ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

اللي على راسه بطحة



مخبيش عليكم اول ما اتجوزنا مكنش كده كان سريع و طالع نازل فريرة لكن من ساعة ما الحر هجم و هو اللي جاله جاله و كل يوم و التاني راكن و لا بيصد و لا بيرد و مش راضي يشتغل و غلبت اسايس فيه و اجيبله كل اللي ممكن يحركه مفيش فايدة واقف محلك سر مش عارفة من السن و لا من الحر و لا من كتر ما تعب ماهو اصله بقاله حوالي 14 سنة شغال مبيونش
طهقان: ايه ده يا ست انت!!!! انت لسعتي و لا اية؟
طهقانة: في اية يا طوطو ناكش شعرك و ودانك حمرة كده ليه ده انا بكتب بوست جديد اية مزعلك
طهقان: مطهقاني و فضحاني اول و تاني و مجرساني اون لاين من المحيط للخليج و اخرتها معاكي
طهقانة: اية اللي فاضحك يا طوطو؟
طهقان: هو الواحد اكمنه زهقان حبتين و قرفان و ملزق من الحر تقومي تجرسيني بالشكل ده
طهقانة: شكل اية يا راجل انا جيت جنبك
طهقان: اهو ما انت كاتبة اني لا بصد و لا برد
طهقانة: اه هيهيهيهيهيهيهي و انت اخدت الكلام على نفسك ليه؟
طهقان: امال مين يا ست انت انت متجوزة غيري
طهقانة: هو اصله مبقاش في منه رجا و لازم يتغير.. تعب بقى
طهقان: يانهار مش فايت يتغير ازاي
طهقانة: ايوة طبعا شغال من 14 سنة و بدأ يشحر حفضل صابرة عليه لامتى انا تعبت
طهقان:كده عيني عينك
طهقانة: و فيها اية بس لما نجدد و نجيب واحد جديد اسرع و احدث
طهقان: لا انت عايزة علقة
طهقانة: ما انا كمان تعبت كل يوم طالعة نازلة على رجليا لازم بقى نغير الاسنسير
عنها و لقيت طوطو احمر وبرق و قطع زراير البجاما
طهقانة: طوطو مالك يا حبيبي بتضرب دماغك في الحيطة ليه؟ هي التربنة وحشتك؟
و كمان بتعض في صوابعينك؟
لا انت بقيت تطهق خالص مالص


اوروفوار


امضاء
طهقانة

44 comments:

sendbad said...

ااااخيرا انا اول تعليق
دايما كل الرجالة نيتهم وحشة مش قادرين يسحوا الست قصدها ايه
اخص عليهم وحشين خالص
دانتوا ملايكة

Desert cat said...

لا مالوش حق طهقان ياخد الكلام على نفسه
ده حتى الكلام واضح اوى اوى انه على الاسانسير لدرجة انى فى الاول شكيت بصراحة

يا مراكبي said...

كتبت 5 تعليقات لحد دلوقت ومسحتهم

كل ما أكتب حاجة ألاقيها ممكن تتفهم غلط .. زي الأسانسير كده

قلت أرمي السلام وبس

وكمان سلامي لطهقان .. توأمي في الطهقنة

بون سوار

نانو said...

حرام عليكى يا طهقانة كده تخضى طوطو وتخليه يتجنن حرام يا حبيبتى كده ارحمى الراجل ماهو لازم يفتكر انك تقصدييه ما هو كل الرجالة كده يا روحى

shahy said...

يا ناصحة يا لئيمة

ماشية معاكي يا سيتي

كفاية نق كدة

المهم طهقان عامل اية دلوقت بخير و دخلت علية والا زعلان

ربنا يهدي


سلام

shaimaa said...

انا لو منه ادبحكككككككك

الطائر الحزين said...

علشان يحرم يسكن فى ادوار عالية
مالة الارضى على الاقل ويا سلام لو كانت حصيرة علشان مفيش حد يتعب حتى من الطلوع على اى حاجة

تحياتى

Anima said...

جوزك مجنون يا ولداه

يا لهوييييييييييي

Esmeralda said...

الله يكون فى عونه
معلش حاجى عليكى المرة ديه

أشرف حمدي said...

يا جدعان انا حلاقيها منكم ولا من الإعلان اياه بتاع : فضلت اتصل بيك طول الليل وانت خارج نطاق الخدمة .. هو مش شغال ولا ايه ؟
يقول لها : عادي
تقوله : عادي ؟ هه .. طيب

وتدخل تنام

أكيد تقصد الموبايل .. صح ؟

أشرف حمدي said...

علي فكرة يا طهقانة
ما قولتليش رأيك في الكاريكاتير اللي رسمتهولك ؟ كان نفسي تنشريه علي مدونتك انتي كمان زي طهقان باشا حبيبي

اسكندراني اوي said...

هههههههههههههههههه
والله هي المشكله الاساسيه انه بقاله 14 سنه شغال بس ممكن بشويه صيانه يشتغل كمان 14 سنه وبرضه حسب الاستعمال

قولتيلي هو الاسانسير نوعه ايه

فى القلب said...

واللهى يا بنتى أغلب الأسنسرات فى مصر المحروسه بتعطل بالتقادم
منتى عارفه العماله من الأول مفيهاش ضمير
بس ياله بشويه صيانه كده هيأدى الغرض
ولنا ربنا فى العماله
تحياتشى

أسامه يوسف said...

هاهاها
لالالا يا طهقانه
حرام عليكى طهقان
الراجل هيلسع منك

بس كلام بينى وبينك
هو انت عملتيها من غير قصد
ولا بتردى على يوم الماتش اللى نشره طهقان

اوصيكى خيراً بطهقان

aya said...

لا لا لا يا طهقانة
حرام عليكى الراجل هيلسع منك خالص كده
متزعليهوش يا طهقانة دا طيب وابن حلال

هههههههه
بوست رائع يا طه طه

سهر الليالى said...

سوء النيه ده طبع فيهم دايما يفهمونا صح اقصد غلط :) حاولى تصلحى الاسانسير بقى تحياتى

حــلم said...

طهقانة
قلبى عندك
هو الحر الله يسامحه بأة
:)

sa7arkash said...

الاول كان سريع وطالع نازل..ودلوقتى راكن ..وواضح انك غلبتى محايلة ومسايسة فية..وبعدين اللى جالة جالة..اصلة شغال من 14 سنة...تصدقى ان طهقان مالوش حق يفهم غلط..انا عن نفسى افتكرتك بتتكلمى عن الخلاط..الرجالة دول عليهم حركات..او تقدرى تقولى اللى على راسة بطحة..مع الاعتذار لطهقان

القلم السكندري said...

والله أنا شايف برده تريحو الاسانسير ده في عمارة اصغر شوية

لحد بس ما ياخد نفسه وبعدين يحلها ربنا



بصراحة كدة أنا ساعات بشك أن في واحد بس هو اللي عامل مدونة طهقان وطهقانة

مش عارف بستغرب أوي أن ممكن مجتمعنا يكون في اتنين متجوزين وهزارهم أون لين كدة

مشكورة يا طهقانة علي المدونة الرائعة

وأنا حاطط لها رابط علي البلوج الأدبي بتاعي

Doba said...

يا عينيييييييى يا عييييينى - يا عينى عالولد - يشفيه المجنون يا ولادنا يشفيه المجنون يا اولاد - يشوف البقرة تكتب تقرا -ترطن بالعربى والافرنجى - يشفيه المجنون يا اولاد

هتخلى الراجل يمشى فى الشارع وينادى ويقول - انا حسحس وحسحس انا

هزعق زى الغووووووول وهجعر وهقوووووول تعاليلى يا بطة - وانا مالى هه - حرام عليكى الراجل يا مفترية - هتبقى انتى والحر عليه

تحياتى يا قوووودوووووووة
هبة

m_fouly said...

يا جماعة أنا لسة مابافهمش فى الحاجات دى ممكن حد يفهمنى بالتفصيل هو طهقان كا فاكر الموضوع ايه ؟ اهو بالمرة لما تجوز أبقى اسكن فى شقة دور أرضى درءا للشبهات و حفاظا على السمعة و تجنبا للتحسيس على البطحات

زين كملاوي said...

لا لا لا .. ما نقلبش أي زعل لطهقان .. وما يأخدش على دماغه .. بس انت كمان يا طهقانة مما ترفعيش ضغطه كدة .. خلاص

R.O.U.R.O.U. said...

daaaaamaaaaaaaaaar bgd raw3a moooot,la la malosh 7a2 ya5od 2l kalam 3ala nafso,aho ba2a ma3lish,2l 7ar bey5alih 2l wa7d yelsa3 7abitin:)

غمض عينيك said...

بجد بجد بجد
انا مش عارف اعلق
المدونة كلها كلها تحفة ومالهاش حل
انا قريتها بوست بوست ولو كان في وقت كنت علقت على كل واحد لوحد
بجد بجد تحفة يابسكوتة
حلوة اوي بجد المدونة
وانتي دمك خفيف موووووتت

انا هاروح دلوقتي طوالي عند طهقان واشوف ايه الاخبار

تحياتي ليكي
محمد سمير

fanan fa2eer said...

حرام عليكي يا بستوكة والله
هتبقي أنتي والحر عليه؟

ربنا معاك ياطوطو
:))

عاشقة الوطن said...

السلام عليكم

ازيك ياطهقانة
معلش ياطهقانة استحمليه
ماهو بقاله 14 سنة شغال تمام استحملي يومين الحر دول


وخدى بالك من طهقان مش هأوصيكى عليه

خمسة فضفضة said...

السلام عليكم ورحم الله وبركاته

ههههههههههههههه

الحر ده بيعمل بلاوي

ايوية said...

والله بجد حرام يا طهقانة مهو الراجل لة حق يتلخبط

bos bos said...

حرام عليكى بجد كنتى تفهميه من الأول أنك قصدك على الأسانسير كده وقعتى قلبه
بس جامدة قوى
تحياتى لكى

محمد العدوي said...

يا شيخة

الأسانسر

وأنا اللي فاكرك عاوزة تغيري التكييف لزوم الحر .

انتو تبنوا حتة ارض أسهل !

S H A H said...

ايه الحكاية انا شايف بوستاتكو انتو الاتنين بتتكلم في نفس النقطة دي

طهقان بدأت عليه علامات ال اربعين و لا ايه

انا حاسس ان المود دخل بينكم في احترام و صداقة


سلام مؤقت

الايـــــــــــــام said...
This comment has been removed by the author.
الايـــــــــــــام said...

هو زعل من ايه هو حصل حاجه ولا ايه
هو اتجنن بس
بسيطه
ادعوكى لزياره مدونتى

الايـــــــــــــام said...

وبعدين هو بقاله 14 سنه شغال لزم يكون تعب من كتر الطلوع والنزول والجو حر
معلش تعالى على نفسك واطلعى على السلم شويه علشان يرتاح

3abdo me7tas said...

لا حول ولا قوة الا بالله
حرام عليكي اللى بتعمليه فيه ده
:D

سجدة said...

ربنا يكرمك والاساسنير يتصلح يارب
احسن دا مفيش غنا عنه اهم حاجة فى البيت

lamada said...

هههههههه جامده موت
لا تعليق بصراحه بوست يودى فى داهيه

bocycat said...

ازيك ياقمر انتى لذيذة اوى بس انا عارفة طبعا انك مش تقصدى طوطو انا بصراحة افتكرت بتقولى كدة على جهاز الكمبيوتر طلع الاسانسير .. بسيطة ماهو كله شغاااال و مابيونش..غمزة.. وللا اييييه ؟ سلام

momken said...

اسانسير ال اسنسير ال
انتى هتعملى زى تيتا بتقولى بعد ماشافت اعرن فياجرا فى التلفزيون عيشنا وشوفنا المساميرليها اعلانات

تحياتى

None said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


والنعمه انتي تجنني

Anonymous said...

يخربيت كدة

Anonymous said...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

Anonymous said...

福~
「朵
語‧,最一件事,就。好,你西.............................................................................................................
..................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول