ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

رحلة البحث عن..فانلة



اوه ماي جاد..انا اتبهدلت اليومين اللي فاتوا دول بهدلة . حبة على لسان ميمي الحلاق و حبة على ايدين الباشمهندش طهقان ،بس الصراحة بعد اي بوست بيضرب فيه النار عليا ..بشده و اعلقه ..فبيضطر يصالحني بهدية محترمة و دي فايدة التسييح اللي بنعمله على بلوجرز
و بعد ما قال فيا بوقين حمضانين البوست اللي فات،هبشت منه مبلغ محترم نزلت اشتريت بيه هدوم للسمر و كل سنة و انتم طيبين و ربنا ما يقطعش لكم بيريود
و طلبت منه انه يفرز الهدوم بتاعته اللي في الدولاب و يطلع القديم اللي صغر عليه علشان بعد ما جبتله شوية تيشرتات بجليتر و استراس الدولاب بقى زحمة و قرب يطلع لسانه من الخنقة.0

استنيت يوم و اتنين و هو مطنش و مكسل يقيس و يفرز!! قلت يا بت مبدهاش افرزي انتي
بس.. و عنها و طلعت نص الدولاب .. اكتشفت ان في قمصان من ايام الاحتلال البريطاني على بيت ابويا- اقصد من ايام الخطوبة- و تيشرتات قديمة تقريبا من ايام ما كان في ثانوي و بنطلونات ركبتها عامله اير كوندشن و فتحات تهوية و بلاوي فوقنية و تحتنية و ربنا امر بالستر و مهما كان ده جوزي و انا فضح و غطى عليه

المهم..لميت اللي طلع كله و حطيته في تلات اكياس و نزلت اديت السايس –بتاع الباركينج- كيس و ابن البواب كيس و الكيس التالت شيلته في شنطة العربية علشان ابقى اديه لبواب عمارة ماما- كان مواصيني على فوط للكليننينج-.

و طلعت البيت حامل في الوديع و لا كاني عاملة حاجة،ما انا هدفي حسين اقصد نبيل و كل همي اوضب له الدولاب و في نفس الوقت اللي مينفعناش ينفع غيرنا و ربنا يجعل بيوت المحسنين عمار.0
جه سي طوطو اتغدى و نام و صحي فتح الدولاب
ان.. ان …اه - موسيقى تصويرية- ديج
طهقان:ايه ده... فين الهدوم؟
انا: هدوم اية يا حبي!!!-ببراءة منقطعة النظير- ده انا رتبت لك الدولاب.
طهقان:فانلاتي ...بنطلوناتي... قمصاني...وديتيهم فين؟؟؟
انا: بضحك يمكن يفك-ايه ده يا طوطو انت مالك زي ما تكون فتحت مغارة علي بابا كده و ناقص تقول ياقوت.. مرجان.. سوليتير.. ثانكس جود
طهقان :فين البنطلون المقطوع من ركبته- متقلش كده يا حبي انا قلت اير كوندشن بلاش فضايح- ده انا شايله علشان بيفكرني بيوم ما اصطدت سمكة كبيرة في شرم... و فين القميص اللي كنت لابسه يوم ما جيت اخبطك-اقصد اخطبك- وفين؟؟ و فين؟؟؟0
و قعد يعد في شوية هلاهيل من ايام الهكسوس تقولوش عامل الدولاب البوم طوابع و بيشيل فيه ذكرياته المنصرمة

كل ده و انا راسمة براءة الاطفال على ماي ايز وقاعدة قطة و ديعة و لا كاني عامله مصيبة
و بعدين لقيته سخن و احمر و وشه جاب سوائل و قال بنبرة مريحتنيش خالص البته: طهقانة....فين الفانلة المقلمة بالعرض اللي فيها بقعة كلور على كتفها....
انا: و دي عايزها ليه دي كمان دي بايظة
هو:دي بالذات ليها ذكريات لا يمكن استغنى عنها ...شوفي..كل اللي فات كوم و الفانلة دي كوم تاني
انا: اسمها تيشرت يا نور عيني
هو: متجننينيش …تيشرت.. فانلة… قرد ازرق.. انا عايزها ..تقبي و تغطسي و تطلعيها.0

بس يا اخوانا و عنها و راح لابس و نازل و هابد الباب وراه و سابني انا لنارالحيرة- بريئة مش كده؟-طيب اعمل اية و اسوي اية اند وات اي كان دو


معقول بعد ما اديت السايس جفت اقوله بليز هاتها تاني!!!0
و لا بعد ما ابن البواب راح خيط الفاتحة اللي في البنطلون اقوله افتحها تاني عايزين نركب فيها دش!!!0

اه صحيح… ده الكيس التالت لسة في شنطة العربية يا رب تكون فيه...نزلت نطيت في شنطة العربية و قعدت ادور في الكيس ملقتش التيشيرت اللي عليها الكلور..اقصد اللي عليها العين.0

تيب و بعدين...رحت للبواب و انا فيري ساد و قلتله بمنتهى الئلاطة:بقولك اية في تيشرت في الكيس اللي ادتهولك جت غلط فيها علامة سنييه على كتفها ملقتهاش في الكيس اللي ادتهولك؟؟؟0
هو: لا ابدا يا هانم ده مفيش غير القميص الدايب و البنطلون المنحول و ال....0
انا: بسسسس ...خلاص يبقى راحت في كيس تاني ..اوروفوار
*****

