في سهرة صفا و دفا تحت البطانية و قدام التليفزيون و الست سومة بتغرد(كلموني تاني عنك..فكروني) و كباية الشاي بلبن و الكيك عاملين جو دافئ جميل، انتهزت الفرصة و قلت أمهد لطهقان الشارع و ارصف الرصفان و أشجر كام شجرة كده في شارع جوزانا المصون..و دار بنا الحوار التالي:
طهقانة:ياختي جماله حلو ..بص يا طهقان صورة النونو ده جميل ازاي ..يا حلاوته كدة و هو عامل زي كيلو الملبن بالمكسرات
طهقان:مكسرات؟؟ تقصدي تقولي بالمدشدشات ..هي دي عيال دي ؟ العيال اهيه نايمة جوة ، أربع عفاريت بيدشدشوا البيت كل يوم
طهقانة:لا يا طوطو..ده نونو صغنون في البيت كده يعمل حس و يتنطط و الرايح و الجاي يلاعبه و يبوسه ..شكل تاني برضه
طهقان:ايوة فعلا شكل تاني..اهو ده الشكل اللي أنا اعرفه
طهقانة:ههههه ..طيب و الله عسول برضه ..كل البيبيهات امورة و هي نونو كده
طهقان:امورة اية و نيلة اية.. انتي ناسية الواد طهقان الصغير لما كان نونو كان بيسهرنا للصبح احنا و الجيران و طول الليل يأوأ و يخليني اروح الشغل عامل زي الصرصار اللي بايت في علبة بودرة صراصير
طهقانة:أصل أنا كنت وقتها صغيرة و مش فهماله ،و لما بيعيط بقعد اعيط جنبه ، بس دلوقتي خلاص بقيت مخضرمة
طهقان:و لا البت (طهقانة الصغيرة) كانت عضوة في الفريق السوبرانوا بتاع الأوبرا و هي لسة في اللفة، و كان صوتها يصحي الميت
طهقانة:(طهقانة الصغيرة) !!..دي كانت قمر و هي صغيرة ،يا سلام كده على حتة كتكوت صغنن يملى علينا البيت فرحة و سرور
طهقان: تقصدي ديناصور يملى البيت بامبرز و سيريلاك و كع يا أبو الطهقانيين، و شوية و الديناصور يكبر و عايز يدخل المدرسة و اجري يا ابو الطهقانين، و الديناصور عيان و عايز دكتور و الحق يا ابو الطهقانين ، لما ابو الطهقانيين خلاص جاب زيت وموتوره فوت.
طهقانة:يا سلام عليك يا طهقان ..دي حتى العيال بتيجي برزقها ، على الأقل تلاقي حد يحبك ويحن عليك لما تكبر
طهقان: من الحب ما قتل ...و بعدين يا اختي .. انت خسرانة حاجة!! ما انتي بتخلفي و انا اللي بتربط في الساقية
طهقانة:ساقية اية بس يا طوطو !!..ده حتى الأب بيفرح اكتر من الأم بالنونو الجديد ،و بيحس انه لسة شباب منتج فعال في المجتمع ،و انه مسلمش النمر و اتسحبت رخصه في الحياة.
طهقان: لا أنا عايز تتسحب رخصي و اخد غرامة و عنديش مانع يسحبوا العدة كمان..
قال يفرح... قال... فاكرة الواد (طهقان الثالث) لما فتح درفة المطبخ و احنا نايمين ومسك قزايز الزيت و أكياس الدقيق و عمل لوحة تشكيلية على بلاط المطبخ ..فاكرة يومها أنا كنت حموت من الغيظ ازاي!؟
و لا الواد (طهقان الرابع) لما وقع اتعور ساعة الفطار في رمضان و بقيت بجري بيه على المستشفيات مش لاقي حد يخيطه
طهقانة:بكرة أفكرك.. لما حتبقى مزقطط من الفرحة
طهقان:بكرة اية؟؟؟ حبقى مين؟؟
طهقانة: الله..هو أنا مقلتلكش؟
طهقان: أنا شامم ريحة شياط... قولتيلي اية؟؟
طهقانة: (ابتسامة ساحرة)مش أنا ...... حامل في الرابع و حكملك الطهقانين خمسة !!
طهقان: اية؟؟؟؟؟؟؟؟؟ مين؟؟؟؟؟؟؟؟ امتى؟؟؟؟؟ ازاي؟؟؟؟؟؟
طهقانة: شفت؟؟ حتموت من الفرحة ازاي!!
