارفان حريمي كويس مش افتر شيف شادية و اعملي شعرك تسريحة موضه بشوية صبغه صفرا ميشات وللا حمراء و البسي حاجة حلوة مدندشة للبيت كدة حاجة عالموضة سن خماشر تمناشر كدة
تحياتي
و اعوجي بقك شوية وانتي بتتكلمي و احفظي اغنيتي تلاتة من بتوع طنطك هيفاء وهبي وبالذات الشهيرة احبك اة وتغنيها في المطبخ وانتي بتطبخي وشوفي وبكرة تدعيلي وتقولي عم الحصان قال
اصل احنا يا رجلة ساعات كتير مابنبقاش احصنة وانما بننتمي للفصيلة الكلبية فخللي بالك ووفري احتياجاتنا بدل متبقي طهقانة نمرة واحدد و يجيبلك طهقانة نمرة اتنين
عسل يا اختشي
بس اكيد اسانس شادية هو السبب
ياختشي ادندشي ليه شوية
حاجة حلوة كدة بدل منظرك بالرولو و ريحة البصل و تعبانة يا سي طهقان
:))
وحياة ربنا العظيم ماله حق
دي حاجه تطهق بصحيح
بس إنت ياوختي يا زينب
متحبكهاش قوي...وتلزئي للراجل بالشكل
ده عشان دي بردوه حاجة تطهق العفريت
ويجعلو عامر
طهقان
ربنا يهديك ياطهقان علشان طهقانة هتتجنن قريب
استهدوا بالله ياجدعان
استهدوا بالله
\صورتى وانا هموت من الضحك\
سلام
يعني بدل مسك الجرنال يبقي الموضوع خرج من ايدينا كدة بقي لا حينفع معاة لا ديش و لا حتي منشطات
بصي فوضي امرك لله و يعني عزيزي طهقان ويلكم تو زا كلاب يا عزيزي اعرف بقي طقم محطات مشفرة ليها سايت بيفك الشفرة عجب
و ياريت تلم الدولاب و انت بطلع بيجامتك اصلك اتفضحت عندي
تحياتي لكم جميعا
ههههههههههههه
فى الخباثة اه فى الهساسة لا
ربنا يسعدك ياشيخة زى ماضحكتينى كدة وانا مش عايزة اضحك
اديله على دماغه ماتسكتيلوش يازينب
قصدى ياطهقانة
انتى عسسسسسسسل
ياستي كبري دماغك كدة واعملي ريلاكسيشن
ولايهمك من الكلام ده كله
انتي كمان عيشي وروحي الكوافير
اتبسطي يعني..محدش واخد منها حاجة واحمدي ربنا انها جت على قد كدة..مشفتيش البلاوي الي بيعملوها الرجالة
طهقانه تحياتي خيتي
عارفه الي عاوز يخرج من الحاله النفسيه العايش فيها و الي طبعا الياس و الاحباط , انا عملت فيها دكتورة و بدلهم ع مدونتك و اهو جايبة نتيجة . اه بالشغل الصبايا حفظتو الكلمات و ازواجهم عم بيسالو عن المحترمه الي دلتهم ع الخير.
هطل هطل انا (سيدي والد والدي شو تسمو جدي) اه هو عمرة ماشالله 80 و بيحب و مصاحب و طلب مني قبل فتره اشتريلو موبايل عشان الجيرفرند اه والله ,و بتديلو مسد كول كمان و بيسمع اغاني و بيشتري عطر برفان من النوع المحترم . شو تسمي ده ؟؟ برضك مراهقة و لا.... بلاش عشان عيب يفضل سيدو
تحياتي الك و للعزيز طقهان .. بعدين ما كلنا طهقانين عذرا ع التطفل و الاطاله
تحياتي
بس زي ما قلتي في الآخر كله لطهقانة
ههههههههههههههههه
بصي ياطهقانه ..صاحبيه أحسن
وانزلي عاكسي معاه بنات على الناصية كمان
لأ بجد والله صاحبيه علشان تعرفي تلفي دماغي
وماتنسيش كمان تدلعني نفسك
وياريت تدي العيال أجازة
أنا جيت اهوه زي ماوعدتك يا ست طهقانه
وليه تطهق بس
دي الحياه منتهي اللذه
ثم ماتحبوا بعض بأي طريقه
بس انتوا الاتنين زي العسل
وسعيد بمعرفت مدونتكم وكنتوا فين من زمان
ومتبقوا تيجواااااا
هههههههههه
دمت بسلام وسعاده
في ناس كتير عندها العطل ده
انا كنت مأيد طهقان
بس علشان توصل لشاكيرا ومادونا
لاا
والف لا
بصراحة
انا اشجع الانتاج المحلي
واحنا كده زي القرع يمد لبلاد بره
اعذرني يا طهقان
بس
مستني اسمع كلمتك
انت رحت فين يا راجل..
