ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

نهيتك ...ما انتهيتك

طلب مني سي طهقان ابعتله ايميل مستعجل من البيت لان النت مفصول عنده في الشغل و ادالي الباسورد بتاعته و قالي على مكان الفايل اللي عايز يرفقه برسالته و كان ايميل عمل عادي خـــــــــــــــــالص
اللي مش عادي اني بعد ما بعت الايميل لقيت الفرصة سانحة في الدعبسة في جيوب ايميله يمكن الاقي حاجة كده و لا كده
و اللي حسبته لقيته و شفت بعيني محدش قالي و جنت على نفسها براقش
لقيت يا اخوانا في الانبوكس بتاريخ شهرين فاتوا رسالة من موقع اسمه ((زوااج))0
فتحت الرسالة لقيت فيها بيانات موزة ذات اربعين ربيعا هيفاء جعداء فيحاء و كده
و تعليق من الموقع انها تتوافق مع الطلبات اللي سعادة المشترك كان مقدمها
يطلع مين المشترك يا ترى؟؟(بجز على سناني)0
سي طوطو طبعا.. بس عاديكم و الدم غلي في عروقي و حسيت بميول دموية و رغبة في التكسير و التقطيع و التكييس
و عنها و قعدت ادعبس تاني في الاوت بوكس و التراش و كل الحافظات في الايميل
لقيت بلاوي يستاهل عليها يتركب في سيخ شاورمة و يتنسل من لحمه نسايل

و اكتشفت الحقائق التالية :البيه العتل الصنديد المقدام مشترك في موقع للبحث عن زوجة من سنتين و الموقع بيرسله بيانات كل مشتركة تضيف بياناتها اول باول و اللي تكون بيناتها مناسبه لطلباته يبعتله ايميل مفصل عنها و اكيد بيبعت لها ايميل ببيناته كمان

كده يا طوطو بعد اكتر من 10 سنين جواز لبستلك فيها الايشي و الشفتشي و الفستان ابو وردة مشمشي و هنيتك و دلعتك و انت لا كنت وش دلع و لا ليك فيه
بعد ما كلينتك و انت كنت فاكر الكولونيا دي بتتحط على الفول، بعد ما سهرتك و انت مكنتش بتسهر غير من قرص الناموس، بعد ما ... و... و....0

طيب يا طوطو ان ما لعبتك على الشناكل و خليتك تقول كان مالي و مال المشاكل
و قعد مخي يلف و لا قطر مفيهوش فرامل لا عارفة انام و لا اقوم و لا اعمل اي حاجة
و جم الاولاد من المدرسة و مفيش غدا اتعمل بعت جبت سندوتشات من جاد و وصل السبع المغوار لقاني بطلع دخان من وداني و وشي زي الجزرة

طهقان: مالك يا روحي
انا:طلعت روحك- في سري- تعبانة عندي صداع
هو: طيب متنامي شوية تريحي
أنا: طيب الغدا على الترابيزة
هو:ايه ده سندوتشات؟
انا: بالسم الهاري- في سري- مقدرتش اطبخ

و سبته و دخلت الاوضة و انا بسن سناني
افاتحه في الموضوع؟؟؟ اعرفه اني عرفت؟؟؟؟ اتصل باهله يجوا يشوفوا حل معاه؟؟؟؟
اصوت و الم عليه الجيران و اخلي اللي ما يشتري يتفرج عليه؟؟؟
لا مقدرش انا بنت ناس و مقدرش اعمل كده, اتصل بيه و اقوله اني من الموقع اياه و اشوف ميته اية؟؟؟لا مش حتخيل عليه ما
انا عملتها فيه قبل كده ده غير انه اكيد مش سايب رقم تليفونه في الموقع لزوم السكرته

مخي سااااح من التفكير لحد ما وصلت لفكره نميسه تقفشه و تبين معاميق نفسيته الدفينة


نمت و ربيت سهره و استنيته نام بالليل و قعدت ادبر له المكيده
دخلت الموقع اياه و عملت اشتراك باسم مستعار (نهى)و حطيت صورة خطيرة لقيتها على النت في برنامج شات و عملت بيناتي تحل من على حبل المشنقة و كتبت عنواني نفس الحي الراقي اللي احنا ساكنين فيه و طبعا المراسلة على ايميل جديد بنفس اسم المزمازيل نهى
و اللي هي انا بس بعد الحادثة