طهقان: عااااااااااااااااااااا(برطمة كتيرة.. الرقابة خذفتها)
طهقانة: ده بدل ما تقولي مبروك يا حبيبتي.. نفسك في اية اجيبهولك؟؟؟و أوعي تشيلي تقيل و ارتاحي في السرير... زي ما بشوف في الأفلام؟
دي حاجة تطهق بجد
اوروفوار
امضاء
RSS Feed (xml)
61 comments:
ماشاء الله
بجد فرحانالك جدا جدا جدا
ربنا يرزقك باللي في نفسك وتقومي بالسلامه
يتربي في عز مملكه الطهاقنين
بس سؤال..
انتي جايه تقولي لجوزك في الرابع ياطهقانه
4 شهور مالحظش
غريبه دي
ههههههه و الله ده اللي حصل انا نفسي ملاحظتش
الله يبارك فيكي
:))
اوروفوار
هههههههههههههههههههه
كل ده حصل بجد الله يكون فى عون طهقان
ههههههههههههههههه
ومليييييييييييييييييييييون مبروك لو الكلام ده بصح يعنى
تحياتى
الله يكون في عونك ياطهقان
هو أنت هتلاحق على مين ولا مين
ألف مبروك يافندم
بس الله يكرمك خلي بالك على الغلبان اللي مربوط في الساقيه ده
ربنا يتملك على خير يارب
مودتي
مبوووووك
ألف مبروك يا طهقانة، نفسك ف إيه أحيبهولك؟؟؟
ههههههه
مبروك
عقبال السادس كمان .. لازم تجيبي حد يلعب مع الخامس بقى
هههههههههههههههههههه
انتى مشكلة كبيرة بطريقتك ديه
اولا الف الف الف الف الف
مبروك
ربنا يعينك على حسن تربيتهم يارب
و ربنا يهديلك طهقان علشان مش يطهق منك انتى و العيال
ههههههههههههههههههه
مبروك يا حبيبتى الف مبروك يارب
يتربوا فى عزك و عز ابوهم
بس طهقانة انتى عارفه اسلوبك البارد ده مع جوزك
هههههههههههههههههههه
يفرس
ههههههههههههههه
''' ''' ''' ''' '''
(*!*) (*!*) (*!*) (*!*) (*!*)
\*/ \*/ \./ \ٌ/ \×/
الف الف مبروك
بس انتى مش شايفه انك كده منتى عامله كمين و مستنيه يقع فيه
ربنا يتملك على خير
السلام عليكم...
ألف مبروك يا حبيبتي والله يتمملك على خير وتقومي بالسلامه
وتجبيلنا طهقون أو طهقونه صغنن كده نبوسه ونلعب بيه..
........
هو دي الوقت طهقان بس أما يشوف البيبي حيبقى فرحان أفندي...
........
بالرابع إيه يا بسكوته
كل ده ومش كنتي تحسي..
...........
دمتي بخير
الف الف مبرووووووووووووووك
يلا شدى حيلك و خليهم 5 فى عين العدو و فى عين طهقان
ههههههههههه
ماشاء الله
الف الف مبروك يا طهقانة
كده صدمتى طهقان
كنت هموت من الضحك هههههههههههههه
بس كده شهور الوحم عدت .. مش هتعرفى تقوليله نفسى فى حاجة هههههههه
ربنا يتمم لك على خير يارب ويرزقك صلاح اولادك وبرهم
الف مبروك يا جميل
وعقبال كلاكيت سادس مرة ان شاء الله
سالى
الف الف الف مبروووووووووك
بجد اتبسطت ليكي اوي يا بستوكه
وعقبالنا كده لما نتجوز ونجيب ديناصوؤات صغيره
تحياتي
مبروك و عقبال متكمليهم 11
و تعملي فريق كوره ينافس الأهلي
يتربي في عزك
والله أنا مش عارفة انتى بتتكلمى بجد وله بتهزرى لكن لوجد بيقى ألف مبروك وربنا يقومك بالسلامة وتشوفيهم عرسان وعرايس
السلام عليكم
هههههههههههههههههههههههههههه
طهقانه انتي حته سكر والله وهتجيبي حته سكر زيك ان شاء الله ربنا يديكي الصحه ويقومك بالف سلامه ويصبر ابو الطهقانين هههههههههههههههه
مبرووووووووووك
مشاء الله
بس مش كثير
مبتشوفوش ماما كريمة
الف مبروك بس حلو التمهيد اهو يا حبيبتى يعنى مجتش له صدمه مفاجاه ربنا يخليهم لكى يا رب
الله يبارك فيكم متشكرة قوي على دعواتكم الرقيقة و ربنا يتقبل دعائكم