دافع عن نفسيتك
Hi Dear,
This is simply an invitation to visit my blog & read the translation of the rapport issued by the Italian National Institute about the violence on women in Italy, 2006.
http://chiccopolis.blogspot.com/
Really interesting
Karim
Hello, Bastokka!
This dog is very,very nice. thank you
Have a good week
اخيرا يا طهقانه ... حمد الله علي السلامه علي فكرة يا طهقانه دا مش مراهقة متأخرة دي فراغة عين يابنتي
عمك الحاج انيس منصور بيقولك (حتي لاتراها جميله تزوجها) ومن الواضح ان 99% من الرجال _ مش عايزة اقول 100% عشان لو حد حب يعترض من نفسه_مقتنعين جدا بكدا يعني ساعات بحس ان جوز الاخت مادونا والاخت شاكيرا _بفرض انه موجود يعني _هايقعد يبص علي اي مزه تانيه ويمصمص في شفايفه ويقول ناس لها بخت وناس لها ....
والحل الامثل في الحالات دي انك انتي كمان ماتخفيش اعجابك قدامه برشدي اباظه براد بت والناس الجامده دي والجزاء من جنس العمل والبادي اظلم
وبعدين ( اذا اردت فاطمه فكن عليا ) يعني لو عايز شاكيرا لازم تكون انت ليوناردو ديكابريو
ودمتم
جامدو قوي المدونة دي
بس ياريت نقرا الجديد كل يوم :)
تحياتي لهذه الفكرة الرااائعة
و بتقولى عليا كسلان ...؟ و انتى مابتكتبيش من سنه 1978
انا بيتهيئلي اني الجالة حيفضلو مراهقين على طول
مفيش سن مراهقة معين عندهم
:)
:)
عجبتني كلامة من كلام الورق وكلامك المرة دي مش علي الورق وبس كلامك هو من نبع تجربتك الشخصية وطريقتك كانت غير عادية بجد الموضوع هايل جدا
وانا مش هقول انا معاكي ولا عليكي انا هقول اني مع كل كلمة وكل حرف بيخرج من اعماق القلب وعلي فكرة بتمني اتعلم اكتب زيك وبالطريقة الجميلة دي
عجبتني كلامة من كلام الورق والمرة دي لكمة مش علي الورق وبس الكلمة بابعة
من تجربة شخصية
طريقتك جميلة اوي في الكتابة وبتمني اتعلم اكتب كدة زيك
عزيزتي طهقانة
وصلني الرد علي تعليقي عند طهقان علي اخر مواضيعة
شكرا يا قمر و شايلك لعوزة اكبر
و شكرا علي الزجاجتين بس ياريت تغير يلي الصنف من زنب معتق الي اي شيء تاني معتق غير دة و الجاز و البنزين
تحياتي
ملحوظة : المودام ام نيمو بتقولك رمت طوبتي من زماننننننننننن
حرام عليكي اللي بتعمليه في طهقان جوزك
الراجل ده ليه الجنه
ايه يا طهقان و طهقانة
انتم قلبتم المدونة كومينتات على بوست و احد و خلاص؟
تحياتي من ماناساس البلد و لا عزاء للاستهجاء
:)
مش هتغيري بقه
ههههههههههههههه
بلوج جامد والله وحاطه في البلوج عندي
ربنا يقويكم علي بعض
ويوقع بينكم ولاد الحلال
بجد مش ممكن فعلا الحوار دة بيحصل فى كل بيت هو كل الناس كدة طهقانين
واضح انى هطهق انا كمان دلوقتى عقدتونى
انا عارفة ان بعض الرجالة بتتهطل دايما علي تأخر ده غير بعضهم المهطول أصلا ،، وقد وقع نصيبك علي هذه الزيجة الميمونة والله الموفق
اعرف محامي شاطر ممكن يخلصلك مواضيعك كلها ،، قضية حجر وتخلصي هههههههه
Post a Comment