اوتو ماتيك بتتبعت بينات المشتركة الجديدة لكل اليوزرز التانين ، و دي اول عقدة في الخية
تاني يوم لقيت بتاع خمسة و خمسين طلب مقابلة للست نهى بس طلب سي طوطو مش فيهم
مبدئيا دي حاجة كيويسة و لو ان ممكن ميكونش شاف الميل لسه-سوء ظن عارفة-0
حاولت ادخل على الايميل من البيت اعرف فتح الرسالة و لا لا لقيته غير الباسورد ابن الحريصة
يوم.. اتنين ..تلاتة ..مفيش لا حس و لا خبر و انا واخدة جنب و بتكلم من تحت الفك الايسر و رافعة الحاجب الايمن و عاملة حظر تجول في البيت و معلقة الاحكام العرفية

رابع يوم –يوم الجمعة- قاعدين نفطر الصبح مع الاولاد و طوطي الصغير
بيقول:حلو قوي الفول يا مامي
فرد طهقان و هو حاسس ان الدنيا مغيمة و في احتمال سقوط امطار في الفسحة:ما هي مامي احسن واحدة تطبخ في الدنيا.... اماااااال!!!0
انا: من تحت عقب النضارة نظرة راشقة و ابتسامة صفراء- يا سلام
بعد الفطار نده على الشغالة: اعملي اتنين شاي و هاتيهم البلاكونة يا بنتي

و قالى بابتسامة منافقة و مسح جوخ و حليطة: تعالى نقعد نتشمس شوية قبل الصلاة
تقريبا محبش ان المطرة تنزل في الصالة و تغرق الدنيا و تبوظ السجاجيد الشنواه و حب ياخد الدش في البلاكونة
هو: مالك يا روحي شايفك معصبة بقالك يومين؟
انا: اصلي مستنية ايميل مهم و موصلش
هو: من مين يا حياتي؟
انا: من موقع للبحث عن عريس اسمه زواج تعرفه؟
هو: انااا مييين ايهه...ازاي؟
انا: مش انت مشترك فيه من سنتين برضه؟
هو: يا شيخة ده هزار ههههه انت اخدتي بالك من الرسالة اللي كانت في الايميل هههههههه دي حاجة كده تفاريح هههههه بشوف العاهات اللي بتتبعت و اقعد اضحك ههههه ميبقاش عقلك صغيرهههههه هو انا الاقي زيك لو حتى دورت ميت سنة ...اية ؟؟ انت بتقولي مشتركة فيه ؟؟ ليه بقى يا ست هانم انت عايزة تتجوزي؟-بغضب-
انا: لا ابدا تسالي هههه تفاريح هههه هزارههههه و كده
॥هو: لا لا لا لازم نلغي الاشتراك بتاعنا احنا الاتنين بلاش وجع دماغ

و انتهى الحوار على كده


لكن منتهاش الموضوع
بالليل لقيته فاتح الايميل و بخطوات باليهية رشيقة على اطراف صوابعيني جيت وقفت وراه لقيته بيمسح ايميل كان في الدرافت كان ناوي يبعته
بعنوان
الى العزيزة نهى


اطهق و لا مطهقش؟؟؟؟؟؟؟
دي حاجة تطهق صحيح
امضاء

125 comments:

رينـــــــــــا said...

هههههههههههههههههههههههههههههه
ههههههههههههههههههههههههههههه
والنيعمه انتى سكر
وجوزك دا عسل اصلا
كوميديا

انا لو منك يابنتى كنت علقته اصلا
ياصبرك يومين متكلميهوش فى الموضوع

بس احلى حاجة
لا ابدا بتسلى ههههههههه تفاريح ههههههه هزار ههههههههه

بجد دايما مفطسانى من الضحك
هاتى بوسه يا بستوكتى

BackBone said...

يابستوكه ياجتت بكوته مكسره


و اللهي تلاقيه كان بيهرج عادي, و بعدين حورات النت و الحجات ديه مفيش منها اي خطوره ة و ان كان برده مش منحقه يعمل اللي علمه ده

بس كبري دماغك, و اللهي تلاقيه كان فعلاً ذي مبيقول كدعه هههههه ده تهريج هههههه انت صدقتي هههههه ده بيتفرج علي العاهاااااااااااات


ستات عيزه الدبح صحيح

طهقان said...
This comment has been removed by a blog administrator.
sera26 said...

هاى طهقانه
انت البلوج بتاعك حلو اوى انا بعتلك كده قبل كده
انت بصراحه اعصابك هاديه اوى
انا لو منك كنت بهديلتو و سودت عيشته على فكره انا مش متجوزه بس على فكره انا عملت الحركه دى قبل كده مع واحد كنت مرتبطه بيه و كانت واحده صحبتى هيا اللى بتكلمو و تبعتلى المحادثه اللى بينهم
و فى يوم عيد حبنا كلمها و قالها انا عايز اشوفك تخيلىىىىىىىىىىىىىىىى

أميرة البلطجية said...

ههههههههههههههههههههههههههههههههههه
ههههههههههههههههههههههههه
الواحدة لازم تاخد كورس هاكينج قبل ما تتجوز بقي
ههههه

truelove said...

بصي يا ستي بين اسمه ايه ده عمره مبيتعدل وربنا يديكي الصبر وطولة البال

shermen said...

ههههههههههههههههه
بصراحه انتي غلطانه يا طهقانه
أنا لو منك كنت سبقته وغيرت الباس وورد بنفسي و أخدت منه الايميل يبقى يعمل غيره بقى
حسبي الله ونعم الوكيل فيهم كلهم
معاكي حق تطهقي ياأختي
دي حاجه تغلب

كراكيب عادل said...

علطول تغير الباس وورد علشان ميعرفش يدخل تاني اميلة كان تحت يدك

بس ممكن يكون هو عايز يشوف

علي رأي الشاعرعبد الرحمن بن مساعد

لة قصيدة جميلة تناسب الموضوع دة تماما يمكن طهقان يشوفها ويعرف يدافع عن نفسة احنا بنهدي النفوس

أنا شفت الزهر مايل ..
وظنيته يناديني !!
قطفته ..
يوم ضميته ..
لقيته للأسف ذبلان
عرفت إنك زهر عمري ..
عرفت إنك بساتيني ..
وغيرك قيض مايروي
سراب يشقي العطشان
أنا لو ماحطل ماكان ..
وشهو اللي يدريني
بأنك ماسواك انتي
سكنتي القلب والوجدان ..!!

وتحياتي ليكم طهقان وطهقانة

كراكيب عادل said...

يعني باختصار يمكن هو عرف غلاوتك بعد ما شاف ستات تانين خليكي واثقة من نفسك مش هيلقي احسن منك يا طهقانة ارجعي اقري القصيدة تاني

محمد عبد الغفار said...

الأمر يحتاج وقفة من كلاكما مع النفس

يا مراكبي said...

إن بعض الظن إثم .. الراجل طلع بيدور على عروسة علشان واحد صاحبة ما بيعرفش الفرق بين الكومبيوتر والبوتاجاز

المفروض ما تشكيش فيه بعد العشرة الطويلة دي ولو كنت سألتيه كان جاوب بأمانة على طول

هو عنوان الموقع ده إيه؟

bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
t3ban said...

لما ألت أحلي حاجة في الرجالة السياسة
قلتلي اشرب سجارة و كباية شاي
أهو طلع خاطبة في الآخر وحتلاقي لبسها لأعز أصحابه
انا جاي أهدي النفوس
كمان الي بيخطب لصحبه يحط بياناته هو
علي رأي المثل
برة و جوة فرشتلك و انت حالك مايل و ايه يعدلك
ولا يهمك يا أخ طهقان
السجن للرجالة

Anima said...

يا خررررررررررررررررررررررررررررررابي

أسوط يا جدعان ولا ايه؟

الأمير العاشق said...

بجد يا جماعة انتوا الاتنين لذاذ جدا و تجننوا ..و على فكرة يا طهقانة طهقان بيحبك و بيموت فيك .. و دة ياين قوى من ردودة عليك..و حرصة على التبرير على كل بوست انتى بتبعتية ..بس هى المشكلة انكم بقالكم كتير على نفس الحال مبتعملوش جديد..عارفين انا اساسا حاسس ان موضوع البلوج الرائع دة طريقة جديدة من طرق العزل كل واحد منكم بيقول للتانى انه بيحب الاخر و مش قادر يستغنى غنه بس بفكرة جديدة و مبتكرة..

ody911 said...