ايوة شدوا حيلكم معايا في الدعاء لحسن الصحة مش ولابد الحمد لله
الموضوع ده بجد فعلا يعني تدوينة من واكع الحياة
هههههههه
ربنا يفرجها علينا و على اهل غزة و ينجينا و ينجيهم و يهد اللي في بالنا و اسرائيل
اوروفوار
مبرووووووووووك
ممكن اخده اربيه لحد مايبئى عنده 9شهور واديهولك تاني اصل انا بحبهم وهما نونات بس
العزيزة طهقانة
بصرف النظر عن ان كان ماقلت دعابة اوحقيقة (مبروك) فأنا مبهور بذكاء وطرافة الحوار الذى قاد المسكين طهقان الى النهاية السعيدة
بس والله شوية صور عسل ولكن انا صعبان علية الاخ طهقان .. ممكن اعرف هو لسة فى البيت ولا هاجر.. مجرد سؤال؟
إن شاء الله ربنا هيديكى توأم عشان يبقى جوزك ضرب الرقم القياسى فى التحمل بين الأزواج وكمان تعملى فريق كورة ينصفنا فى كأس العالم
ههههههههههههه
ألف مبروك
لولولولولولولولووييييييييييييييييي
مبروك با طوطو و الله فرحتلك ربنا يتمم لك على خير و يبارك لك فيهم و ربنا يعين السيد طهقان ههههههههههه
اسفة على عدم المتابعة الفترة اللي فاتت اصلي مشغولة في جواز اختي عقبال كدة ما تفرحنا زيك بطهقان صغنون
مبروك يا جميلة
تحياتي
مش فاهمالك يا طهقانه وانتى مش بتردي عليا
هو بصحيح البوستات دي ولا ايه
عموما لو انتى حامل مبروووووك
انا عندي الوضع بالعكس تماااااااما
جوزي الى عايزنى اخلف وانا مش راضيه
او مش قادره اخوض التجربه دي من جديد
ودايما اقوله لما تبقىتفضى تربي ال 3 الى جبتهم ابقى هات غيرهم يا حلو
وساعات تانيه اقوله مااااااشي بس قبل مااحمل عايزه شغاله وعربيه
مبرووووووووووك
ربنا يكملك على خير ياحبيبتى وتقومى بالسلامة
مبروووووووووووووووك
طيب المره دي بقى سميه لمض
او لماضة يا طهقانتي
ربنا يارب يقومك بالف سلامه ويتربى في عزك يا طهقان افندي
طيب انا كده هفكر اتخصص اطفال فعلا
هكسب من وراكم دهب
هههههه
بعد الشر على الكتاكيت يارب
ويقومك بالسلامه يا جميله
لو الكلام ده بجد
الف مبروك
ربنا يقومك بالسلامة يارب
ويبقى هو او هي سبب ان اسم طهقان يتغير لروقان
تحياتي
ههههههههههههههههه
مبرووووووووك يا طهقانه
بس كده مش هتعملى ازمه سكانيه
ربنا يكون فى عونك يا طهقان
بسم الله ما شاء الله
ألف مبروك يا بستوكة هانم
و ربنا يكون في عون طهقان أفندي
بإذن الله يبقوا تؤام كده و تفرحي بيهم
أو 3 توائم
أو أربعة
ماتعرفيش
ده ربنا فضله واسع
:-)
ربنا يدّيكي الصحة و تقومي بالسلامة
السلام عليكم
طيب الحمد لله ان فى اولى زيارة ليا لمدونتك يبقى فى خبر حلو اوى كدا
الف مليون مبروك وان شاء الله ربنا يتم عليكى بالف مليون خير
تحياتى
يويو
الف مليون مبروووك ياطهقانه
والله فرحتلك قوى
انا عندى تلاته ونفسى اجيب الرابع بس الباشا مش راضى بتاتا البته
قولت اعملها من وراه بس برضه ربنا مارادش
لكن الحمد لله ربنا يخليلى العيال
تحياتى ليك وربنا يقومك بالسلامه
ويعينك عليهم يارب
لا يا طهقانة
كده كتير
ده طهقان
زمانه بيشد في يشعرو
لازم نراعي مشاعره بردو
عموما الف مبروك
عقبال السادس
هيييييييييييييه
يعنى انا لما اجى الاقى الخبر الحلو ده
:))))))
انا مبسووووووووطه او عشانك يا بستوكه
بجد الف الف الف مبروووووووووووك
ويتربى فى عزكو كده انشاءالله
سلامى ليكى الجامد اوى
:))
طهقان: لا أنا عايز تتسحب رخصي و اخد غرامة و عنديش مانع يسحبوا العدة كمان.