و مشيت و انا طهقانة يعني لازم التيشيرت الممسوحة دي يعني يا سي طوطو

بس كده مفيش غير كيس السايس رحت لقيته نايم.. صحيته و قلتله نفس اللي قلته للبواب قالي: و الله ما عارف يا ست هانم هو كان في شوية فللات بايظة عملتهم خرق لتلميع العربيات و بعد ما لمعت بيهم غسلتهم و نشرتهم في المنور
نطيت في المنور لقيت التيشرت -ام بقعة كلور على كتفها- منشورة في الوسط بس الصراحة بقت فيري فيري بيئة بعد ما اتلمع بيها الكارات

قلتله:تيب يا عم السايس دي جت غلط اسمحلى اخدها- من غير ما يرد- اوروفوار

و اخدتها و يا فكيك على فوق...اغسلها انها تنضف... ابدا
اسشورها انها تنشف... نيفر
اكويها ان لونها يرجع…ان يا باه

بس.. و رجع طهقان النان كونان و شاف التي شيرت – هي صراحة في حالتها دي بقت فاللة- و قعد حيعيط جنبها
قالي بصوت حزين منكسر: عملتي فيها اية؟؟ -
!واخدها في حضنه.. تقولوش حد من عياله
انا: فيري سوري يا طوطو ات واز اميستيك
طهقان: حرام عليكي دي كانت اول تيشرت اجيبها من اول مرتب ليا
انا:خلاص يا طوطو نو بروبليم اشتريلك واحدة تانية
طوطو: اعمل فيكي اية بسسسسسسسس
و من ساعتها و انا شامة ريحة شياط و طوطو مطلع دخان اصفر من ودانه -باين زيت الفرامل سرب على الدبرياج و محتاج عمرة متور- و ناكش شعره
و اللي طالع عليه::: يجوا البلوجرز يشوفوا و قال بيسألوا بطهق من اية؟!0






******
بجد يا جماعة بزمتكم دي حاجة تطهق؟؟؟؟
اوفكورس نوت... و لا اية؟


امضاء طهقانة


87 comments:

Summer said...

Could this be for real?? I am the first one to post a comment??? lucky me!!
I like the highlited names!
funny as usual...actually your posts are getting funnier!
Have a great day.

الحلم العربي said...

بجد انتى عسل مووت
بقى عملتى كل ده و مش حاسة انك عملتى فيه حاجة...
هو غريب انه يحتفظ بحاجات زي دي من غير ما يقولك ...يعني في رأيي ان مفيش أسرار بين الأزواج ..كان لازم يشركك في ذكرياته الجميلة دي
و انتى كمان لازم تاخدي بالك ...واضح ان طهقان من هواة الحنين إلى الماضي ...
و كويس بردو انه محتفظ بالقميص اللى لبسه أول ما جه يخطبك ده معناه انه مش طهقان أوي
ربنا يهدي سركوا و ما ينسيكوش ذكرى حلوة أبدا
سلام يا أختى يا طهقانة

حازم..بس مش دايما بكون مع نفسي حازم...بس الاكيد ان ضميري هو اللي دايما معايا حازم said...

انت مالكيش حل
بس طوطو طلع طيب اوي وكان لازم رد فعله يبقي اعنف من كده (انا جاي اهدي النفوس)بس انا لو في قلم اتشال من مكتبي انا ممكن اولع في البيت
مش تيشيرت له ذكريات معايا انا كنت خنقت اللي عملها
ماتسكتش يا طوطو والله يكون في عونك
وربنا يصبرك ع اللي انت فيه
فعلا من حقك انك تطهق
وصدقني هدعيلك

صاحب البوابــة said...

من حق كل اسان ان يكون له ركن مظلم في حياته يحتفظ فيه بالذكريات

ومن حقه الا يقترب احد من هذا الركن المظلم الا بإذنه

عفواً اختي الغالية

فأنا هذه المرة مع زوجك :)

تحياتي لقلمك المبدع دائماً

Amr Ahmed said...

ارحمي بقي شوية

يا طهقانة
مش كده

الراجل كده ممكن يتصرف تصرف مش لطيف

خف تعوم

أشرف حمدي said...

لأ بصراحة أنا المرادي مع طهقان
معلش سوري
أنا مراتي عملتها معايا في شهر العسل كنت حسيب لها البيت
خاصة لما عرفت ان البادي البني بتاعي راح في الوبا مع بقية الهدوم
كنت بعتز بيه جدا وليه معايا ذكريات رهيبة
والمدام بتقول عليه ان ريحته وحشة وخامته زبالة ومش عارف ايه
طبعا الهدوم راحت للزبال وماكنش ينفع نرجعها
حرام عليكم اللي بتعملوه فينا
وفي ذكرياتنا الجميلة
حسبنا الله ونعم الوكيييييييييل

عموما انا عامل تدوينة جديدة ياريت تشرفيني بالتعليق عليها
تحياتي

Ahmed AL-Hussany said...

طب ليه كده بس
ياعيني على الهدوم والذكريات
لا ملكيش حق
طب دا انا مراتي بقالها سنتين بتحاول معايا في الموضوع ده وانا على كلمة واحدة بس لا يعني لا
احيانا بفوتلها حاجة او اتنين بس مش اكتر
دا كده حرام الراجل ذنبوا ايه هو كان قال حاجة
دا احنا غلابه

يا مراكبي said...