ههههههههه

يخلاب عقل الوحش يا شيخة

مش عارف كلامكوا بيموتنى من الضحك

معلش

طيش رجالة بقة

وعادى بقة
أودى

LOJAIN said...

يا مصيبتى يا طوطو
يادهوتى ياختى:(((
اتاريكى يا حبيبتى جيتى عندى تقولى فعلا الواحد نفسه يبقى له جناحات و يطير
وعاجباكى الصورة , واتارى فيها إنّه

وايه الرد اللى ينقط منه ده اصلا قال واحد صاحبه مش عارف ملوش فى التكنولوجيا .. نكنولوجيا ايه ده ايميل
ولما هو صحبك و حبيبك قوى كده معلمتهوش ليه التكنولوجيا يا بيل جيتس, سايبه يعتمد على تكنولوجيين من الخارج لييييييه؟؟
وكمااااااان منا لو عايز اتجوز كنت مش عارف ايه .. انت قادر تفتح عنيك فيها اصلا
انا ضحكت اه بس من غلبى و حياة ربنا

انا عندى فكرة بس مش عارفة اوصلهالك ازاى .. بس هتشكف لك حاجات تانية برضه تفيد
واهو برضو تكنولوجيا يا تكنولوجيا
سلام يا حبيبتى و ربنا يعينك و معاكى

Regards:
Lojain :)

Rivendell** said...

ههههههههههههههه

هههههههههههههه


اهم حاجة العنوان تحففففففففففففة


نهيتك ما انتهيت والطبع فيك غالب


طهقان دا شقي خالص .. موقع جواز مرة واحدة

هههه
هههههههه
ههههههه

انا مش صعبان عليا اللا العيال اللي بيقعوا تحت طائلة الاحكام العرفية دول

هههههههههههههه

بس انت عسللللللللللل

sakayar said...

ما تبقوا تلحقوا جوزكم ولا لازم يبص لبره علشان تاخدوا بالكم منه

Me said...

This is a great post...very funny! but if it is happening in real life not funny at all!!
this makes great sitcoms! i always leave here with a big smile on my face!

قنديل said...

مش ممكن
وكمان عاملة الماوس ساطور..
يا ماما!!

bastokka طهقانة said...
This comment has been removed by the author.
Amr Ahmed said...

ههههههههههههه

عاتشي جدا

الراجل عاوز يلعب بديله حبتين

اديله الفرصة

bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
بنت الكويت said...

ههههه
اهنيج على حسن تصرفج وقوة صبرج
لو وحده ثانية ما قدرت تستنى دقيقة وحده

bastokka طهقانة said...
This comment has been removed by the author.
LOJAIN said...

هو انا اعرف لك ايميل يا طاطا
قوليلى انتى ميلك ايه؟؟

R.R said...

ايهبس الجو اللى انتم عايشين فيه ده
:)
بس انتى طلعتى جامده جدا وعلى فكره لو عاوزانى ابعتلك طريقه للهاك على الايميل بتاعه قوليلى
احنا فى الخدمه يعنى
:)
وراك بنات
تحياتى يا اجمد اتنين متجوزين

قصاقيص said...

هههههههههههههههههه
:::::::::::::::::::::::
والله شكله كان قاصد اصلا يبوظ اعصابك ويطهقك............لانه متاكد انك هتدعبسي بعد ماتفتحي ميله
عموما انا لو منك كنت اخدتها فرصه واستخدمت طقم السكاكين الفرنساوي اللي مركون في دولاب الفضيات من زمااااااااااااان
هههههههههههه
بهدي النفوس انا عارف..........ملاك من يومي

بنت الشاميه said...

المره دى انا مع طهقان

حسها برئ اوى اوى اوى


هو لو عنده نيه بطاله ما سبكيش تفتجى الا يميل بتاعه

وهوو واثق ان قلبك ابيض ويحبه وتتفهمى
قصده على طول


اصله هو طيب وحليوه....ميعرفش يلعب

الثلاثه ورقات

سمحيه والنبى المره دى علشانا

دنتوا تجننوا....بس اتحسدتوا شويتين

ابقوا تبخروا من العين


سمعانى يا طهقانه

والله انت سكاااااااااااار

لووووووووووووووووووووووول

Incomplete said...

ههههههههههههههههههههههه
بستوكتي انتي سكررررررررة
مش كنت اتصور ان طهقان يتلع واتي كده :@
ده مش طلع بيلعب بديله وبس..ده طلع ناوي على جواز وبتاع
بستوكتي حضري الساطور والإكياس بقى
بس انتي خانك ذكائك المره دي ..مش كنتي تصارحيه وتسيبه لحد مايلبس في الحيط
وعلى رأي تمر حنة اللي مش يحطك كحلة في عينه مش تاخديه مركوب في رجليكي
:D

khaled said...

اقولك على حاجه وتحطيها فى ودنك لا موش حلق
وشم بعيد عنك الرجاله كلهم بدون استثناء خائنين ماعدا ابى واقولها مجامله له

bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
حواء said...

ههههههههههههه دمك خفيف موووت ضحكتينى عالصبح بس كويس انك متهورتيش واتكلمتى معاه فى ساعتها وانك عملتى فيه نفس المقلب عشان اما يفكر يعمل حاجة كدة وللا كدة يفتكر ان وراه واحدة مش اى اى ولا زى زى ...

اوروفوار ههههههه

خمسة فضفضة said...

السلام عليكم ورحمة الله وبركاته

يا مأمنه للرجال يمأمنه للميه في الغربال
احمد ربنا ان جوزي ما لوش في التكنولوجيا الحديثه خالص
بس خيبه لا يطلع هو صاحب طهقان اللي بيدور علي عروسه

khaled said...

انا كان عندى استفسار موضوع انه كان عايز يقابل وحده ده حقيقى ولا من نسج خيالك

bastokka طهقانة said...
This comment has been removed by the author.
bastokka طهقانة said...
This comment has been removed by the author.
BaTresYa said...

حركة ذكيه منك بجد ...أحلى حاجه في المرأة ذكائها ...وأنا هبقى أخد الباسورد بتاع خطبي وجوزي قبل ما آخد الشبكه أو الدبل .. أمال الإحطيات واجب

khaled said...

انا على فكره انا موش قصدى على البوست ده ....... انا قصدى على بوست قديم اعتقد انه اول بوست لما ضحكتى على طهقان
وقولتيلو انك واحده وهوا كلمك وكان مستنيكى عشان يقابلك
بصى صراحه انا المفروض انى ماليش فى المواضيع دى بس انا لا اعرفك ولا اعرفه ولا انتى كمان تعرفينى
بس انا عايز افهم ده لو كان حقيقى ازاى
ختى الموضوع ببساطه كده ولا المواضيع دى بتتاخد كده

To a friend said...

و بعدين بقي في الاستاذ طهقان

كل يومين يعمل مصيبة كده ؟

الله يكون في عونك

بس معلش انت الاعقل برضه
فوتيها له المرة دي

yasser_auf said...

هممممممم

بصي بقي انا العادي اخد صفة و متحامل عليكي لاكن المرة دي ...لا ثم لا ثم لا

انا بقي الي حرد علية موش انتي !!! هو فارك اية بنات الناس لعبة و لا اية و لا فاكر ان موراكيش رجالة ترد علية ؟؟و تقفلة

حد يا محترم يدي مراتة الباسورد بتاع الميل بتاعة انت اتجننت و لا كنت شارب حاجة اصفرة بتلج ؟ و طلعت مضروبة

و الله تستاهل الي يجرالك ليها حق تقطعك حتت و ترمي الحتت دي علي نواصي البلد علشان محدش يعرف يلمك علي بعض تاني و لسببين
انك انت الي فضحت نفسك بنفسك
و ثانيا لانك بتخون مراتك او بتحاول تخونها بس الفرصة لسة مجاتلكش ( دة ازا افترضنا انها لسة مجتش )..

عموما انا رديت عليها عندي باهدائها الحل و لذا عزيزتي طهقانة برجاء زيارت موقعي حيث ستجدي الحل في موضوع مخصوص ليكي

تحياتي و بجد يا طهقان برنا يستر عليك اليومين دول
نصيحة شيل الهباب دة من البيت يا ماتقعدش علية قدامها لمدة شهرين دة اذا عشتهم سليم تعرف صوابعك تلاعب الست نهي اسف اقصد الكي بورد

david santos said...

Thanks a lot, friend! My life is to exceed the barriers of the languages and to fight against the lie of the outlaws who make the wars, Bush & Cª

Ahmed Elmasry said...

ههههههههههههههههههههههههههههههههه الي يتجوز و يفكر يتجوز تاني تبقي جدتتة منحسه حد يدخل السجن تاني؟؟؟؟
فكك يا طهقان

Anonymous said...

هههههههه
والله مش عارفه اقوللك ايه
ليكى حق تطهقى طبعا
ههههههههههههه
انا بس جايه اهدى النفوس
:))))))
سلامى يا جميل

محمد العدوي said...

هههههههههههه .

وربنا انتو جوز ( هند ) على كركديه ( البديل بتاع الشربات ) ..

العوافي ( دي البديل الشعبي أيضا بتاعة اوروفوار )

bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
MAKSOFA said...

دا جوزك ده مسلي ياشيخه خليك ايزي

Anonymous said...

عذرا لعدم تعليقي مقدما ارجو التضامن معي لعدم سب المصريين

Esmeralda said...

يا لهوى!!!!
هى حصلت كمان

مفيش فايده برضه فاهمين انهم فاقسين الفوله و هما اللى جابوا الديب من ديله و برضه بيقعوا

و لا تقهرى نفسك

خدى بالك من الماسنجر بتاعه

الاسطى said...

أول زيارة ليا للبلوج بتاعك .. و غن شاء الله مش هاتكون الأخيرة .. و الله البلوج بتاعك جميل أوى و شدنى من اول موضوع
و كمان أسلوبك فى الكتابة عجبنى و ضحكنى مووووووووت و الله العظيم .. تسلم إيدك

khaled said...

يارب يرزقنى بوحده زيك كده تاخد المواضيع دى ببساطه
علشان الحوارات الى من دى هتحصل كتيير


ما قولتلك كل الرجاله خاينين ماعدا ابى
واقولها مجامله له

البتاع said...

والنبى يااوختى يامآمنة للرجال

هما يااوختى الرجالة كده
بس برضه الراجل قال انه كان بيهزر ورجع قال تانى انه كان بيخطب لصاحبه اللى فاته القطر من زمان

يعنى برضه ياطهقانة
الطهقان ممكن يكون مظلوم

فوتيله المرة دى
والمرة الجاية
اتنصحى شوية
متقعيش من اول يومين
ومتضربيش بوز وتحرقى الليلة
البديلو فى الدرة
وابقى عدى عليا اقولك ازاى

انا بهدى النفوس واللهىىىىى :-)
العواف بقة

bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
bastokka طهقانة said...
This comment has been removed by the author.
gohayna said...

ياستي غيري البس وورد

بصي كسري الجهاز واخلصي

دول مينفعش معاهم غير كدا

احنا كمان ناقصين النت والايميل

مش كفايه الشات الي في التلفزيون

الله يكون في عونك

بس والله انتي بجد تحفه ودمك زي العسل

ربنا يهنيكي يارب

تحياتي

Rosa said...

لا تطهقي و تولوعي كمان
ياعيني با بستوكة ,مش عارفه اقلك ايه
بس يعني هو طهقان طلع محترم اهو واعنده دم ومابعتش الرسالة ,عارفه لو كان باعتها ..... ماكنتيش هاتعملي حاجة برده عشان بتحبيه
واهو كله تسالي ههههههه تفاريح ههههههه هزار ههههههه

bastokka طهقانة said...
This comment has been removed by the author.
bastokka طهقانة said...
This comment has been removed by the author.
أيامنا الحلوة said...

طهقانة .. الله يكون في عونك من طهقان يابنتي انتي ليكي الجنة الرجالة دول مفيش فايدة فيهم مهما تعمليلهم..
بس انتو الاثنين ثنائي مرح بجد ياتري عيالكم زيكم كده بكره نلاقيهم عملين بلوجر وفضحينكم انتو الاثنين من العمايل اللي بتعملوها فيهم هههههه

تحياتي

عين ضيقة said...

لأ تطهقى

أنا بقول تولعى فيه وتريحى نفسك


ولا أقولك
ربنا يهديهولك

سلام

حازم..بس مش دايما بكون مع نفسي حازم...بس الاكيد ان ضميري هو اللي دايما معايا حازم said...

ايه المشكله لما يبص بره
الشرع بيقول مثني وثلاث ورباع
يعني لسه قدامه 3 غيرك هههههههههههههههه
بس بجد انت دمك خفيف موت وموتيني م الضحك
ابقي فتشي في الموبايل بتاعه اكيد هتلاقي بلاوي

بس ليه سؤال هو انتوا مقضيين كل عيشيتكوا كه ؟؟؟

الربان said...

تحياتي

أسلوبك في السرد جميل و يشد...و أيضا الموضوع ... ممكن اي حد فعلا يكون صاحب هذا الموضوع ..أقصد انه مشترك في موقع زواج...

لكن حقيقي برغم إستمتاعي بكتاباتك إلا انني بخاف من الساطور... السلاح شاطر..كما يقال في الامثال..

تحياتي

صاحب الشباك said...

كان لازم تسيبيلوا رساله في درافت الميل

ههههههههههههههههههه

بس بجد تجننوا انتوا الاتنين

وشكرا

SomeOne said...

الله

حلو قوي مسلسل توم وجيري ده
:)

Esmeralda said...

لأ يا حبيبتشى مش للدرجه ديه
و مين يصرف عالعيال و يدفع اشتراك النادى

روقى كده امال

العقل مطلوب

جتهم الهم منقدرش نستغنى عنهم برضه

حصان بري said...

ههههههههههههه
ضيعتي علي نفسك فرصه تعلقيه فيها
كان هيبقي في ايدك ايميل الادانه
مع انه شكله فعلا كان داخل يتفرج علي العاهات اللي في المواقع دي
وهو يعني لما يعوز يلعب بديله هيدور في المواقع؟

بوست جااامد ويفطس من الضحك
وطريقه حديثه للخناقات الزوجيه
اهو تطلعوا غلكوا في بعض علي النت بدل ماتتخانقوا قدام الاولاد
تحياتي يا بستوكه

SaSo said...

بصى خليكى مصحصحه كده على طول
وانا اعتقد انه من كتر الفضايح اللى حضرتك فضحاهالو ع النت كده,هيتوب
وهدديع التصعيد اعلان الاحكام العرفيه,الشبش ابو ورده,اسلحه الدمار الشامل,لازمن لازمن تبقى مرعبه
اتصرفى لازم تاخدى خطوه فعاله
بعيد عن طوطو بقى الميوزك بتاعت الاغنيه اللى ف الصفحه جايباهى منين

SaSo said...

اه على فكره انا لسه جايه من عنده,اعملى زى ماقولتلك
بلغى عنه الحلاق ده وهو هيقوملك بالواجب لما يعرف ان هو طهقان طلع هو هو,يعنى لما يعرف انه طلع هو هو,سيبك انا عارفه انك فاهمانى:))

ماما عبير said...

ههههههههههههه

كويس ان اعترف ان لعب عيال

بس خلى بالك الرجالة مش سهلة

ههههههههه

أشرف حمدي said...

بصوا بقى
انتوا لازم تعملوا كتاب
آه والله بجد وحيكسر الدنيا
بس لازم أنا ارسمله الغلاف
تحياتي بجد للتدوينة الرائعة دي
بصراحة طهقان بيصعب عليا
الحمد لله مراتي مش بتدعبس ورايا

علاء عارفين said...

البوست بجد تحفه

انا مش قادر ابطل ضحك

بس مادام انتي يا طهقانه عندك ميول

للتكسير والتقطيع والتكييس يبقى له حق الراجل يدور على واحده غيداء فيحاء فرعاء . ... الخ

reri said...

هههههههههههههههههههه
ما تطهقيش ولا حاجه
ده بيتسلي هههههههه.. تفاريح ..ههههههههههه... بيهزر ..هههههههههه
والله إنتوا عسل إنتوا الإتنين .. بس كنتي كملي اللعبه يا نهي

سلاماااااااااااات

LOJAIN said...

الحقى يا طاطااااااا؟؟؟
بيقولوله دور على الغيداء الفيحاء
جنس نمرود لازم يندفن فى البيداء " الصحرا يعنى " من غير ولا شربة ماء
عشان يبقوا يخلوا الفيحاء تنفهم؟
بيتهيالى نجيب اكياس زيادة للمؤيدين
ولا الصقور الجحراء اللى فى البيداء هتقوم بالازم بلاش تكاليف زيادة :))

جوزك بيقولى خليها تنفعك؟
اوعى تقصرى رقبتى معاه

Regards:
Lojain :)

كلبوزة لكن سمباتيك said...

يا بنتي اللي زي ده عنده ميل فطري للعط
انا لو منك اسيبه يعط زي ما هو عايز و لو لقى اي واحده تستحمل طهقانه ابقى قابليني

ابقى علقي له جرس في رقبته علشان لما يتحرك في الشقة تحسي بيه

تحياتشي

سندباد said...

ايه ياجماعة الهجوم وعاصفة الصحراء اللي حصلت علي الرجالة في البوست ده انتوا ماصدقتوا

الوردة السوداء said...

ههههههههههه
المشكلة انك بتحكى الكلام بشكل كدة
كوميدى
مع انه مش كوميدى خالص

sara said...

انا لقيت بردو اعلان في الميل بتاع جوزي من الموقع دا .. بس افترضت حسن النيه ... بس لقيته بعدها غير الباس وورد . وبيقولي عشان الجهاز اتهاك ...تفتكرى صدفه ؟؟؟

عموما سيتم البحث والدعبسه خلف الموضوع لحد مانجيب قراره

وسنوافيكي علي جبهة القتال باخر الاخبار

سكينة said...

لا طبعا متطهقيش يا عزيزتي
لكن ممكن تطقهيه حبة زيادة أي نعم مجهود زيادة عليك لكن معلش استحملي أكل العيش مر
:)
افتكري الناس المغرمين بيكونوا حنين بيخافوا عالشعور وومكن ينوبك والعيال حبة من روقان الغرام
يحلم بس لكن لو عك الساطور أهو كده كده في إيدينا جايز نحتاجه في ساعة
:)

bastokka طهقانة said...
This comment has been removed by the author.
أميرة said...

هههههههههههههههههههه

وحشتونى يااحلى طقهانين

ووحشنى خفة دمكوا اللى زى العسل

بس ماتحطيش فى يابستوكة

وماتاخديش الحاجات دى جد كدة

دى تسالى هههههههه تفاريح ههههههههه هزارهههههههههههههه

:))))

Unknown said...

تطهقي ياختي تطهقي
الله يكون في عونك وتعرفي تحافظي علي عقلك ربنا يهديهولك
بس دمك شرباااات شرباااات

koukawy said...

هههههههههههههههههههههههه
جوه و بره فرشتلك و انت مايل و ايه يعدلك
ههههههههههههههه

koukawy said...

هههههههههههههههههههههههه
جوه و بره فرشتلك و انت مايل و ايه يعدلك
ههههههههههههههه

Fantasia said...

very realistic episode in the life of a married couple. nice post.

sosoooo said...

معلش بقي استحملي جوزك ده ،، نصيبك كده هتعملي ايه ،،علشان الاولاد،، برده كل مره تأفشيه وهوه عامل فيها عم الحريص بس علي مين يا قمر ،، ده انتيحتي اسمك لوحد يفرفش

Anonymous said...

الله يكرمك يا أخت طهقانة طالما الموقع ده هزار هههههه وتفاريح هههههه وكده ههههههه تديهولنا هههههه عشان ههههههه نزقطط ههههه إحنا كومان هع هع هع



قال تفاريحي قال

مين ده؟

Matra7na said...

Hii everyone, this is Farah, a student doing a research about Blogging, momken please tes3dooni w te7elo l survey da???, I would be more than thankful


http://freeonlinesurveys.com/rendersurvey.asp?sid=3my3gf38kl7dwn4514955

I don't need your names or identities, they are totally anonymous

Thank you very much for your help

موقع زواج said...

ههههههههههههههههههههههههه