هههههههههههههههههههههههههههه
موتتني من الضحك بجد
الراجل موافق على اي عواقب بس ما يبقاش فيه انزر طهقان
ربنا يقومك بالسلامةو و يرزقكم برزقهم يا رب
تحياتي ليكي و قلبي مع طهقان
بجد الف الف الف مبروووووووووووك
ربنا يكملك على خير ياحبيبتى وتقومى بالسلامة
الله يكون في عونك ياطهقان
تحياتى
هل انتهت الحرب علي فلسطين؟
هل انتهي التأمرالرسمي العربي والدولي علي المقاومة؟
كيف نفعل روح المقاومة المدنية بيننا؟
كيف نطور الهبة الشعبية العربية والاسلامية لصالح القضية الفلسطينية ؟
شارك معنا بافكارك واطروحاتك
حتي لايكون جهدنا قبض الريح
مدونة مواطنون ضد الشعب
نحن في انتظارك
دمك خفيف أوي
:)
و الصور اللي بتختاريها في مدونتك كمان لذيذة أوي
ألف مبروك. ربنا يباركلك في كل أولادك يارب
بس خلي بالك من طهقان
تحياتي
mabroul el babe el geded o rabena yekremo o yerzo2ko b rez2o
salamo 3alekom
السلام عليكم
الف مبروك
وربنا يبارك ليكي فيه
مبروك ربنا يكرمك بالذرية الصالحة ان شاء الله
وطهقان المفروش ميطهقش الصراحة :)
صباح الفل
ازيك ياطقوتي ياللي دايما مفاجانا كدة بحاجات غريبة كنت فاكرة ان الطقانين كدة وبس لكن ربنا يزيد ويبارك ويرزقك برزقهم ويعين طهقان عليكي وعليهم الراجل دة صعبان علية دايما باحس انة بيتعرض لمؤامرة شوفي حتي وانتي بتقوليلة علي عملتك وديتية وجبتية وفي الاخر ياعيني صدمتية يالة ماحدش بياخد اكتر من نصيبة بس سيبك انتي انا نفسي موووووووووت اشيل طؤق طؤق الصغير ربنا يسعدة
خالتو سكسكة
منذ زمن وأنا أفتقد الكلمة الساخرة ..
مبروك إن كان بصحيح
وكان الله في عون طهقان
تقبلي تحياتي
السلام عليكم
ازيك ياطهقانه
والف الف مبروك
ويارب تقومي بالسلامه
وتيجي بنوته زي القمر اصلي بحب البنات اوي
أبتسامه وضحكه وقهقه من القلب
أما الاستفاده فهى أن أخى طهقان
هو الذى أنعم الله عليه بزوجه عبقريه مثلك وليس أنا , والا لكنت مع قدرتك الفائقه على الاقناع وأسلوبك التفاوضى المتميز قد رفعت الرايه البيضاء
ملحوظه
أرجو أن تعلمى المفاوضين العرب كيفية التفاوض بدل من الخيبه التى يحملوها على أكتافهم لآنهم لو كانوا مثلك
أوكد لك كنا وصلنا الى القمر وما بعده
مبرو ك
مبرو ك
مبرو ك
Alf Alf Mabrouk
Rabena yetamem be7'air
I really liked your way in telling your husband
and I really envy you for being bold and becoming pregnant for the the 5th time.
I really like you and your way and I wish I have the ability to do so
I have been married for a year now and I'm scared to even have one baby, actually scared to death and keep on postponing this issue.