لأ بقى .. كله إلا الفاللات .. آي كان أكسيبت أي حاجة إلا موضوع الفاللات ده .. وخصوصا الفاللات الداخلية اللي بتبقى مقورة وطلعان عينها .. كلها ذكريات

وعزائي لأخويا طهقان على الفاللة الفقيدة

Mohamed A. Ghaffar said...

انا شفت الفلم ده قبل كده فين مش فاكر

ناقص بس حته تطبيق تاخدوهم بالسوط ليغلبوكوا النسخه الى شفتها كان فيه كده

وهو انك تتهميه ان حب قديم او جديد هى اللى وقعت الكلور على التى شيرت او هى اللى جابت التى شيرت نفسه والبقعه أوالتى شيرت اللى باق من زكراها فعشان كده هيموت عليه ونهايه الفلم هتكون لقطه كلوس على طهقان وهو بيقطع التى شيرت بأديه ولقطه اوفر فيو مع التترات بيطبطب ويدلع

انا مش عارف ايه كيف الستات فى العمايل دى الصراحه ومبدأ انسف حمامك القديم اللى احياناً واوكد احياناً بتضيع فى سبيله اشياء فى منتهى الأهميه ، سؤال بجد مش تهريج

وتعليق على السريع للأخ صاحب البوابه
انت اكيد متجوزتش يا ابو ركن مظلم

سجدة said...

خدى بالك من زوجك شوية يا أختى مش كده وبعدين فداه رحلة البحث عن فانلة وأيه يعنى ربنا يخليكى ليه يارب

yasser_auf said...

تخيلي هو الي عمل كدة في دولابك و هدومك !!! كنتي حتعملي فية اية بقي ؟؟
طبعا المرة دي لية حق انة يكون زعلان بجد
موش علشان فتحتي الدولاب و طلعتي الهدوم لا و لاكن علشان طلعتيها زكة من غير ما يشوفها طبعا بغض النظر عن ان كان فيهم بدلة او جينز مقطوع او تي شيرت عليها كلور طبعا من الواضح انها اول هدية من اول موزة ما قبل حادث جوازة و ان الكلور كان من اخر موزة قبل حادث جوازة برضة و الاركونديشن الي في الجينز دة من اثر ركوعة علي ركبة في التوسل للموزة الي كانت معاه في الشغل يجي كدة من 15 سنة قبل ما يعرفك اصلا انها تصالحة الي اخرة ...الخ الخ

الا انها برضة ميصحش تطلعي الحاجات من غير ما يقولك

ياتري حتعملي اية لو جابلك هدية فستان سوارية من عند اختي هاني البحيري بصح الباقي و مالقاش حتة يعلقهولك في الدولاب لانة و الحمد الله مليان علي اخرة و الراجل عاوز يعملك مفاجئة فقام اية مطلع مستان الفرح بتاعك و مشحتة و حاتط الفستان الجديد مكانة

ياتري كنتي حتعملي فية اية ؟؟؟

يالا اكتر من كدة و بيزيح ربنا يا عم طهقان و ربنا يستر عليك في الحقنتين تلاتة الي عتطهملك دلوقتي
وربنا يستر عليك و ماطالبكش بالفستان من عند اختي مدام هاني البحيري و تقولك صاحبك الي قال

تحياتي و سلامي

Esmeralda said...

يستاهل انتى حاتتحيلى عليه مانتى قولتى له كذا مرة مش احسن ما تلم فران و لا كتاكيت

رجاله غاويه كركبه

ماهم لا بينضفوا و لا ينفضوا

و بعدين ماخلتيش شويه تلمعى بيهم ليه خسارة

صاحب البوابــة said...

العزيزة طهقانة

مررت لكِ تاج

إذهبي لتستلميه من مدونتي


:)

تحياتي أختي الغالية

كراكيب عادل said...

لازم يكون معاكي في اثناء التصفية الي عملتيها دي انتي وممكن نعمل الاتنين ترتيب الدولاب الي شاغل بالك ويحتفظ بذكرياتة في شنطة منفصلة تتحط في اي مكان لو كان من الناس الي بيحبوا الذكريات دة حتي محتفظ باول حاجة راح خطبك بيها بصراحة بصراحة بيحبك

يالا خير باقي الملابس برضو هيبقي ليهم ذكريات كل يوم بيعدي ذكري مش كدة ؟؟

بس كلة كوم وموضوع ابن البواب والسايس والمنور كوم تاني ههههههه

تنطي في المنور يا مفترية

Desert cat said...

يعنى جزائك يا طهقانه انك نضفتى الدولاب اللى من ايام الهكسوس ده
تلاقيه دلوقتى بيندم انه فكر يديلك فلوس تشترى حاجات جديده

sara said...

ايه ده الراجل ده تعبك اوى
ازاى يخليكى تتشحططتى كده فى التدوير على االفلله ده حتى حراام هئ هئ هئ
معلش يا اوختشي بجد زعلتينى عليكي

سكينة said...

أنت عارفة ميهونش عليا أقول على أي ست أنها غلطانة لكن ام فري سوري دير ذس تايم
أنت كنت فعلا غلطانة
دولاب أي شخص جزء من شخصيته وخصوصيته أما فتشتي الإنبوكس النوبة اللي فاتت كان من حقك لكن توزعي ذكرياته
على نن عيني اقول إن راجل صعبان عليا
لمي الدور بسرعة واخفي الساطور اليومين دول وركزي في التسييح بأعلى درجاته دي كانت عملة سودا يوم ما طيرتي فانلته
طهقان
متزعلش دي بتجيب عث للحاجة الشيك اللي انت دافع دم قلبك بعد الاربعين سنة عشان تتقمع بيها والذكريات مكانها يا عزيزي قلبك وحتة من دماغك مش الدولاب

Anima said...

