ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

فصل حلات

حكمة اليوم:ان كان فيه الخير ما كان رماه الطير

زارتني بنت خالتي سوسو و جوزها ادهم من كام يوم، و كانت زيارة لذيذة جدا، قعدنا نضحك لما بطننا وجعتنا و كالعادة اتلم تنتون على تنتن ..اقصد اتلم طهقان على ادهم و الاتنين حاسين انهم من معسكر الاعداء و انهم وقعوا اسرى في حرب الجواز، وقعدوا يندبوا حظهم و يفتكروا ايام العزوبية و ازاي كانوا مبرطعين شمال و يمين و مفيش لجام بيشدهم و انهم دلوقتي خلاص اتربطوا في الساقية و اتغمضت عنيهم و مش عارفين لا يفكوا و لا يهربوا
و من الناحية الاخري اتلمينا انا و سوسو في حزب اليمين على الكنبة البحري و قعدنا نندب حظنا و دار الحديث التالي:0

طهقانة: رماني ابويا ظلمني ابويا مش كنت قاعدة هنومة في بيت العيلة انا عارفة اية اللي سرعني على الجواز!!!0
سوسو: ايوة يا طوطة اتقطفتي بدري يا حبيبتي ..مش كنا فضلنا متهنيين في بيوت اهالينا ضحكوا علينا بالفستان الابيض و الطرحة
ادهم: نعم يا اختي... ده انت لو لسة لحد دلوقتي من غير جواز كان زمان السي ان ان عاملة نشرة ابحث مع الخاطبة
طهقان: ايوة يا ابني كانوا بقوا الجوز عوانس و نزلوا صورهم في روتانا سينما مع سوسو و طوطة مش حتقدر تغمض عنيك
هههههههههههههههههههههههههه
طهقانة: هو انا بعرف اغمض عنيا دلوقتي يا سوسو يا حبيبتي!! ده يصحى الساعة ستة الصبح ياخد دوا الضغط و يقعد يخرفش في كيس الدوا يصحيني، و يادوب اغمض تاني يقوم يدخل الحمام و يخبط في الباب افز من نومي تاني
طوطو: نعم يا اختي لا حوشي انا اللي بغط في نومن عميق ده انت فازعة اهلي طول الليل تفزي و ترفسي و قلتلت ميت مرة بلاش تشوفي افلام الرعب بتاعة تشانل تو علشان بتطلع على عيني كل ليلة مفيش فايدة
ادهم: اية ده هي كمان؟ دي سوسو مدمنة افلام اكشن و خلتني اشترك في اوربت مخصوص علشان تشوف افلام فان دام و جاكي شان اول باول و اجارك الله السرير بالليل بيبقى كله شلاليت و بواني
سوسو: ايوة طبعا لازم نتدرب لكم.. انتم اصلا جنس غدار و لازم كل زوجه تتسلح بسلاح الضرب تحسبا لاي هجمات متوقعة
طهقانة:على الاقل انا بشوف افلام رعب على مستوى هو بقى يا سوسو مدمن روتانا زمان و يحب موت الابيض و اسود و افلام بتاعة منى...أحمد و يقعد يدمع و يتشحتف على رد قلبي و حبيبي دائما و يحب زي عنيه افلام النكد و الفراق و القرع ده
طهقان:ايوة طبعا راجل حساس مش جلدي منحس من افلام مصاصي الدماء
ادهم: انا بقول نعمل فصل قوات و انسحاب بدل ما تقلب بغم
طهقان : انا بقول كده برضه لحسن التربنة بايخة في الحر
هههههههههههههههههههههههه
طهقانة: كويس جدا فكرة فصل القوات دي، انت تاخد صاحبك و تطلع على شقتكم و انا و سوسو نبات هنا و اهو نرتاح منك شوية
سوسو: فكرة جنان انا موافقة
طهقان: و احنا حناخد معانا كل اللي ليه علاقة بجنسنا اللي مش عاجبكم
طهقانة: ازاي بقى يا سبعي؟
طهقان: ناخد كل حاجة مذكرة في البيت زي السرير و البوتاجاز والتليفزيون و الراديو والمكيف و نسبكم توحوحوا
ادهم: ايون فكرة ممتازة و متنساش السخان و الانتريه و الصالون و نسيبهم على الحصيرة


طهقان: و ناخد الشبشب و نسيبهم حافين
ههههههههههههههههه
طهقانة: هايل جدا بس احنا معانا السجادة و البطانية و المرتبة و الملة و الاهم التلاجة و الغسالة و الغلاية و الستارة و الحلة و متسيش ناخد اللمبة و النجفة و الاباجورة و نسيبهالهم ضلمة
سوسو:ايوة صحيح و هو السرير لزمته ايه من غير ملة و مرتبة و ملاية و كفرته
ابقوا ناموا واقفين بقى على الحيطة..لا صحيح ده حتى الحيطة تبعنا ناموا على الرصيف بقى
ههههههههههههههههههههههههه
طهقانة: يا بنتي اساسا الشقة معانا هم يدوروا على جحر بقى و يتغطوا بجرنان
ادهم: الله الله انتم اخدتوا الكلام بجد و لا ايه هو احنا نقدر نعيش من غيركم و لا الحياة يبقالها طعم
طهقان:ايوة ده اللي اسمه لم الدور و اوعى تتهور لتتعور.. كده يا ابو الاداهيم بتبيعني و تحدفني في اول ملف؟!

لا ما انا كمان مقدرش اسيب طهطه امال مين يطهقني
و متنساش ان الراجل اللي ميخفش من مراته ميبقاش راجل و هم الخير و البركة و كده
تعالى بقى نشرب فنجانين قهوة في البلاكونة قبل ما يسحبوهم مننا
هههههههههههههههههههههه

=======
و هكذا يا اعزائي اثبتت الانثى ان التاء المربوطة لا يمكن الاستغناء عنها و ان المذكر لوحدة ميسقفش و ان الراجل عارف في قرارة معاميق نفسه انه ميستغناش عن الست بس مش بيعترف بكده



دي حاجة تطهق


اوروفوار


امضاء طهقانة

58 comments:

نانو said...

انا بس بحجز مكان وبعدين أعلق
انا فرحانة أنى أول تعليق

نانو said...

أيوه يا طوطة يا حبييبتى وهما يقدوا يستغنوا عن الملة ده كله الا الملة هو فيه راجل يقدر يستغنى عن الست لاممكن ابدا ميقدروش يا حبيبتى وكويس قوى انهم أعترفوا وقروا بلسانهم فعلا يا طوطة رجالة اخر زمان مبيخافوش الا بالعين الحمرا
حتى فصل الحلات مش هيقدورا عليه هههههههه

الهادي كملاوي said...

بدون شك يا طهقانة النساء شقائق الرجال .. بدونهن تظلم الدنيا .. ويعكر صفو الحياة .. تماماً مثل العسل اللفيه طهقانة وطهقان

اسكندراني اوي said...

طب وليه ما نقولش ان الاتنين يكملو بعض
المذكر مع المؤنث يكونو بيت حلو

عموما البوست لذيذ بجد
وان شاء الله ما يكونش في تربنه

عصفور المدينة said...

هو طالما الشقة مؤنثة يبقى أكيد معاك حق

Unknown said...

البلوج يجنن
و ربنا يكون في عن طهقان و خلي بالك من المله

Unknown said...

بصى يا طوطة ياجميلة
مافيش راجل يقدر يستغنى عن الست وكل ست عارفة كدة كويس
واعتقد انها نقطة ضعفهم اللى اى مرأة تقدر تستغلها

نياهاهاهاهاها

ايه الشر اللى احنا فيه ده
:D:D:D:D

بسمه عبدالباسط said...

الحياه ما تنفعش من غير الست ولا الراجل لازم الأتنين سوا
بس بجد طريقتك فى كتابة المواضيع هايلة
تحياتى لكى

الطائر الحزين said...

زى ما فية شقة
فيه كمان شق

FOrty said...

اكيد التاء المربوطه لا يمكن الاستغناء عنها و هى اللى مدوخنا و بتخلى الواحد يندلق زى الجردل و يقع على بوزه و يتجوز عصفوره بتزقزق بس مع مرور الوقت بيكتشف ان التاء تخنت شويتين و العصفوره بقت فرخه امهات من البيضه دى اللى ملهاش طعم و يقعد بقى يدفع ثمن غلطته باقى عمره
بس على فكره مدونه لذيذه و مميزه خساره انى مشفتهاش قبل كده بس اكيد حتبعها من دلوقتى

mesh2dra said...

السلام عليكم

بوست سكر
يا طنت


أنا كمان مقدرش
استغنى عن المذكر
مش عشان المذكر في حد
ذاته لاسمح الله
بس
عشان
*
*
*
*
الكمبيوتر مذكر

منقدرش نستغنى بقى

أُكتب بالرصاص said...

صدقتي يا اختي يا طهقانة


لا نستطيع الاستغناء عن المؤنث ابدا

مصيبة


الحلة

داهية

نايبة

قلة

خيبة

لكي تحياتي

ولا عزاء

للمؤنثات


أورفوار

Ma 3lina said...

علشان كده باه بيقولو الشقة من حق الزوجة علشان مونثة

ربنا يفتح عليكى

نورتى المحكمة

القلم السكندري said...

لاااااااااااااااااااا

ده كلام ميتسكتش عليه ابدا

بصراحة انا لو مكان طهقان يكون ليا تصرف تاني

أنا أطالب طهقان بتخصيص غرفة حبس انفرادي في البيت

وكلبش برده

ودونيك كهربا لزوم مكافحة الشغب ده

بس بصراحة عجبتني اوي الصور

خصوصا اول صورة فوق

تحياتي

والله معاك يا طهقان

بنوتة said...

انت تموتي من الضحك
هههههههههههههههههههههههه
ههههههههههههههههههههههه
هههههههههههههههههههههههه
تحياتي

Unknown said...

بجد عشره على عشره
بس لو الراجل قدر يستغنى عن الست الست متقدرش تستغنى عن الراجل

sara said...

انتي جبتيها من الاخر

الشقه مؤنثه


والعربيه كمان مؤنثه

والاتوبيس مذكر للي مش عاجبه :d

خمسة فضفضة said...

السلام عليكم ورحمة الله وبركاته

ايوه كده لازم كل واحد يعرف اللي ليه و اللي عليه

علشان الرجاله يعرفوا انهم مش ممكن يقدروا يستغنوا عن الستات ولو للحظه واحده

Unknown said...

ايوة كدة يا طهقانة وريهم ان من غثيرنا هما ولا حاجة

غمض عينيك said...

ايوه كده يا اختششي
هما الرجالة مايجوش الا بالعين الاحمرا ولازم يعرفوا ان من غير الستات الحياه كان يبقى شكلها ازاي

قال فصل قال

يلا سلام بقا
;)

мσнη∂ιš said...

ههههههههههههههه عاش حزب النساء

سجدة said...

برفوا عليكى اهو كده الكلام ولا بلاش احنا مطمنين طول ما انتى بتكبتى يا طوطو علشان اكيد الستات بتاخد منك الخبرات المفيدة علشان الرجل يستسلم ويبقى زى الفل كده

Unknown said...

طبعا يابستوكة تاء التأنيث لا غني عنها حتي لو ماعترفوش في حقائق في الحياة مش محتاجة كلام

kafrawy said...

ههههههههههههههههههههههههههههههههههههههههههههههههههههههههههههههههههههههههههههههههههههههههه



مش قادر امسك نفسى من كتر الضحك


الشقة من حق الزوجة



هههههههههههههههههههههههههه

Anonymous said...

ايوة كده يا طهقانه يا حبيبتى مفيش احسن من التجربه العمليه ... واول مادخلنا فى الجد كشو السباع
:))))))))))))
سلامى يا جميل

Cute Persian said...
This comment has been removed by the author.
S H A H said...

سوري انا الديليت اللي فات-كنت داخل بيوسر تاني بغيرله حاجة في التصميم
-----------------------------------



جامدة قوي فكرة الساطور الماوس دي عجبتني و لايقة عليكي


مممممم

انا شايف ان القلم الرجالي خل عندك بعد البوست ده

اظاهر انهم استغنو عن التاء المربوطة

و سابولك الشقة كمان

تحياتي على البوست الرائع و حكاويكو اللي تجنن

و سلامي لمسيو طهقان

وعجبتني قوي الاغنية كمان

He and She said...

we know that we can't live without you ya zalama bas rabbena 3L mostari

Doba said...

يا أهالى البلوجات الكرام
طم ططم طم طم

أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه

يا اهالى البلوجات الكرام
مستنياكم كلكم

تعالوووو زوروووووونا
باى باى
دوبه

حياة الأحلام said...

أزيك يا طوطه على رأيك الرجاله ما يقدروش يستغنوا عننا
تخيلوا الدنيا عند الرجاله من غير ستات
هتبقوا الشقق مستنقعات والرجاله هيجلهم جفاف من قله الاكل
والهدوم هتبقى مش نظيفه على طول بس

كويس أنك اخدتيه باله من الحكايه دى يا أختى

NeRmeeN said...

ههههههههه مسخرة
اول تعليق ليا عندك وان شاء الله مايكنش الاخير ...هدى اللعب بس انتى وطوطو شوية :d


احب اختم بجملة قبل كده قرتها و عجبتنى بس مش فاكرة قرتها فين صراحة الجملة دى بتقول :

و لو ان النساء كمن عرفن .... لفضلت النساء علي الرجال... فما التأنيث لاسم الشمس عيب ...و لا التذكير فخر للهلال

تحياتى ليكوم انتو الاتنين

مهبول ومهبوله said...

معقوووووووووووووول
لالالالالالالالالالالالالالالالالا
مش معقول طبعا
يااخي بس ركزكده
ده موال اهه ومعقووووووووول
لا مستحيل يكون معقول
طيب بقي
اوريفورا

مهبوله حبيبتك

Unknown said...

عجباني موت والله المدونة بتاعتكم وطبعا الانتصار الاكبر للانثي
لذيذ ان يبقي في بنكم مشاكسة بس مش لدرجة الساطور
دلوقتي بقي فية حاجة اسرع والطف ماية النار
طبعا انا مش بقولك كدا علشان تعمليها هو احنا هنلاقي زي طهقان فين
ربنا يخليكم لبعض ويارب دايما تبقي كويسين وميدخلش بنكم اسلحة بيضة
دايما الاتنين بيكملو بعض لان مفيش حد بيعرف يعيش لوحدة
لازم يلاقي حد يكملة واكيد احنا بنكمل بعض لاننا من الاتنين يعني من غير الاتنين مفيش حياة
وهي سنة الحياة طبعا
بس الواحد كدا يخاف يتجوز احسن يطهق بس اكيد انت هتظبطينا لو حصل حاجة ولااية
اول مرة وان شاء الله تتكرر سلام

mimi said...

لذيذة قوي قوي
انا معاكي في كل اللي قلتيه بس لغاية روتانا زمان طريقنا مش واحد
هههههههههههههه
ابقي زوريني
تحياتي

أشرف حمدي said...

علي رأي المثال القائل
الستات نعمة
واللي يكرهم يعمى

وعجبي

R.O.U.R.O.U. said...

coooooooooooooooooooooool

حواء said...

فى الحقيقة الراجل والست مش ممكن يستغنوا عن بعض ابدا خصوصا لو كانوا بيحبوا بعض موووووووووت زيك انتى وطوطو كدة يا قملر ربنا يخليكم لبعض .. تحياتى

رينـــــــــــا said...

السلام عليكم ورحمه الله وبركاته
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير

Anonymous said...

بصى

نظرا لتؤ السفاهم اللى عند طهقان

سألته هل ينفع أقدم اوراق اعتمادى بس اضمن لى ان طاطو مش حتزعل

حتزعلى يا اؤختشى؟؟

(وش بيغمز)


كل سنة وانتوا طيبين ورمضان كريم عليكم يا رب

عصفور المدينة said...

كل عام وأنتم بخير

عصفور بلا أجنحة said...

جيت بس اقول كل سنة وانت طيب

ناردين said...

كل سنة وانتي طيبة
وبجد بجد بجد بجد
الله يعينك
..
ولولا اننا خلاص بدأنا اول يوم رمضان
كنت قلت لك الساطور آن أوانه يشتغل واعرف محامي شاطر يطلعك زي الشعرة من طبق الشوربة
..
تحياتي
..
رمضان كريم

نسرين - أمة الله said...

السلام عليكم
كل سنه وانتى طيبه
وربنا يجعله خير على المسلمين اجمع

koukawy said...

رمضان كريم و كميييييل

نهر الحب said...

كل سنه وانتم طيبين

شاركونا في رمضان

دكتور كسلان said...

كل سنة وانت طيبة

انت كده هتعقدينى فى الجواز

šσяšαяαα said...

أسأل الله لكم فى شهر رمضان حسنات تتكاثر وذنوب تتناثر وهموم تتطاير وأن يجعل بسمتكم سعادة وصمتكم عبادة وخاتمتكم شهادة ورزقكم فى زيادة..أدعو الله أن يتقبل منا و منكم الصيام و القيام وصالح الأعمال
:::::::::::::::::
رمضان كرييييييييم

الأستاذ said...

معلش بس علشان أنا مش فاهم الشخصيات أصلي مش متابع من الأول مين طهقان؟ ومين طوطو؟ يبدو أن أدهم جوز سوسو أختك كما يبدو أن طهقانة هي انتي !! والله اعلم لكن على فكرة أنا كدة اللي طهقان من منظر البلوج بتاعي جامد أوي البلوج بتاعك ده شكلك من المؤسسين

شهيدة said...

سلام عليكم
وكل سنة وانت طيبة

بصراحة أعجبتني جدا جدا فكرة مدوناتكم انت وزوجك طهقان

بجد فكرة مبتكرة وفيها شرح لتفاصيل يومية حياتية مفيدة بطريقة حلوة تجنن وتموت من الضحك

انا دخلت عن السيد طهقان زوجك في المدونة ولقيت ان اسلوبو كمان مشابه لأسلوبك جدا

رغم اني ما قريتش تفاصيل عندكم انتم الاتنين لكن اتمنى ان كل مشاكلكم تقدروا تحلوها بخفة الدم الموجودة في المدونتين

وبالنسبة للموضوع ده
فإن "المرأة شر لا بد منه" هههه مش بيقولو علينا كدة ولا ايه

تحياتي ليكي ودمتي بخير

صاحب البوابــة said...

مررت فقط

لكي أقول لكِ كل عام وانتِ بخير

تحياتي طهقانة

د- حندولة said...

يادي تاء التأنيث اللي مبهدلانا
والله شكلهم رجالة طيبين وعايزين يعيشوا ...
،صل الحكاية بالشكل اللي انتوا عملتوه مش هتتلم
هتقولوا هناخد الملة بتاع السرير .. هنقول هناخد ألواح الخشب
هتقولوا هناخد المرتبة ... هنقول هناخد القماش والقطن
هتاخدوا أي حاجة بتدور ... هناخد الموتور
هتاخدوا اللمبة ..هناخد السلك ... هتاخدوا الفيشة هناخد الكوبس... وعندك بقى الباب والجدار والسقف والشاي والسكر وأي حاجة مافيش فيها تاء تأنيث .. واللي فيها تاء نرجع لأصلها هيطلع ما فيهاش تاء تأنيث ... حتى لو رجعتوا لحوا ...هنرجعها لآدم

كل سنة وانتي طيبة ... وحقيقي شكلها قعدة حلوة
كل سنة وكلكم طيبين

طهقان said...

الى الاستاذ
الاستاذ

طهقان
وطوطو

هو انا
طهقان
جوز طهقانة

ودا المفيد اللي تعرفه لحد دلوقت


شهيدة
انا اعترض بشدة
انا اسلوبي مختلف تماما عن اسلوب طهقانة

ارجوكي
اسحبيها

:)


عواف عليكم جميعا

mesh2dra said...

فين الجديد
؟
!

الأستاذ said...

ماشي يا طهقان مبروك ليك انت وطهقانة ولو انها جت متأخرة لكن معلش كل سنة وانتم طيبين

BackBone said...

رمضان مبارك و عيد سعيد و يارب بقه تشتروا لحمه لحسن الواحد بطنه نملت من اكل الفوووووول


و اللا الفول ده مذكّر مبتكلهوش

مدونة كل العرب said...

هذة حال الدنيا
لو انتى اتخيرتى قبل الجواز وقلنالك تتجوزى ولا لا هتقولى بشوية كسوف انا عاوزة اجوز وبعد الجواززززز ....... نسالك اية هيا الايام الاحلا ايام الجواز ولا ايام العذوبة .. طبعا الاجابة معروفة
---------
رمضان كريم
كل عام وانتم بالف صحة وسلامة

koukawy said...

ايوه الستات تعترف ان لا غني عن الرجاله
بس الرجاله نفسيتهم السودا البايظه
مش مخلياهم يعترفوا بكده

mostafa rayan said...

ليه بس كدةياطهقانة هاحنا نقدر نستغني عن الستات علاقةالراجل بالست علاقة تكامل مش توازي