Allah be with you :)
.. سلام
والله ما عارف اقولك ايه يا شيخةايه ده
المدونة بتاعتك ملهاش حل ليها بس سؤال انت عملتيها إزاااااى
على العموم بلاش أنكدعليكى فى بداية المعرفة بع
دين نبقى نتفاهم لما تقومى بالسلامة
وتجيبى "طوطو"صغير
سلام
الف الف مبروك يا طهقانة
ويتربي في عزك انتى وطهقان
ورينا يقومك بالسلامة ويرزقم ببيبي امور
الف مبروك
والف الف مبروك لطهقان ( جالك ولد ))هههههه
والله يكون في عونه
كل ثلاث سنين تكرري وتقرري انك تفرحيه كده
،،،
ومعني كده انك ستأخذي أجازة وضع وتخلعي من التدوين شوية
،،،
طيب ويوميات البيبي ( الطهقان الاصغر) مين اللي هيكتبها بقي
،،
تحياتي
اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها
الف مبروك يا طهقانة وربنا يتمم على خير ويجى ينور الدنيا
يا ستى احمدى ربنا انه عمل كده فى الرابع
انا بعلى اول ما عرف تنح وسكت سكوتا رهيبا-رغم ان ده اول حمل الحمد لله - وبعدين ولا قال مبروك ولا حاجة بس بعديها بشوية لما استسلم للامر الواقع بدا يبان عليه الفرحة
كلهم بيخافو من المسؤلية
بس برضه مبروك
وخدى بالك من نفسك وما تشيليش حاجة تقيلة
عندما يمضي بنا قطار العمر تسقط منا الكثير من التفاصيل الصغيرة التي قد تحول حياتنا الي براكين في الوقت التي لا تتحمل فيه الهزات البسيطة"
♥♫Happy♫ ♥ ♫ ♥♫ VaLnTiNe♫ ♥♫ ♥♫ DaY♫ ♥ ♥ ♥ ☺ √♫
دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo
ياعيني عليكي ياطهقانة
ربنا يقومك بالسلامة ياختي
ماتشيليش حاجة تقيلة ونامي كويس المهم صحتك تبقي تمام ياختي
ربنا معاكى ومع طهقان بجد صعبان عليا بس يلا بقى لازم يتحمل مش هو رب الاسرة
مبروك
الله يبارك فيكم كلكم
اعتذر عن التاخير في الرد نظرا لبئر النوم اللي واقعه فيه من ساعة ما عرفت اني حامل بنام نوم الفيل
تقريبا عاملة بيات شتوي لحد الولادة
بس متقلقوش
البوست الطازة في السكة
خالص تحياتي
و
اوروفوار
ألف مبروووووووووك ياقمر
ربنا يكملك علي خير ان شاء الله
ربنا يخلهولكم هو واخواته يارب
يعنى هو ينفع كدا يا جماعه
يرضيكو يعنى
ههههههههههههههههههههههه
اول زياره اتبدهل وانا داخله
كل ما انزل صوره تحت تخوفنى عن اللى قبلها
عموما ياستى طهقانه بلاش بس زعل كتير
ربنا يوفقكك للى فيه الخير
ويكرمك يارب
تحياتى:عاشقة الشهاده.
情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室
a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍
情趣用品,情趣用品,情趣,情趣
情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室
情色,AV女優,UT聊天室,聊天室,A片,視訊聊天室
UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人
希望大家都會非常非常幸福~
「朵朵小語‧優美的眷戀在這個世界上，最重要的一件事，就是好好愛自己。好好愛自己，你的眼睛才能看見天空的美麗，耳朵才能聽見山水的清音。好好愛自己，你才能體會所有美好的東西，所有的文字與音符才能像清泉一樣注入你的心靈。好好愛自己，你才有愛人的能力，也才有讓別人愛上你的魅力。而愛自己的第一步，就是切斷讓自己覺得黏膩的過去，以無沾無滯的輕快心情，大步走向前去。愛自己的第二步，則是隨時保持孩子般的好奇，願意接受未知的指引；也隨時可以拋卻不再需要的行囊，一路雲淡風輕。親愛的，你是天地之間獨一無二的旅人，在陽光與月光的交替之中瀟灑獨行.............................................................................................................
有時，你覺得痛。胃痛的時候，接受它，承認這個疼痛是你的身體的一部份，與它和平共處。心痛的時候，接受它，承認這個經驗是你的生命的一部份，與它和平共處。抗拒痛的存在，只會讓它更要證明它的存在，於是你就更痛。所以，.無論你有多麼不喜歡痛的感覺，還是要接納這個痛的事實。與你的痛站在同一邊，不逃避，不閃躲，不再與你的痛爭執，如此，你的痛才會漸漸不再胡鬧，才會乖乖平息下去。.................心願-你許下了一個心願，你閉上眼睛，在冥想之中把這個心願交託宙給宇整個讓宇宙推動它全部的力.量去執行.，你看見星球與星球的引力牽繫著彼此，你聽見虛空與虛空.唱裡著和妙美的聲音，為了你的心願，整個宇宙正在相互傳遞，然後你放下了心願，不僅是放下，最好你還把你的心願忘記，唯有如此，它才能脫離你，發展它自己，
當它在宇宙的遊歷結束之後，它自然會來到你身邊，以你曾經希望的方式回應你，許下，只是讓它發生，放下，才是讓它實現，你的心願使你懂得不能執著的奧秘
Post a Comment