عنجليزي ده يا مرسي؟

يا بنتي شوية شوية علينا ده احنا تعليمنا فرنساوي، يعني ما بنفهمش كثير في العنجليزي هههههههههههههه


و كمان ايه الراجل البيئة اللي انت متجوزاه، ده بخيل حتى فب الهدوم القديمة

و كمان يحمد ربنا مراته حبيبته اشترتلو تيشرتات جاته نيلة

واد يا طهقان ما تعيطش تعيش و تاخد غيرها هههههههههههههه

بعدك على بالى said...

فكرتينى بفاتن حمامه فى الخيط الرفيع اما بعتت لمحمود ياسين هدومه مقطعه قطاطيع فى شنطة على مكتبه...
اعتقد طفش وسابها ودى كانت نهاية فرقة طهقان وطهقانه، اقصد الخيط الرفيع المسرحية...
شكلك حتتقطعى .. انا بقول تروحى يومين لدادى و بلاش مامى تظهر فى الصورة اصلا لانه اساسا مش طايقها..
او أقولك ابعتيله هيفا تبوس له الواوا يمكن ينسى ويصالحك...

اتوتالير... كومون سافا... بياه (احنا برضه لغات)

تحياتى

Shower-Mirror said...

اه يا جهله .....يا بيئه ياللى مابتيفهموش فى الميموريز


الراجل فى منتهى الشاعريه و حابب يحتفظ بأول فالنه جابها من هيز فيرست سالرى

تقومى تديها للسايس ؟؟؟

ها ؟

قصدك ايه يعنى ؟؟؟ بتحبى السايس اكتر من يور هاسبند ؟


شيم اون يو

shayma said...

لا جامده اهى دى حركه طلعت من نافوخوه
طبعا شربات كالعاده
برضه الرجاله دى عليها حاجات غريبه
يعنى منضفش يعنى .. وبعدين يعنى هيا الهلاهيل دى هى الى هتفكره بالذى مضى
ولا يهمك منه.. بكره اول مايلبس تيشرت من الجداد اعمليله حدث يفتكرها بيه وتبقى عوضتيهاله
بس خليه حدث جامد من الى هو
:)))))))))))))
سلامى ليكى

sokoothansawat said...

طهقانة...بصراحة انتي ليكي الجنة...تيشرت ايه الي راح يخطبك بيه...هي كراكيب عالفاضي...مانتي شخصيا قاعدة فخلقتة طول النهار...الا ما بيبصلك حتى...رايح يبص في التيشرت...شوفي ياختي...طالما جبتيلة توشورت بجليتر...يبقى بردون بقى مالوش عندك حاجة..اكتر من كده يبقى افترى..اورفوار يا حبيبتي...

nirfana said...

ههههههههههههههههه

على راي Shower-Mirror

شيم اون يو


بوست يجنن
وربنا يصبر زوجك ان شاء الله



:)

Rivendell** said...

اوف كورس نوت هاني

ههههههههههههههه


يا ظالمة يا مفترية لا لحد كدا وانت عليكي العيب طب كونتي سيبيله بقعة الكلور في حالها



ههههههههههههه

Epitaph said...

I side with Tah2an

I could have killed you if you did such a thing :D lol

hardluck Tah2ana! :D

reri said...

ههههههههههههههههههه
التيشيرت بعد ما تمسح بيه الكارات قصدي العربيات لسه عايزه ؟؟؟
دي حاجه تطهق فعلا
بوست تحفه

سلاماااااااااااااات

khaled said...

بصى يا طهقانه
بجد انتى غلطانه
الواحد بيبقى ساعات عايز يحتفظ
بذكريات معينه
انا نفسى عندى شورت وفنله بتوع بابا والله ماما بتعد تزعقلى لما بلبسهم بس انا بحبهم جدا
احسن من هدوم تانيه
هتوسطلك عند طهقان عسى وعل انه
يسامحك على الجريمه

توتة توتة said...

اوفكوس نوت يا حبيبتي

BaTresYa said...

عندي ليكي فكرة عبقرية ...هاتيلة تيشرت واعملي فيها بقعة كلور ...بسيطة مش كدا ..بجد قلبي معاكي لوول

sendbad said...

شوفي ياستي انا معاكي ان الاحتفاظ باشياء مش بنستعملها قمة الانانية في ناس كتير محتاجة اي حاجة وتفرحها اقل حاجة بس معلش كان لازم يشاركك عارفة ياعزيزتي المشاركة بين الطرفين في اي حاجة بتفرق اوي كان لازم تروحيله وانتي متبرفنة وتقولي بليس ماي هارت ولا ماي ايز تعالي ساعدني مبعرفش اعمل حاجة من غيرك واحنا ما بنصدق ، ما علينا
بوست عسول وانتي عسولة اوي

R.R said...

