ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

شقة مفروسة


انا مابقتش فاهمة الراجل دي بيفكر ازاي!!! غلبني و زهقني و طهقني فيري ماتش و جابلي بقابيش في دماغي. اجيله من هنا يجيلي من هناك على رأي الست بوسي سمير .
اتزوق يقولي :مبحبش البهرجة هو احنا رايحين فرح.
اتكلفت يقولي: فكيها شوية هو أنا متجوز غفير!0
لو نمت بدري يقولي: هو أنا كل يوم أسهر اكلم نفسي!!0
و لو سهرت يقولي :انت كل يوم صباحي كده؟؟
مفيش حاجة نافعة معاه ابدا
اقربها الخميس اللي فات قعد يشد في شعره و يضرب دماغه في الحيطة ليه و ليه قولتله: ياطوطو انا شيفاك زهقان و طهقان. إية رأيك نودي العيال عند ماما و تأجرلي شقة مفروشة ؟
طهقان: اية!!! ليه؟
طهقانة: علشان نقضي فيها السهرة، أنا بشوف كده في الأفلام الراجل بيأجر شقة مفروشة لحبيبته و يسهروا فيها
طهقان: ( وش بلاستيك)طيب دي حبيبته.. أنتي مراتي
طهقانة:(بدلال) يا سلام ليه بقى هو أنا مش حبيبتك
طهقان: لا ...يعني اقصد.. انه بيأخد حبيبته بعيد عن عنين و مناخير و ضوافر مراته و يأجر لها مُكنة و كده
طهقانة: مُكنة يعني اية يا طوطو؟
طهقان: يعني حتة يتكنوا فيها
طهقانة: طيب ما تأجرلي مكنة يا طوطو
طهقان: يا ستي ما احنا متنيلين مكنونين في شقتنا اهو
طهقانة: ايوة يا طوطو بس احساس تاني لما نغير جو و نأجر شقة مفروشة و نعمل جو رومانسي كده
طهقان: هي تكلفة على الفاضي و لا اية؟!!0
طهقانة: يا سلام يعني لو ليك صاحبة- اللهي لا توعى ولا تقدر - مش كنت حتدفع دم قلبك و تتحايل عليها علشان تأخدها ليلة في شقة مفروشة!!0
طهقان:اعقلي يا طهطه أنا برضه وش ذلك!؟
طهقانة : طيب بلاش ..خدني المقطم و نركن في حتة ضلمة و نقعد نحكي شوية
طهقان: و اشمعني المقطم يعني ؟؟؟ما احنا نأخد العيال و نروح النادي
طهقانة: عيال اية!! أنا و أنت بس نطلع المقطم و نشوف بوليس الآداب حيجي يمسكنا و لا لأ...
طهقان: اية؟؟؟ بوليس اية يا ولية !!! انت مخك ضرب
طهقانة : ( بكل حماس) ايوة يا ابني.. سسبنس ..نعمل في البوليس مقلب و لما يجي يمسكنا نقوله لا لا لاااااا.. احنا متجوزيــــــن و توريله شهادة القرعة اقصد الرقم القومي و اسمي منور فيه قوم يتكبس و نبقى عملنا حاجة اوريجينال و كده
طهقان: (فتح بقه و ودانه سخنت ) انت اكيد جرى لمخك حاجة عايزة البوليس يمسكني و أنا راكن في المقطم ؟؟!!
طهقانة: (عنيا بتلمع)و يا سلام بقى لو تكون سايب الرقم القومي في البيت و نبات لنا يومين في التخشيبة تبقى تجربة عجب وااااااو و يمكن ربنا يكرم و يتعمل لنا محضر آداب و يبقى سوفينير محصلتش
طهقان: قومي من وشي يا طهقانة قبل ما ارتكب جريمة.
طهقانة: ليه يا طوطو!! مالك بتشد في شعرك ليه؟؟
الله... و كمان بتضرب دماغك في الحيطة؟؟!!! لااااااه و بتقطع في هدومك لا يا طوطو لا
انت بقيت تطهق خالص..
اوروفوار

امضاء طهقانة

39 comments:

اسكندراني اوي said...

