ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

القنوات في القالع

من ساعة ما الحر هجم..و انا مخي سايح و مش مركزة ،و بفرهد من أقل مجهود ، و عايزة بس اتسطب قدام التليفزيون و اعمل داونلود لنفسي قدام أي قناة ، ما هو مفيش أي تركيز من الحر.0
و أنا بلف بالريموت كونترول لقيت قنوات كتيرة جدا ظهرت ،و كأن في قناة بتظهر كل ساعة ،و معظمها قنوات أغاني و فيديو كليبات بس من النوع الاوفر اللي يعاقب عليه القانون

طهقانة: اية ده مين الست اللي بتشلح.. اقصد بتغني دي؟
طهقان: دي فلانة الفلانية
طهقانة: و دي طلعت امتى؟ أنا أول مرة أشوفها!!
طهقان:(من تحت النظارة) مبقلهاش كتير



طهقانة: و مين دي كمان؟
طهقان: دي علانة العلانية
طهقانة: يا سلام!!(متعجبة) ده أنت بقيت و لا دليل التليفونات ..من امتى بتحفظ أسماء؟؟؟ ده انت بتغلط في اسمي!!!
طهقان: اهو اصلي بحب اقرا الجرنال و جنبي دوشة و بشوف الأسماء بالصدفة
طهقانة: و دي بقى مطربة لا مرضعة؟!!0
طهقان: اشمعنى يعني !! اه ..هههههه يا شيخة انتي بتخدي بالك من حاجات غريبة
طهقانة:دي نصف الكرة الأرضية واخدة بالها، دول عاملين عمليات تجميل و تشحيم و تزييت و تقريبا مغيرين تيل فرامل كمان
طهقانة: ليه معلقين ييافطة على قفاها (المطربة تحت التليين) و لا اية!!ههههههه
طهقانة: مش بس كده دول كمان مركبين عدسات و رموش و شعر عيرة ومغيرين مقصات و نافخين على اكتر من 28
طهقان: ناقص تقولي إنهم مفروض مايمشوش إلا بشنطة إسعافات أولية و لا يأخدوا مخالفة
طهقانة: اه طبعا و ضروري كمان يكون معاهم ملاية علشان لما البوكس يجي يلمهم يتلفوا فيها وإلا يسحبوا النمر
ههههههههههههههههههههههههههههههههههههههههه


و قعدت اقلب في قنوات التليفزيون لقيت بلاوي متلتلة ، اشي خليجي و اشي اجنبي و اشي شفتشي
حاجة تطهق بجد ، يعمل اية الشباب الصغير لما يتفرج على الناس اللي بتتلوى دي ؟؟؟ و يرجعوا يقولوا نسبة التحرش الجنسي زادت!! ما هي لازم تزيد طول ما بنعرض لهم البلاوي دي !!!ده معظم الكليبات متصورة في اوض النوم و بالذات على السرير!! ماله الدولاب مثلا ؟!!! و لا الكوميدينو؟!!

و عنها و رحت ماسحة كل القنوات دي و عملت(لوك) قفل للتليفزيون كمان علشان محدش تسول له نفسه انه يعمل عليها(سيرش) بحث و يلاقيها تاني و انتم طبعا عارفين مين هو الحد ده
ومش أنا بس اللي لازم اعمل كده ...لا ده كل بيت بيراقب ربه و بيخاف عقابه و بيتمنى جنته و بيخاف على أولاده من الفتنة.
لان أصحاب القنوات دول بيتباروا في إثارة الشباب و كل يوم الوضع في النازل و المطربات في القالع
دي حاجة تطهق بجد


اوروفوار
امضاء

50 comments:

Unique Gurl said...

اه والله عندك حق
ربنا يكون في عون الشباب
و ربنا يحفظنا من البـــــــــــلاوي دي
اميـــــن :)

خالد كامل said...

علشان تبقوا تعذرونا بس
هههههههههههههههههههههههههه
عامة دلوقت المفروض ان النت غطى على كل حاجة
انا بقالى كتير قوى مش متابع الدش و كدة
تحياتى

شهد الكلمات said...

و الله يا مزمازيل طهقانة
انا مقاطعة الكليبات دي اديلي يجي 3 سنين
و ده اتخاذ موقف ضدد الخلاعة اللي في الكليبات دي
فالحقيقة ماقدرش افتي دلوقتي انتي تقصدي مين بالكلام ده
انا اخر ناس شفتهم نافخين اقصد عاملين عمليات تجميل كانت نانسي و هيفا هو في حد ظهر بعد الناس دي و انا معرفش!!!!!!!!!!