هههههههه
لا هنا بقى هقف وقفه حياديه دون التعصب لاى طرف
نساءى
انا لو مكانه هفرقع اصل الحركه دى ماما دايما تعملها من غير متقلنا
فى حاجات بتبقى فعلا عزيزه على الواحد
معلش يا طهقان
اخر مره طهقانه تعمل كده
بس تعرفى انتى جامده جدا انك قدرتى تقولى للسايس عليها
يلا سلامات وعلى فكره انا مررتلك تاج وطبعا مش اجبارى
سلاموتا

عاشقة الوطن said...

السلام عليكم

ازيك ياطهقانة

بس ملكش حق تطهق ياطهقان
انا قلتلك بلاش طهقان وخليك فى الطآآن

بس حركة حلوة ياطهقانة
هما الرجالة بيحبوا يكنزوا مش طهقان لوحده
بس برضه ياشيخة كنتى تاخدى راى الرجل مش تاخديه كده على مشمه وتوزعى حاجته على الناس

بلوج تحفة
ربنا يزود بوستاتك يارب

تحياتى ياجميل

رينـــــــــــا said...

هو اللى جــــــــــــابه لنفسه
ميه سنه تتحايل ظبط دولابك وهو ولا هنا
بستوكتى برافو عليكى
علشان بعد كدا يسمع الكلام :D:D:D
خليه بئا قاعد يغنى ظلموه

LOJAIN said...

ههههههههههههه
يخرب عقلك يا شيخة
حولتى ذكرياته لاشلاء
بس انا مش معاكى قوى فى الحركة دى , اصل ماما كانت بتعمل فيا المقلب ده وانا صغيرة
الاقى ولاد خالتى لابسين هدومى
وولاد خلانى بيلعبوا بلعبى , ومين مشعارفة لابس جزمتى ... كده يعنى
انا عن نفسى محتفظة بملاحة مكسورة و الله و قزازها المكسر مع بعضه وملفوفة لفة هدية, ساعات ورقة شجر , ساعات وردة

قيمه الحاجة فى انها دخلت حياتك ازاى
بس مش لدرجة ان حياتى كلها اجيب من الذكريات و اعبى يعنى
ده حته تبقى مأوى للعتة يا شيخة ولا حد بينضف ولا حد بيعمل
وكله فى وشك بقى طبعا , انتى مش مهتميه بجوزك انتى سايباه يلبس ايه
بصى المهم النيه خير و انتى كنتى بتعملى كده تفاريح ههههههه اهتمام ههههه نضافةهههههههه زى ماعملك المرة اللى فاتت

Regards:
Lojain :)

fad-fadat nour said...

عزيزتي الحامل في الوديع دائما

اذا كان للتي شيرتس مموريز عنده فأنت و بكل براءة لما اديتييها للسايس بالتأكيد احييتي الذكريات دي

يعني بالذمة طهقان مش حاينبسط لما يشوف ذكرياته بتجري قدامه و البواب لابسهم؟

انت كده عملتي فيه معروف كبير ده غير طبعا لما جبتي له التي شيرت ابو جليتر عشان ينوّر في الضلمة

لما حايعرف المعني الكبير من ورا عملتك دي حايقدّر بعد نظرك و حكمتك
.

بس بيني و بينك .. النبي يا غالية ما تعمليها تاني

bentfalestine said...

اه يختي اوفكورس نووت .. دا انتي دمرتي ذكريات عمنا طهقان و مسحتي كل حاجه . ههههه لا احلى اشي القطة البريئه الي مش عامله حاجة فكرتيني بماما و هي بتربت بملابس الحج ساعه تقوله ده القميص الي لبسته بفرح فلان الفلاني و اهو رح يجوز ابنه ,,و البنطلون ده شريته لما سافرت كندا قبل 25 سنة و وووو لحد ما يطهق و يقولها خلاص اعملي الي انتي عاوزة يطلع .. بس انتي ناصحه و اشطر من ماما تصرفتي بدون استشاره هههه و خدي بالك ممكن طهقان ينتقم من دولابك فدربسي الدولاب كويس و ربنا يعوض ع طهقان
دمتم بسعاده و سلام

BackBone said...

نهارك بلاك زي لون اسفلت الدايري

حد يعمل اللي عملتيه ده


والله فعلاً انا اذا كان اتعملي معايا كده مكنت بيتك في البيت اصلاً

ده اهم حاجه في الدنيا الذكريات

ده انا عامل درفه في الدولاب علشان الذكريات

و بعدين اذاي تتصرفي من نفسك كده و توزعيهم, طب كنتي لميهم بس لغايه ميجي و يقولك رأيوه


بجد طهقان ده ليه الجنه

دانا عقلي شااااااااااااااااط و انا بقراء اللي انتي بتقوليه ده

صحيح ستات ملهاش غير السويس نيف

The Alien said...

بجد كتر خيره
ف حركة زي دي كان ممكن يكون رد الفعل مختلف تماما
أنا مش عارف إزاي طهقان مسك أعصابه
المفروض تفكري ف أي حاجة عشان تصلحي غلطتك والموضوع يعدي

تحياتي

Tamer Nabil said...

معلشى طهفانة انتى غلطانة كل واحد ولية حاجات عزيزة علية المفروض قبل ما تفرطى فيها تسالية عليها

تحياتى

Sampateek said...

احسن يستاهل
بلا كركبة يا شيخة


تحياتي

khaled said...

انتوا مالكوش الا بعض
الطهقانة مالهاش الا طهقانته برضه
الامضاء
متغاظ

خمسة فضفضة said...