روحي يا شيخه....وتعالي بسرعه
نفسي افهم بتجيبو الافكار دي منييييييين

Mafrousa said...

هههههههههههههههه
ههههههههههههه
ههههههههههههههههه
ههههههههههههههههه
هههههههههههههههه
ههههههههههههههه
هههههههههههههههه
ههههههههههههه
هههههههههه
مش قادرة...مش قادره..........
هههههههههههحموت
جوزى لقانى بضحك جه جرى يشوف انا بضحك على ايه ...قلتله تعالى نطلع المقطم...قالى اطلعى لوحدك...قلتله
اجرلى شقه مفروشه....قالى قومى حضرى الشنطه....فرحت....قام قالى روحى اقعدى عند مامتك يومين هههههههههههههههه

Mafrousa said...

كلاكيت تانى مره
الا يعنى لو مافيهاش مدايقه يعنى ..و لا طهْقان يعنى
هو الاخت طهقانة و لموآخذه انتى مش بتردى على التعليقات ليه....من باب الطهق برضه و لا انتى سايبه الرد للاستاذ طهقان و هوه مش فاضى؟ولا هى آلاطه...انا بس عاوزه اعرف علشان اعمل زيك مش اول لما انزل بوست ارش ميه و اجيب كرسى و البد على الباب اللى يدخل ارد عليه على طول...(اهلا يا عرب اتفضل اشرب شاى....و كلام كده)
طيب بلاش تردى ينكن معندكيش وقت ..لميهم كلهم فى شأله واحد و قوليلهم نجاملكم فى الافراح....سعيكم مشكور.....الهى اللى يدخل يطهق زي.....اى حاجه بلى ريقنا بكلمه...
(انا بهرج معاكى؟)ههههههههه

Empress appy said...

ههههههه حرام عليك البوليس بس خلاص المقطقط بقى نور دلوقتى يعنى مفيش سسبنس
بس والله لكى حق المفروض تغيروا جو كده وتخرجوا طيب هما ليه الرجاله بيزرجنوا فى الحاجات دى بقى

.:.-=- ELGaZaLy-=-.:. said...

ههههههههههههههههههههههههه


جامدة جداااااااااا

Unknown said...

ده اراجل ليه حق يقطع هدومة هو انت اللي بتعملية في شوية..
وكمان عوزه بوليس الأداب يمسككم وتبقى فضحتكم بجلاجل..
يقوله ايه انجننوا

R-H-S said...

ههههههههههههههه
ايه الرومنتيكيه دي
بس اجمد كلمه عجبتين مكنه
هههههههههههه
انتي فعلا تطهقي ربنا يكون في عون طهقان

son's egypt said...

السلام عليكم
وعاوزة كل ده والراجل ميخبطش راسة في الحيط
ده انتتي اكيد جبتي له تربنه في دماغة

محمد عبد الغفار said...

احسن واجب معاكى انه يعمل كده فعلاً

عشان بعدها تقولى حقى برقبتى

حكم انتم بق على الفاضى

tamer.sala7 said...

علي فكرة انتي دمك سكر الله يكون في عون جوزك بصراحة اا لو مكانه كنت طلعت معاكي المقطم بس بصراحة كنت حسيبك
هناك
بقي بالزمة بدل ما تقولي لجوزك عايزين كيلو لحمة تقوليلو عايزة شقة فروسة وهو بدل ما يكسر دماغك يخبط دماغه في الحيط ربنا علي المفتري يا مستـــبدة

la3lahakhier said...

لالالا عندك حق
ايه جوزك ده ؟؟؟؟
ايه يعنى لما تنحرفوا شوية ولا تتبهدلوا على ايدين بوليس الاداب وبعدين هى جات عليكم ماهم مرطرطين فى كل حتة ولا حد بيقولهم بتعملوا ايه
بجد جوزك ده مزودها خالص
يا شيخة منك لله ههههههههههههههههههههههههههههه

bastokka طهقانة said...

يا جماعة افهموا المورال من الموضوووع
الراجل بيصرف دم قلبه على صحبته و يستخسر في مراته

اوروفوار

Ahmed Mubarak said...

:D:D:D:D:D:D:D

يخرب عقلك دا انتي مصيبه مسيحة

بس بجد انتي لذيذه اوي ..

انا متهيألي على كده الحيطه مخرمه عندكم في البيت .. كل متر خرم من خبطه راسه

طهقتي الراجل يا شيخة

المهم خدك المقطم في الاخر ؟؟
:P

المـــفـــــــقــــــــوعـــــة مــرارتـهــا said...

ياسيد ياسيدي علي الأفكار اللي بتودي الأداب
ربنا مايحرمك من دماغك
دي دماغ تتلف في كاشمير

Mafrousa said...

منك نتعلم يا طهوقتى ...تصدقى بقى ديه فكره جونان انا حعمل زيكى بالظبيط...و انا اقول يا ربى انا عماله ارد على الزوار و بعدين اروح اعلق عندهم اتحولت يا اختى.....
انما انتى جيتى و معاكى العلاج ....قولى لطهقان بيه انك اذكى و اظرف طهقانه فى بلد البلوجريه ديه...خليه كفايه يمشيكى على الكورنيش بقرطاس ترمس ...هههههههه

المستنصر بالله said...

هو طهقان لسه موجود فى البيت ولا اخد هدومه وطفش

أحمد بكر said...

طب و النعمة فكره جامده مووووووت
تحياتى

Tamer Nabil Moussa said...

الحمد الله

انة ماعملشى حاجة تانية

انتى هجننى الرجل ياطهقانة هههههه

تحياتى

عاشقة الوطن said...

السلام عليكم

ايه ياطهقانة انتى شكلك طهقتى طوطو خالص

وبعدين ايه التجارب اللى انتى عاوزة تخوضيها ديه

شقة مفروشة وبوليس الاداب

هههههههههههههه

سلااااااااام

Unknown said...

هههههههههههههههههههههه

استاذة ورئيسة قسم .. حلوة الافكار دى بجد عشان ابقى اطهق خطيبى بيهم لما يتجوزنى إن شاء الله

بس ده كلام بينى وبينك عشان لو عرف !!! .. ممكن يأجر الشقة المفروشة من دلوقتىىىىى ههههههههههههههههههه


سلميلى ع الاستاذ طوطو والعيال

بنوتة من وسط البلد said...

طب كويس انك ما قولتيش تعالى اكتب عليا تانى يا طوطو

ويبقى عامل زى الصعيدى الى جه يتجوز على مراته وطلعت هيا :))))

ع فكرة انا عملت كده :D

رئـــــيسـة حزب الأحلام said...

مش قلت لكى انتى هتجننى الراجل جدة
دا انتى خلاص جننتية
وتحياتى لكى والعم طهقان

soosa el-mafroosa said...

لا الصراحة مالوش حق

:)))

a Dreamer with feet on the Floor said...

U forgot 2 say : ( أسخن لك السلطه يا خماسينو(
as I think U have put on the soul Of khayria ahmed.

and I think that U and him is one Person....who write , wearing both masks

Anonymous said...

ههههههههههههههههه
يخرب عقلك يا شيخه
بقى عايزة تتمسكى اداب
لا وكمان تباتى فى التخشيبه

لا اخس عليه طهقان موافقش ليه
اديكو كنتو غيرتو جو

يا شيخه حرام عليكى
ههههههههههههههههه

سلامى
:))

كوارث said...

هههههههههههههههههههههه
ابداع فعلاً
تحيا مصر في ظل وجود هذه المواهب الشابة دنتوا بتتفننوا في تعذيبنا !
مفروشة
ومقطم !
ده لو راجل كده ولا كده كان انتحر بعد ما ايقن انك عرفتي كل حاجه
ده اساليب برضه
اتقي الله في طهقان برضه
ده طهقااااااااااااااان
لا بجد موضوع تحفة
تسلم ايدك

FaceMoon said...

ههههههههههههههههههه
شقة مفروشة زودتيها بقى ياطهقانة
طيب قوليلة تعالى نسافر فى حتة حلوة نصيف فى مكان جميل كدة يعنى شقة مفروشة فى نفس البلد وانتى عندك شقة اصلا وكمان بوليس الاداب ههههه خلى بالك بقى طاطا حيطهق انتى حرة

Fahd said...

عثل عثل خالص

علشان كده الواحد مش راضي يتجوز كفاية هسس

مـ~ـاجدولين said...

انا معجبه بالساطور بتاعك قصدي المدونه :)

ممكن اخد كورس عندك قبل ما اتنيل واتزوج

بس فعلا بوست جميييييييييييييييييل

momken said...

ههههههههههههه

الحمد لله انى مش مكان الراجل
بقى انتى عاوزه الراجل ينحرف
واصلا مامتوا على يادى مجوزاه ليكى اول الواد متعلم يعاكس

ولا عمره راح كورنيش المقطم ولا شارع المطاره ولا حتى عند بنزيمه الدائرى

ولا عمره اخد واحده شقه مفوشه فى الظاهر فى الدور الرابع علشان يعلمها السواقه

يبقى الى معملش كل ده وهو مراهق هيعمله وهو متجوز قديم


تحياتى

Anonymous said...

ده انتي دماااااااغ
حواديتك دي تتعمل حلقات مسلسل عجب وربنا
على فكرة،، دمك سكررررررر

Ma 3lina said...

يا بنتى الرجالة دول ملهومش فى المغامرات

خليه قاعد فى البيت

nana said...

ما انت زودتيها حبتين يا طهقانة
امال بيتكم عامل ايه ما تودي الاولاد لماما وتغيري شوية في ديكور البيت وخلاص

بس بوست رائع بجد
في انتظار المزيد

رئيس جمهوريه نفسى said...

هههههههههههههههههههههههههههههههه
فكره تحفه بجد بس لو قررتو تعملوها انا محامى تحت امركم فى اى وقت يعنى
بس هى فكره تغير الجو مطلوبه فعلا بين الازواج

حاجات جوايا said...

فعلا يبنتى عندك حق
الراجل اول ميتجوز بيعتبر مراته زيها زى أى حاجة أساسية فى البيت يروح وييجى وهى لسه قاعدة مستنياه
فمش بيحاول يغير من مود الحياة طالما هى موجودة موجودة هتروح فين يعنى

دنيااااااااا

دمتى بخير أختى
سالى

Anonymous said...

تجنني ياطوطة ياقطقوطة هية دي الخطط ولا بلاش

Anonymous said...

ههههههههههههههههههههه
هههههههههههههههههههه
يا خراشي انتي سكر بجد
هههههههههههههههههه
ههههههههههههههههههه
لييه حق يبقي اسمه طهقان
جننتي الراجل يا شيخه
عايزاه يبات يومين في التخشيبه
ههههههههههههه
هههههههههههههه
تحياتي يا قمر

قلب صغير said...

متزعليش مني يا طهقانه ياختي
اقل واجب
جوزك
طقهان باشا
يعمله معاكي
روحي وانت طالق بالتلاته


بوليس الاداب ياظالمه
ههههههههههههههههههههههههههههههههههههههههههههههههههههههههههههههههههه

Anonymous said...

انتي شكلك على وش انحراف جنسي قريب

لو بتشاوري عقلك قوليللي و ااجرلك شقة مفروشة ليلة و نكمل البياتة في تخشيبة بوليس الاداب سوا


نياة نياة


واحد طهقان من مراتة