بس انتي عارفة المشكلة اية المشكلة ان البنات بتقلدهم في الشوارع و بتقلد حركاتهم و تحاول تثير الشباب

و الرجالة بقت بتطالب الزوجات انهم يبقوا زي الرقصات دول
طب الستات هايجيبوا منين طب دول كلهم عمليات تجميل و نفخ و بلاوي سودا
لو كانوا شافوهم قبل العمليات كانوا حمدوا ربنا ع النعمة اللي في ايدهم

تحياتي

Mafrousa said...

هههههههههههههههههه
طهوقتي
اه و الله و انتى الصادقه المذيعات يا عيني كلهم طهقانين و طالعين من هدومهم
بس بجد عندك حق انك تقفلي القنوات ديه
خصوصا ان رمضان داخل كل سنة و انتي طيبه و رمضان كريم

الا يا اختي مش نعرفي حيعملوا ايه للقنوات ديه فى رمضان؟؟؟؟؟؟؟

محمد عبد الغفار said...

الأنكت بقى ان كتير من اصحاب قنوات الأغانى ديه فاتحين قنوات دينية

عروس البحر said...

شاطرة يا طهقانة برافو عليكي
دي تصرفات الست الحكيمة
و كمان شيلي قناة ستريك و الامارة
بتوع الاسئلة الهبلة الغبية
تقوللك المذيعة ايه الحيوان اللي يسمي اسد الغابة ؟؟الجائزة ميت الف جنيه

عروس البحر said...

اه تحياتي يا قمر
اموواه

lonely said...

وانا كمان ملاحظه كده
والله فى قنوات لغاية دلوقتى ما قعدت قدامها وبتفاجئ لما الاقى اختى مشغله قناه غريبة كده واسمها عجيب ,, لما اكون زهقانة ومفيش حاجة على العشر قنوات اللى مزروعه قدامهم ليل نهار بقوم ماسكه الريموت وتحت وفوق وفعلا قنوات الاغانى دى اكتر حاجة فى الدش .. بس انا مابعرفش العب فى الدش زيك كده ,, انا كبيرى اجيب القنوات واتفرج وخلاص ,, انما امسح واقفل والحاجات دى بخاف العب فيها
بس ابقى عرفينى بردو ينوبك فيا ثواب .. اصلى متضايقه من كتر القنوات دى وعايزه اثبت العشره بتوعى بس وخلاص

لما نشوف هتبقى اغانى بردو فى رمضان ولا هيعملوها قران لغاية رمضان مايخلص

لنا الله

حمامة said...

والله عندك حق
بقت حاجة لا تطاق
انا الحمد لله مش بتفرج ع التلفاز اصلاً إلا نادراً بس اخواتى بيتفرجوا
إن شاء الله هتعمل الطريقة دى واقفل القنوات الوحشة

ربنا يعافينا ويعافى كل شباب المسلمين

:)

Ahmed Mubarak said...

راحت عليكي يا دنيا وراح زمن الشهادات
ولقينك يا دنيا ماشيه على الرقص وع الصاجات

هوا الي قال الجملتين دول واحد من الي بتقولي عليهم الي ربنا يشفيهم .. بس تقريبا ديه الجمله الوحيده الي قالها فيها شيء من الحقيقه -الله اعلم ممكن يكون قال انا معرفش بيغني ايه بس مظنش ان واحد زي الاقرع ده يقول حاجه عاديه حتى مش مفيده -

ربنا يهدينا

Princesa ... WHiSPeR said...

حر يا طهقانتي حر

والله الموضوع بقى اوفر اوى
والمشكله ان البنات الصغننين بيعملو زيهم
حاسه ان مابقاش في حد لابس في البلد
لما الاعلام اللى هو انعكاس لحالة المجتمع كله عامل كده يبقى المجتمع ايه

ربنا يستر علينا وعلى شبابنا

يا مراكبي said...

إحم

أنا حاطط القنوات دي كلها في الفيفوريت

ولا يهمك يا طهقان ياخويا .. هاديلك الشفرة اللي تفك بيها اللوك اللي عملته طهقانه ده .. ربنا ما يشفرلنا قناة قادر يا كريم .. وربنا عالمفتري

طبعا عارفين مين المفتري

ka2en Makboot said...