السلام عليكم ورحمةالله وبركاته

هما كده الرجاله ايدين لهم صوابعناالعشرة مع وبرضوا مش طمران فيهم

بقي لسه شرياله شوية تيشرتات بجليتر و استراس ويقعد يدور علي حتة فاللة معفنه عليها بقعة كورور ....ايه ده دا انت ليكي حق تطهقي يا بنتي

يلا بقي ها نعمل ايه لينا ربنا هو اللي ياخد لنا حقنا

Bash Eng. said...
This comment has been removed by the author.
Bash Eng. said...

مسحنا الكومنت..
عشان أفكاري طلعت مكررة ..

وش لازم تنتقم مفيهاش كلام..

طب اممممممم

احكي لمامتك و عيط لها و قلها انها قطعتهم عند فيكي يا أمي و عاوزة تمسح كل شيء ليكي في حياتي حتى شوية هدوم..و أنا حاولت أمنعها بكل قوتي و هي عملت كده من ورايا..- بكل أسف و الدمعة هتفط من عينك -

<< و حبش الموقف بشوية شطة أغنية الست دي أمي مثلاً..

هههههه

و بس..

و سيب الباقى على الوالدة تيجي تعملها أبو غريب في البيت ;)

<< و هتشوف أيام.............

نياها نياها نياها

متسيبش حقك يا عزيزي المهندس..

و خليك فاكر

"ان من أغبى ما قد يفعله الانسان أن يسامح من لم يقدر حجم جريمته..
وان فعل فعليه من اليوم فصاعدا أن يتحمل كل الحماقات و هو صامت.."

shahy said...

اخيرا عرفت ابعتلك
انا عملت لنفسي بلوج مخصوص علشان خاطرك انا متبعاكي من زماااااااان

westtewest said...

فعلا حاجه تطهق دايما الرجاله بالذات بيحبوا احيانا يحتفظوا بحاجات ملهاش لازمه بالنسبه للستات لكنها بتبقى ذكريات مهمه بالنسبه لهم

BackBone said...

لااااااااا يعني هتبطلي تنشري امال انا هتفرج علي غسيل ميـــــتن


مش عشان شوية ناس معندهمش ضمير و بسروقوا اللي بتنشريه تقومي تبطلي تنشريــــــــــي


بقولك ايه سايق عليكي حبيبك النبي لتنشري, عشان الحجات اللي بتقلوها دي هي اللي مصبراني علي المودام بتاعتي اللي ذي العسل (لحسن تكون شايفانا و اللا حاجه)

R.R said...

هو ايه ده بقى هو كل ما الواحد يتعلق بناس يقولوا احنا هنبطل تدوين
لاء بقى يا طهقانه
مش هينفع كده
وبعدين الناس كلها بتاخد افكار من ناس تانيه
بس مفيش حد بيبقى زى التانى انتى اكيد هتبقى مميزه
يلا بقى بلاش تهريج
متزعليش يا ستى

أميرة ويلز said...

تطهق ؟؟ ابدا ياوختشى

دة انتى بلسم وعمايلك سودة قصدى زى الفل

عامة الموضوع دة بيبقى قراره وكل واحد بيبقى له حاجة عزيزة عليه

بس مايجراش حاجة ياطهقان لما غيرك يستفيد وبعدين لازم تزكى عن عفيتك وخصوصا الهدوم

بس هو اللى يتبرع بايده مش من وراه واخدة 3 اكياس وماشية

3 اكياس يامفترية ليه هو فاتح محل ملابس جاهزة ؟؟

نشاطرك الطهقان

أميرة ويلز said...

طهقانة من الحق صحيح
موضوع النقل دة
الحركات دى ياعزيزتى بتحصل كتير

والكل عارف مدونتك يعنى واتشهرت وخدت صيت والحركات اللى على النت ودة اخد ونسخ وبتاع بتحصل وماتقدريش تحكميها
حتى لو منعتى النسخ من مدونتك اى طرق حماية ليها اختراق وتبطلى تنشرى دة مش حل

ماانتيش اد التدوين ماكنتيش تدونى اصلا
ولا تدخلى عالم النت خليكى فى الكتب بقى خليها تنفعك ابقى شوفى مين هيعلق على الكتاب بتاعك :P

خالص تحياتى

shermen said...

عادي جدا ده حتى تيشرت قديم
مش حكايه يعني
ياشيخه بلاوجع دمغ
صدريله الطرشه
نفضيله هما بيتلككوا
أنا بس بهدي النفوس

عصفور المدينة said...

أتابع مدونتكما منذ فترة وهذه أول مرة اعلق
أستميحكما عذرا فقد كتبت تدوينة عنكما
طهقان وطهقانة هموم تدوينية

Doba said...

صباح الخير

انا مش هعلق على موضوع الدولاب لانها قضية آراء بين كل زوجين .....بس يارب نكون اتعلمنا

انا حقيقى نفسى بس اقولكم بلاش تبطلو كتابة، انتو ناس جميلة قوى وبينضم إليكم مع كل مدونة جديدة مجموعة رائعة من البلوجرز بآراء وتعليقات غنية وجميلة وكلهم برده مدوناتهم اكتر من رائعة

حقيقى أرجوكم بلاش تنقطعو عن الكتابة....شىء يسعدنا -واعتقد إنى بتكلم باسم الكل- هيسعدنا جدا يا بستوكة انك تنزلى كتاب وهكون اول المشترين، لكن متحرموش الناس من كتاباتكم الغنية بالمعلومات المفيدة لكل الشباب.

عارفة ان موضوع سرقة الافكار يمكن يكون شىء مشين لكن الاهمية فى كون كتير من الناس بيستفيدوا من خبراتكم الطائلة

تحياتى لجميع البلوجرز والاتنين اللى زى السكر(طوطو و بستوكة) وفى انتظار البوست الجديد....وإلى لقاء قريب بإذن الله....هبة

الطائر الحزين said...

السلام عليكم
بداية احب ان اعلق على سرقة التدوين
ان من سمو الاخلاق ان يرد الفضل لأهلة ويارب تحتسبى انتشار مجهودكم ليستفيد به كثير من الخلق ايا كانت الوسيلة
ثانيا انا متغاظ من اوكى وا روفوار وابصر ايه اللى مالية بيه الكلام ياريت عربى يا عالم
اما بالنسبة لموضوع الفانلة
طبعا غلطانة بس مش علشان تخلصتى منها
غلطانة علشان سبتيها كل الوقت ده فى الدولاب كان عقلك فين من زمان
تحياتى اول مرة ادخل مدونتكم ياريت تنورونا

Noran said...

هههههه ...هم الرجاله كده ياختى
;)

يعطوا على الفادى ...


بس حق عليكى كونتى جيبتيلوا تيشيرت بدلا الفالنة ده
رايت ؟
;)





كبيرة مدونتكوا ...بيقالى طتير من زمان مقراتش مدونات زى كده
:)

عجبانى

صاحب البوابــة said...

الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

البوست بعنوان

أن تكون أبو الفـتــــــــوح شوشــــة

حملة الإفراج عن شيخ المجـاهدين :

في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...





الروابط :

مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html

مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm

تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1

ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf

جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

Van Gogh said...

حرام عليكى
على قد ما انا متأكد انه سعيد جداً وياكى
على قد ما انا عارف قد ايه هو نفسه يقرقشك بسنانه

هتفضلى وراه لحد ما ينزل بالبيجامة
فى ميدان رمسيس وهو بيقول

منه له
جى رايح
منه له


تحياتى

bocycat said...

عندك حق فى حكاية ان كل الرجالة بيحبوا القديم مش عارفة ليه انا جوزى دولابه مليان بالقديم وكل اما بشوفنى لابسة حاجة يشك انها جديدة يقوللى ايه ده اشتريتيها امتة ..اقوم اضحك واقوله جديد ايه ده بقاله سنتين عندى يضحك اوى واحس انه كدة ارتاح نفسيا .. ياسااااتر .. بس عموما هى الزكريات حتى لو كان عليها كلور ,,, تحياتى

koukawy said...

هي الدنيا ناقصه كراكيب
ارمي يا بنتي كلنا في الهوا سوا
حملة رمي الهدوم دي عندنا كلنا

shermen said...

عندي ليكي تاج يا بسكوتة
تعالي جاوبية

نبيــذ said...

ههههههه لا غلطانة يا بسكوتة

$ سهى $ said...

هههههههههه

كل دة عشان تشريت

باين هلية غالى عندة اوى

ههههههههه

يسلموااا

شــهــروزة said...

بصى يا ستشى
أولا
بالنوسبة لموضوع السرقة
أنا كمان اتسرق منى حاجات كتير
لكن معرفتش اخللى السارق يعترف وينسب للمصدر اللى هو أنا
وحصلت كتيررر معايا ومع مدونين تانيين
ومش فى منتديات بس كمان يا اؤختشى لاااااااااء
دى جرايد ومجلات
وفى النهاية
محدش يعبرنا ويقول انه نقلا عن مدونة بتاع ولا بتاعة
كنا حننجلط فيها
لكن ربنا ستر واتعودنا
=============

بالنوسبة للأخ طهقان فأنا أحب أقوله
البقاء لله فى الفقيدة
وخف شوية عالبونية
مش كفاية بتنضف لك دولابك من الفيران والعتة والجراد والحشرات الطائرة والزاحفة والنائمة؟؟؟؟

حسرة علينا يا نسوان
دايما الحيطة المايلة

تحياتشى

Dawshaaa said...

انا اول مره ادخل على المدونه بتاعتك النهرده بس بجد عجبتني اوي

Dawshaaa said...

مدةنه لزيزه جدا

nirfana said...

كبرى دماغك وارجعى

Doba said...

عندى بوست جديد يهمنى جدا ردكم عليه
هتنورونى طبعا

متنشوس ....عاوزة حقيقى رأيكم وبصراحة

سلامى.........هبة

الشيطان يعظ said...

طيب وفي النهاية لقيتوا الفانلة ولا ضاعت

نقطة مية said...

الحاجات اللي الواحد مرتبط معاها بذكريات بتبقى فراقها صعب...الذكرى الحلوة بتحلي الحاجة مهما كانت

تحياتي

أشرف حمدي said...

انتي فين يا طهقانة
وفين الأستاذ ؟
ياريت تشرفوني في المدونة .. فيه موضوع مسخرة عاوز اعرف رايكم فيه
تحياتي

كراكيب عادل said...

فينك يا طهقانة ؟؟؟؟؟؟؟؟

مختفية لية

Sharm said...

يااااااااه

الواحد مش هيشتري فانلات بعد كده

!!

حقى اهرتل said...