والله يا طهقانه يا اختي عندك حق
بس العجيب في الامر انهم كلهم بقوا شكل بعض .. غالبا بيتعاملوا مع نفس السمكري .. او بتوع دوللي عملوا استنساخ لهايفا ونانسي واليسا وبقى كله شبه بعض حاجة تلغبط اللي مايتلغبطتش واحنا ناس دماغنا علي ادنا علشان كدا مش بتفرج علي تلفزيون من اساسه .. انا دماغي مستحملاني بالعافية ههههههه

dido said...

السلام عليكم
دي اول مره ازور المدونه اللي زي السكر دي بتعالج المشاكل بشكل كوميدي جدا
فعلا ربنا يستر علينا ده اقلل واجب التحرش الجنسي من اللي التلفزيون بيعرضه واللي مغرق النت كمان
بس حاسه ان لو الواحد مش عايز يشوف الكلام ده مش هيشوفه وربنا يعينا
تحياتي والي الامام

وميض ابتسامة said...

المرة دى انت عندك حق .. فعلا قنوات الدش بقت مشكلة المشاكل والواحد مش عارف يلاحق عليها منين والا منين..؟

بس ياريت تكملى جميلك وتشرحى لنا ازاى عملت قفل للقنوات اياها وينوبك ثواب فينا .. جزاك الله كل خير ..وربنا يسترها معانا جميعا

Empress appy said...

لاااااااااااا انا زعلانه منك يعنى متعذوريش الناس يا حبيبتى القماش غلى اوى يعملوا ايه يعنى
وبعدين قانون المرور الجديد هيظظبط كل ده لا تقلقى هههههههههههههههههه

Anonymous said...

مجلة علّي صوتك
مجلة المدونين
منهم وإليهم
لينكها http://3allisotak.net/

Mahmoud البطراوى said...

حتى المذيعات وحياتك
مش الكليبات بس

لك الله يا مصر ويا عتيه ويا ميدان التحرير ويا جيزه

مصر يا موكوسه .....يا مزارع الكوسه said...

اصلا صدقينى انا بشمئز من النوعيه دى من المطربات
دى طالعه تعرض جدسها مش صوتها

FaceMoon said...

والله عندك حق انا كمان عاملة بلوك على القنوات التافهه دى الناس كلها قلعت فعلا خلى بالك من جوزك ياطهقانة وخليكى فارضة سيطرتك على الدش كدة عالطول
ربنا معاكى بقى

bastokka طهقانة said...

قفل القناوات بيعتمد على نوع الرسيفر و عايز شوية قلب جامد و كمان وضع كلمة سر للبحث عن القنوات بيبقى حوالي اربع ارقام محدش يقدر يعمل بحث الا لو كتب الاربع ارقام
ممكن الكاتالوج ينفع في الحالات دي

ربنا يوفقكم كلكم
تحياتي
اوروفوار

mohra said...

هى دى السيطره و لا بلاش

بسمه عبدالباسط said...

عندك حق والله فى كل كلامك

ربنا يرحمنا

Unknown said...

شاطره يا طهقانه
انا كمان عملت كده
جتهم القرف ياختي ملوا البلد
انا نفسي اتصور مع واحده فيهم ويكون معايا دبوس
اخليها تطير على كوكب المريخ عدل من شكة واحده
دبوس ليه
سرنجة احسن وتكون سرنجة الراحه الابديه

محمد فاروق الشاذلى said...

ما هو لو احنا ورانا حاجة نعملها مش هايكون عندنا وقت للكلام الفارغ ده، لكن احنا لا ورانا شغلة ولا مشغلة علشان فاضيين للتلفزيون.

Anonymous said...

والله ده اللى قلناه من زمااااااااااان لكن لا حياة لمن تنادى

دى تعتبر كليبات إباحية مش غنائية
وربنا يستر علينا نحن الشباب

Anonymous said...

على فكرة انا بقة مبسمعش أغانى خالص من أكثر من خمسة سنوات ولما كنت باسمع كنت باسمع أجنبى ومش لاى حد طبعا باك ستريت بويز وفايف وويست لايف وإن ثنج وقليل من سلين ديوون

بس الان باسمع لنفسى بس هههههههههههههههه

صباح الصباح said...

بوست تحفة
بس متهيالى كدة طهقان كان مبسوط بالقنوات دى مسحتيها لية بس؟
هههههة
تقبلى مرورد ودمت بود

الـجـدة فـصـيـحـة said...

السلام عليكم ورحمة الله وبركاته

الله ينور عليكِ
والله عندك حق
والواحد بقى مش بيحب يقلب في التلفزيون اصلا هما كام قناة معروف ارقامهم وخلاص عشان الواحد ميلاقيش قدامه قناة من القنوات الجديدة اللي كلها ...........

ربنا يصلح احوالنا ويعافينا


دمتِ في رعاية الله

Nohaz said...

اية ده

كلبوزةةةةةةةةةةةةة

عاملة اية

انا كنت باجي زمان
في الزمن السحيق

من سنة مثلا

اية الي مزعلك من التليفزيون
طيب بصي هديكي وصلة لفيديو

ونفسي اسمع رد فعلك

the video

3iza a3raf enty estafadty aih mel vidoe da

Ahmad Hegab said...

مصر كلها بتنام بليل تحلم بهيفاء ... بذمة دى مش خيبة

ملها نانسى يعنى ؟

كلام على بلاطة said...

بستوكة ولا طهقانة
ارسى على حل
تحياتى

صدى الصمت - عاشقة الورد - said...

أسلوبك لذيذ وشيق بس فى رأيي ان التشفير مش هوه الحل لأن الممنوع دائماً مرغوب ولو منعتية جوه هيشوفوه فى أى مكان تانى بعيد عنك يعنى من الآخر يشوف برضاكى أحسن مايشوف من وراكى ومع حد غيرك

بنوتة said...

احب اقولك يا طهقوتي انك مش بس اللي طهقانة لأ بالنسبة ليا عدد الملل وصل ل
100%
لأ ولا الخلايجة يعودوا يقولوا البرتجالة البرتجالة و يجيب في شعرهم يمين و شمال لأ اكتر قنوات بتستفزني قنوات الشات مش مكفيهم الكمبيوتر و الماسنجر و الاسوء ان في النت الاقي اعلان يقولك دردش معانا بصوتك دردشات كتبية و صوتية

ده بقا احتلال رسمي

بنوتة said...

و ابعدي دماغ طهقان من الحاجات دي بشوية حنية

RASHA said...

بجد تجننى وكمان لمعلوماتك فى عملية جديدة غير التنحيف والتنحيت اسمها تغيير الجلد بيغيروا الجلد بتاع البشرة

Ehab said...

نقفلها من هنا تجيلنا من هنا
نسدها هنا تطلع لنا هنا
حاجه صعبه خاااااااااااااالص

سلاااااااااااااااام

السماء الداميه said...

بجد انتى عظيمة يا طهقانة

فعلا القنوات كترت اوى وانا زهقت من التليفزيون كله بس الواحد بيشوف قنوات (استغفر الله العظيم )على العموم البوست جامد او ى اوى
وانا سعيد بزيارتى الاولى لمدونتك واتمنى تبادل الروابط والتواصل معا واعرف رايك فى مدونتى والبوست الجديد اللى انا منزله

Anonymous said...

البوست بتاعك جميل جدا و عجبنى جدا جدا
و عموما و عن تجربة بقولك حتعملى بلوك حتعملى باس ورد حتعملى الجن الازرق مش حيفيد
الان خلاص فات المعاد على رأى الست ام كلثوم و ترسخت صورة الاخت الشقيقة هيفاء فى عقول الرجال المريضة يا عينى فتقفلى التلفزيون حخيفتحو النت حتشيلى النت فى الموبايل
حتشيلى الموبايل ودة مستحيل
فالجرايد الصفراء و الحملراء و الملونة بالالوان الطبيعية حتقوم بالواجب علشان كدة بهديلك اغنية اطلعلو بارة يدخلى جوة للفنانة العظيمة بوسى سمير

ذو الوجه المبتسم said...

السلام عليكم
والله مش عارف اقول ايه
بس الموضوع ده بقى خلاص موضة قديمة
هو انتى لسة شوفتى حاجة
فيه قنوات جديدة نازلة قريب ع النيل سات
تقدرى تقولى عنها مسخرة
المهم اللى عاوز يمنع نفسه بيمنعها
واللى طهقان بيعمل اللى يريحه
ههههههههههههه
اشكرك على زيارتك لمدونتى المتواضعة
تحياتى للطهقانة
من الوجه المبتسم
يلا بقى ابتسامة خفيفة
بس برحتك احسن اسنانك تقع
ههههههههههههههههههه

عاشــــــ النقاب ـقــــة"نونو" said...

السلام عليكم
والله الوضع بقى مخزي اوي وكل يوم في القالع ربنا يعف شبابنا وازواجنا
بس شاطرة انك شفرتيها
انا بقى مختلفة انا اللي يتفرج على الكلام الفارغ دة عندي بلبسه التليفزيون انا ناقصة شياطين جوا البيت
ههههههههههههههههه
ربنا يبارك لك في زوجك ويبارك فيكي يارب
تحياتي

صباح الخير يا مصر said...

طهقانه
*******
عالم الفضائيات هو عالم لايمكن تجاهل تأثيره علينا وعلى اولادنا ولكنه الواقع الذى يجب التعامل معه بحكمه فنأخذ من القنوات الفضائيه الجانب الايجابى منها ونشفر الجانب السلبى من شبكات المجارى الفضائيه

تحياتى

عاشقة الوطن said...

السلام عليكم

ازيك ياطهقانة ايه اخبارك

والله الواحد ماهو عارف يعمل ايه
انا كبنت ولما بشوف الحاجات ديه بقرف اوى
وبقلب من على القناة على طول
معرفش ازاى عندهم الجرأة انهم يصوروا كليبات او غيره وهما بالمنظر ده

ربنا يهدى


تحياتى ياطهقانة وسلامنا لطهقان

ana ga3an said...

انتي مين انا دلوقت الحاجات داخلة في بعضها
كلبوظة ولا طهقانة ولا بسكوتة
يعني كلبوظة دي تموية
والتاني بتاع الحكومة
فهميني كدة بالهداوة

ادم المصرى said...

طهقانه

تصدقى انا خلاص هتجنن كل اما امسك الرموت خمس دقايق بعد صراع حاد مع اخوياااا المسيطر الاول على التلفزيون ابص القى القناوات بقت مسرح ورقص وغنى وفين وفين لما القى قناة محترمه ولاقى تلت تربعها اعلانات

بروح راميه الرموت وقايمه
ما نابنى غير تقطيع هدومى فى الخناقه مع اخويااااااا
وسلام يا سمبتيك

Desert cat said...

ماهو يا جميل القنوات احنا اللى بنتحكم فيها مش هيا
يعنى مش كل القنوات كليبات قالعه فى برضه برامج حوارية وثقافيه وفى كورة مالها الكورة
خلى طوطو يتفرج على الكورة على الاقل مش فيها قلع

مشمشة كامل said...

عارفة يابسكوتة او بستوكة
فى الاول كل المطربات دول بيبقو منجرفين فى بحر شهرة والمال وناسيين ان فى ربنا وان الحياة دة مؤقتة صدقينى انا مش هقولك ربنا ينتقم منهم بس صدقينى ربنا يهدى الجميع امين يارب بس مش هنكر لو قولتلك فى اصوات فيهن بحبها مثل اليسا اوى اوك وبعض منهن بس بجد ربنا يهدى يارب الجميع نفسى الاقى مطربة تتحدى الجميع وتغنى بحجاب اغانى محترمة اراهن صدقينى هتبقى حاجة غريبة ويمكن تنتشر لان الى بيحصل دلوقتى تسويق مش اغانى بس تسويق جسد ودة حرام

momken said...

طيب القنوان دى فعلا بتفسد الاخلاق
بس حاولى كده تفتحى القنوات الارضيه
الى مره غلط غلطه عمرى وفتحتها
ممكن يجيلك شلل
نشره الاخبار لسه بتذيع ان غزوة الخندق الى فاز فيها المسلمين
ولسه بيقولوا ان صلاح الدين هو الى هزم الصالبين ده طبعا فى نبا عاجل

الغريب ان المذيع بيقول وسف نفديكم بالنتيجه كام كام بعد النشره وذلك فى الملحق الرياضى

البوست حلو وحقيقى فعلا


واشطه عليك يا طوطو انت زومل

تحياتى

دعوة للأمل said...

عندك حق و الله دية بفت حاجة ططهق
التليفزيون كلة بقا كدة و حسبى الله و نعم الوكيل فيهم
تحياتى

أميرة said...

سلمت يداكي :)

ومن يتق الله يجعل له مخرجا و يرزقه من حيث لا يحتسب

الله المستعان :)