يا ريت الشعر كان يفضل بعيد عنى
وافوت ف الدنيا ع الهامش واكون جنى
ولا منى تقيد النار ولا اقيدها
يا لحن البدء ابعدنى انا منى

darsh said...

يا خدر يا خدر .. يا لهوي يا مستهوي

إيه المشاكل الخرافية دي كلها .. لا بجد بجد صعبتي عليا والله .


انا اساسا أول ما شوفت اسم البلوج بتاعك قلت بس دي طهقانه من الدنيا وعندهامشاكل مالهاش حصر ولا عدد .. وحسيت ان مشكله الشرق الأوسط ممكن تكون اهون من مشكلتك .. بس لما دخلت .. بجد حسيت ان الكمبيوتر بعد شوية هايطلع لي لسانه ويقول لي حرام عليك اللي بتعمله فيا ده ..

وبعدين زمان قالوا كلمه حلوه قوي :

ماتنشروش فاللاتكوا الوسخه قدانم الناس

elhifnawi said...

You made my day !! I'm so happy to inter your blog, you have a nice style of writting. my best wishes to you.

KOKKO said...

انا اول مره اعمل كومنت عندك
بجد دمك زى السكر
ولك الله ده حال كل المتزوجين
تيجى تعملى خير الناس يخدوه على انه شر
بس انت ضيعتيله كل حاجه كان بيعتز بيها...بس فداك
سلاماااااات

sakayar&romio said...

أولا مفيش حد يروح لكوافير اسمه ميمي ... علشان عيييب
ثانيًا محددتيش طهقان مهندس إيه علشان نبدأ نوصف العلاج
ثالثًا من غير ما تشديه ولا تعلقيه هوه كده كده هييجي ويصالحك .. لكن لازم جبروتكم يظهر علشان تحسسونا بالقهر
أما عن موضوع التي شيرت بقى ولا الفانلة ... ففيها إيه يعني الراجل مش غلطان ... ولو كنتي هتزليه بإنه محتفظ بحاجاته القديمة ... فده دليل على إنك لما تقعدي كمان سنتين ... يبدأ يفضي الدولاب من حضرتك .... ههههه بطلع لساني

زحل الفلكي said...

بيني وبينك
انتي عندك حق

غالية عليه ومش بتتلبس
حب لأخيك ما تحب لنفسك يا طهقان

اينعم حيمسح بيها الكارز على رأي طهقانه

بس برضه اهو كله بثوابه
وانتي اللي عملتيه ده كفاءه يا طهقانه ايوه كده خلي الدولاب يخس

copa said...

مع اني ببقي بضحك وانا عمال اشوف الفضايح الجامده دي الا اني ما زلت متائكد انها قصص خياليه و شكلك واحد عاملهم و انا علقت نفس التعليق من فترة كدا يلا بس برضه جامدييييين اوي ههههههههههههه مسخره لو اتعملوا فيلم ولا مسلسل طهقان و طهقان الصراحه مش ينفع انيك تبقي طهقانه انا لو ليا واحده بالطريقة دي تبقي مذكر استحاله تكون انجل اقصد ملاك

TheRiddle said...

بالعكس يا طهقانة هانم انتي المفروض تفتخري ان القصة بتاعتك منتشره فى اكتر من 20 منتدي وده اكبر دليل على ان القصة ناجحة بالتوفيق دايما يا رب وانتظروا اجمد قصة حب على النت الريدل ونبوية فى الجزء التاني ليها

DR_NIGHTWING said...

بيتهيألي . . الواحد ممكن يحتفظ بذكرياته في صوره او فيلم فيديو. . مش تشيشيرت عليه كلور . . بس لكل واحد وجهة نظره و مكانش يصح تعمليهالوا مفاجأه كه

و مش المفروض انه ينبسط لما تقوليله

" ابسط يا حبيبي أنا رميت كل هدومك في الزباله " كان واجب برضه تكلميه تشوفي ايه اللي مستغني عنه

شتاء2007 said...

حبيبتى طهقاته : اعتزالك التدوين عقاب لمحبينك......... و انا وصديقاتى فى الكويت من اكثر الناس اعجابا بك وبالسيد طهقان...... كنا اول ماينزل بوست .... تشتغل المسجات نتباشر كل وحده تخبر الاخرى بالموضوع الجديد......ليه حرمتينا منك ....دخلتى قلوبنا بسرعه تفوق
سرعة الضوء
انتى الاصيله وانتى الكبيره وانتى المبتكره وسراق المدونات مايستاهلوش زعلك على نفسك وعلينا
مهما عملوا مش ممكن يلحقوا عليكى انتى فين وهم فين

الله يسامحهم

@@@@@@@@@@@@@@@@@@@@@@@@@@@@@@@@@


استحلفكى بالله ارجعى لنا

ارجعى لنننننننننننننننا

@@@@@@@@@@@@@@@@@@@@@@@@@@@@@@@@@@

bastokka طهقانة said...

فرحانة و مكسوفة و سعيدة ومنحرجة منكم جدا
ربنا يخليكم ليا
انتظروا البوست القادم غدا الاحد


اوروفوار

ghlap said...

انامش عار اقووول ايه لكن انا عضو جديد هنا وربنا يستر مش لاقى نفسى مدبوح فى يوم منكم هههههههههه

Anonymous said...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

Anonymous said...

福~
「朵
語‧,最一件事,就。好,你西.............................................................................................................
..................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول