ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

فرح الفورسيزون

امبارح لقيت سي طهقان جوزي داخل عليا و باين على ملامحة تعبيرات القط اللي بيدبر حاجة من ورا الجزار و مستني الفرصة انه ينقض على حتة عضمة، والفرحة حتنط من عنيه ،بس بيحاول يدعي الوقار و الجدية

و بيقولي:

طهقان: طلعيلي البدلة السودا و القميص الرمادي و الجرافات المقلمة يا طهقانة ؛علشان عندي فرح بكرة

طهقانة:فرح مين؟ و فين ؟و ليه ؟و ايه عندك دي؟ و مايكونش عندنا ليه؟

طهقان: ده فرح شاب زميلنا في الشغل، مسكين.. حيتجوز بكرة و عازمنا احنا زملاؤه في الشغل نقف جنبه و نواسيه في ليله زي دي

طهقانة:و حتروحوا تقروا على روحه ،و تاخدوا معاكم قرص و بلح ابريمي؟

طهقان: اهو..نعمل الواجب و خلاص

طهقانة:و ليه ما اجيش معاك؟

طهقان: بقولك عازم زمايله في المكتب، و الدعوة خاص، يعني حنبقى رجالة كلنا على الترابيزة

طهقانة:و باشمهندسة وفاء !!ماهي زميلتكم في المكتب مش معزومة؟

طهقان: مش عارف؟! يمكن اه و يمكن لأ

طهقانة:اممم.. يعني في ستات اهو

طهقان: ياستي الدعوة باسمي مش باسمي انا و انت، و بعدين انتي حتشبطي زي العيال الصغيرة؟!

طهقانة:ماشي.. ماشي ..و فين الفرح ده ان شاء الله؟

طهقان: في فندق الفور سيزون

طهقانة:نعم يا حبيبي؟ فور ايه؟ يا شيري؟ سيزون ..مش ده بتاع ابو برش اللي اسمه هشام طلعت؟ لا يا حبيبي.. ده فندق افراحه كلها هلس و مسخرة ،و مافيش اقل من الرقاصة (تينا) تيجي ترقص و (زعرور) يغني، مانتاش رايح

طهقان: الجنونة حتطلع بقى و لا ايه؟ انا مالي و مال الرقاصة اللوز دي،و لا كعبور ده؟! انا حروح اسلم و اقعد اشرب كاسين ،اقصد كبايتين شربات و تاني راجع

طهقانة:ماهو بص.. مانتاش رايح يعني مانتاش رايح، و الا ابطح نفسي عليك و تروح فيا ست شهور؟!!

طهقان: طيب اقعدي مع نفسك انتي كده ،و جهزي اللي قلتلك عليه و انا نازل رايح للحلاق يظبطلي شعري ،و ارجع الاقي كله جاهز،مفهوم؟!

و قبل ما ارد و لا اصد كان هابد باب الشقة وراه ،و سايبني اغلي في دمي و لا على باله

و بسرعة عملت اتصلاتي بزوجات زمايله في الشغل و فهمت منهم ان مافيش ولا واحدة رايحة، و ان الرجالة فهموهم انها عزومة رجالي

طيب و ايه العمل يا بت يا طهقانة ؟حتسيبيه يروح يضربله كاسين قال: شربات؟ و يتفرج على الرقاصة اللي بترقص اياه لكسكلياه من غير بنطلون برقبة و لا فانيلة برجلين و يجي، و انت قاعدة زي الكبة في البيت!!

لاممكن ابدا

فكرت و دبرت و التدابير على الله و جه يوم الفرح و دخل سي طوطو اخد دش و طوووول تقولوش هو العريس!! ، و طلع قعد ساعة يلبس ،و انا برة شامة ريحة البرفان فايحة من الاوضة، و قاعد يغني و يصفر لحن اغنية عبد الحليم( تخنوه و عمره ما خانكم)

يعني عقلة الباطن بيأنبه و لسانه بيفضحة

و خرج من الغرفة و كانت المفاجأة

تا را راااااااااا رااااااااااااا

طهقانة:اية رايك؟

طهقان: ايه اللي انت لابساه ده؟ انتي رايحة فين بالصلاة على النبي بلبس السهرة ده؟ مش انا قلتلك مش حينفع تيجي معايا و ان ده....

طهقانة:استني بس..(بدلال ممزوج بسنة استهبال) مين قالك اني رايحة معاك؟ انا معزومة على سهرة حريمي مع صاحباتي..

طهقان:(بشك و ريبة) صاحبات ايه و بتاع ايه؟

طهقانة:(بلهجة اقناع ) صاحباتي مراتات اصحابك اللي معزومين معاك في الفرح، اتفقت معاهم كلهم نتقابل في الفور سيزون في قاعة المطاعم، و نتعشى سوا كلنا على حسابك ، يادوب على ما انت تشرب كاس العذاب اقصد كاس الشربات نكون احنا خلصنا و نروح سوا كلنا

طهقان: عزمتيهم على حسابي ؟!!انت عارفة النفر يتكلف كام هناك؟

طهقانة:و ماله يا حبيبي ما انت حتتعشى هناك و لا انا ماليش نفس؟

طهقان:( يجز على اسنانه و يبرق بعنيه و الوان الطيف تتوالى على سحنته لون لون اخرهم الازرق)

طهقانة:(ببرائة متناهية)مالك يا طوطو ؟ المفاجأة معجبتكش

طهقان:(يخلع جرفتته و يفك زرار القميص) منك لله يا شيخة، امشي خشي جوه مافيش لا فور سيزون و لا فور كات ،و لا كونكت فور حتى

طهقانة:(بابتسامة خبيثة)ليه يا طوطو انت مش رايح؟

طهقان: لا مش متنيل (بصوت واطي يسمونه برطمة) ضيعتي علينا الليلة كان الواحد حيغسل عنيه و يشوف جتت تانية بدل الجثث اللي هنا

طهقانة: بتقول حاجة يا روحي؟




طهقان: (بصوت عالي) لأ مابقولش

طهقانة: كويس برضه ،اما الحق اتصل اعتذرلهم بقى،و اتصل بجاد يبعتلنا سندوتشات فول و طعمية و شكشوكة للعشا.

طهقان: بقى بعد الديك الرومي و الجمبري الجامبو , و القطط اللوكس تصفصف على فول و طعمية و سحلية

(مخدة طائرة تستقر في دماغي)

طهقانة: أأأأأأي....كده برضه يا طوطو؟

دي حاجة تطهق بجد

حكمة اليوم: قصقصي ريش طيرك لايروح الفرح من غيرك

اورفوار

امضاء

49 comments:

كلمات من نور said...

هههههههههههههههههههههههه

والله فكرة ممتازة

قال فور سيزون قال

انتي كده فرجتيه الفور سيزون في لسله واحده يا طهقانه يا حبيبتي

mimi said...

جوزك علي ما تعوديه
صحيح ههههههههههههه

الفقيرة إلى الله أم البنات said...

ايوة كده هى دى العقول المدبر والنفوس القويه التى لا تستسلم
طهقانه ايوة كده لاتراجع ولا استسلام حتى يسلم عبد السلام

تسلم افكارك ياجميله
قال فورسيزون قال

أنا - الريس said...

هع هع هع
يا ا بوووووووووووي
إنك كيدكن عظيم

سيبنا من غسيل العنين اللي لا بيودي ولا يجب كفاية غسيل المعدة بالجنبري :)
ومشتهياته

أنا لو منه كنت قلت علي ميت وتبقي ليلة مواساه بحق وحقيق :)

ولكن هيروح طهقان منك فين يا حجة :)

Mona Hekal said...

حلوة اوي انا هافضل اضحك طول النهار بسببك ربنا يخليكي لينا و تضحكينا علي طول
و بعدين معندناش رجاله تروح الفورسيزون
فسق و بئس المصير
بس انا صعبان عليا الجمبري

شوارعي said...

تعرفي يا طهقانة...فكرتني فعلاً بموقف مشابه ولو أنه مكنش فرح ولا كان فيه رقاصة موزززة زي دي...ده كانت عزومة من صديق على سيمنار لشركته في الميريديان لفوق العشرين نفر من الشركة وبعديه عشاء وبعد مناوشات رحت بس بصراحة طفحت اللي كلته لما رجعت هههههههههه
أه منكو يا بنات حوااااااااااا
بس على فكرة ميرديان السعودية مش مصر لأني بشتغل هنا...يعني محترمين محترمين...بس برضو مكنش في مفر

Dr Ibrahim said...

لا متسكتيش
قال سحلية :)

آخر أيام الخريف said...

هاهاهاهاهاهاهاهاهاهاهاهاهاهاها شاطرة يا طهقانة هاهاهاهاهاهاهاهاها

Unknown said...

بجد حسبى الله فى سجن الزواج
الهى و انت جاهى اشوف فيكم كلكم يوم يا بنات حوا
يعنى مكنش عارف يقولها انه رايح عزا مثلا
او بلاش رايح يزور واحد صاحبه فى المستشفى او مديره الاسبق فى دار المسنين

الطائر الحزين said...

لو انت جدعة بقى بجد بجد كنت طلبتى سنتدوشات فول وطعمية وبعتيهم لمرتات اصحابه كمان
ما هو برضة علشان تبقى محبوكة


وحدفك بالمخدة بس

طيب غلبان زعلان

والله طيب طهقان ده بجد

الطائر الحزين said...

لو انت جدعة بقى بجد بجد كنت طلبتى سنتدوشات فول وطعمية وبعتيهم لمرتات اصحابه كمان
ما هو برضة علشان تبقى محبوكة


وحدفك بالمخدة بس

طيب غلبان زعلان

والله طيب طهقان ده بجد

حاجات جوايا said...

ههههههههههه
انتى فخر الزوجات يا طهقانة
انا بنتخبك الزوجة المثالية
ههههههههههههههههههه
عسل والله

فشكووول said...

عشان يزيد الطهقان اكتر

ولا فيه اى حاجه

الدوله المصريه بجلالة قدرها وبتاريخها العريق الضارب فى اعماق التاريخ وبأأجهزتها الداخليه والخارجيه .. حصلت على صفر فى الموندبال
الدوله القطريه .... بارك الله فيهم... حصلت على حق تنظيم بطولة كاس العالم 2022.... ولا تعليق الف مبروك لقطر

يا مراكبي said...

:-(

أنا متضامن مع أخويا طهقان

وأحب أشرحله عن شوية وصفات طبية منومة ممكن تستخدم في الحالات دي

عشان هو ينام كويس يعني مش قصدي حاجة

الفراشة الصغيرة said...

هههههههههههههه

ايوة كده رجاله متجيش الا بالعين الحمرا

والله عسل يا طهقانة

Maha Shahen said...

هههههههههههههههههه
دمك زى السكر والله
ايون اوعظينا وادى من خبرتك للستات الغلابه واخده بالك انتى من غلابه دى
مكسورين الجناح ههههههههه

مهرة سالم said...

السلام عليكم...
شااااطره يا عسل
ههههههههههه

momken said...

هههههههههه
اه منكن انتوا
الراجل صيحيح تربيه مراته
اما تربيه مامته فذهبت هباء

انتوا ربنا خلق عقولكن دى من ماده ايه؟؟؟؟

اكيد مش من ماده غلبانه زينا..داحنا سوذج والله

هتموتينى من الضحك

تحياتى

kholood said...

أنا كاينه فين كل ده وغايبه عنك فين
يا طوطو مش تقولي انك هنا عامله زيطه وزمبليطه وماخده حقنا كمان
دنت هتبقي معلمتي الخطيره
قال طهئانه قال
قميله جدا جدا
حداوم عندك ان شاء الله

Mafrousa said...

هههههههههههههههههههه
مش ممكن بجد با طهقانة
ان كيدهن عظيم
انا عاوزاكي تعلميني يا حبيبتى
لاحسن اختك خييييييبة فى المواضبع ديه
هههههههههههههههه
و بعدين انا موجوده على الفيس بوك
كتبت موضوع مؤخرا
دخلو ضحكوا عليا
و قالولى انتى الفرسة هطلتك
ههههههههههههه
قلت كفاية كده الواحد يتلم فى لعبة من لعب الفيس بوك
هههههههههه
لاحسن صحيح تكون الفرسة عملتلى نوع من انواع التخلف
ههههههههههههه
تحياتي ليكي
و كل سنة و انتى و عيلتك بالف خير يارب

شمس النهار said...

ينصر دينك يابستوك ياحبيبتي

ان كيدهن عظيم

:))))

بس ليه ماسبتيهوش يفك عن نفسه شويه


:))))))

كل سنه وانتي طيبه ياجميلة
:))

واحد من الناس said...

كويس إنك لحقتيه وعطلتيه

أصل كان ممكن يرجعلك بخواجايه من اللي بيلقحوا جتتهم على المصريين

فاكرين إنهم لسه فراعنه زي زمان

مش عارفين اللي فيها


بوست ظريف

تحياتي :)

Ahmed Mubarak said...

البنات الي عماليين يقولوا شاطره وبتاع .. ايههههههههه ده
ما تسيبي الراجل في حاله .. ومعاكي ارقام مراتات اصحابه وبتدبري ..
ياااااااارب

أحمد الله said...

عااال .. عاااال

كويس أن الأخوة ليس بيدبروا ويفكروا ويحافظوا على تفوقهم فى كيد النسا

...............

جميلة جدا أستاذة طهقانة

سندباد said...

هههههههههههه
اتقي ذكاء الانثي فهو لا يرحم
تسلم بنات افكارك
تقبلي تحياتي

salma mohamed said...

طب كنتوا اتبرعتولي بكارت الدعوه بدل ما يروح عالارض،كنتوا كسبتوا فيا عذاب قصدي قصدي ثواب بالعشوه هناك :)
وبعدين حد يقصقص ريش حد في الساقعه دي :)

حسن ارابيسك said...

أذيك ياطهقانة
واللهي ك من فترة لم أضحك هكذا ضللت أضحك وأنا أقرأ بعض المقاطع في تدوينتك وضحكت بصوت عالي وقهقهة طويلة وقهقهة متقطعة لتلك المواقف لذلك اشكرك من قلبي على خفة الدم اللي بين القط والفار دي
تحياتي
حسن ارابيسك

همزة said...

بجد صعبان عليا طهقان عزومة لووز ماتتفوتش دى يمكن مرة فى العمر
بس هو غلطان

IBN BAHYA - إبــن بهيـــــــــــــة said...

حلوووووووووة
بالتوفيق
ممكن أفكركم بالتالي


إذا الشعب يوما أراد الحياه
فلابد أن يستجيب القدر
ولابد لليل أن ينجلي
ولابد للقيد أن ينكسر

الشاعر التونسي
أبو القاسم الشابي
قالها قبل عشرات السنين .. وبقيت في وجدان كل تونسي

تحيا تونس .. وعاش شعبها الأبي .. عقبالنا

حسن ارابيسك said...

فينك ايه مفيش حاجه على طهقان وطهقانة في ميدان التحرير
نتمنى ذلك

حنان يسري said...

يشرفنى تعليقك علي مدونتى من جديد
hananyosri.blogspot.com

noralden15 said...

ههههههههههه اللة ينور عليكى طلعتينا من حالة الغم والهم اللى احنا فيها والقلق والترقب زى اللى مستنيين نتيجة الامتحان بس صحيح مساهمة فكاهية جميلة لهم حق يلعنم النساء فهم ارباب القيل والقال وكثرة السؤال واكبر مضدهد للمرئة هوا المراةالمفروض يسلط عليكى حماتك .لاة حقيقى لكى الف شكر على هذة الابتسامة

النادي النسائي said...

هههههههههههههه

الموضة والازياء said...

تسلم ايدك

فساتين زفاف وسهرة said...

هل من مزيد

Zawag alnaddy زواج النادى said...

السلام عليكم ورحمة الله وبركاته
جزاكم الله خيرا على هذا الموضوع الجميل
والله موضوع جميل ومشوق بارك الله فيكم ياشباب

العاب said...

well done

Unknown said...

شركة الصفرات للتنظيف بالرياض
شركة الصفرات لمكافحة الحشرات بالرياض
شركة الصفرات لنقل الااثاث بالرياض

شركة الصفرات لتنظيف الخزانات
شركة الصفرات لتنظيف الشقق
شركة الصفرات لتنظيف الفلل

Unknown said...

شركة الصفرات لتنظيف القصور
شركة الصفرات لتنظيف المجالس
شركة الصفرات لتنظيف المنازل
شركة الصفرات لتنظيف الموكيت
شركة الصفرات لرش المبيدات
شركة الصفرات لعزل الخزانات
شركة الصفرات لكشف التسربات المياه
شركة الصفرات للتنظيف
شركة الصفرات لمكافحة الحشرات
شركة الصفرات لنقل الااثاث

Unknown said...



thx

شركه تنظيف

Unknown said...


thank you

سعودي اوتو

Unknown said...


thank you

سعودي اوتو

elbshyar said...

شركة تنظيف فلل بمكة
نحن شركة صقر البشاير شركة متخصصة فى تنظيف فلل بمكة
حيث نقوم بتنظيف كل ما بداخل الفلل من تنظيف المفروشات
تنظيف الموكيت و غسيل السجاد
تنظيف الستائر بالبخار
تنظيف الأرضيات و الحوائط و الجدران
تنظيف كل أنواع المطابخ و الحمامات
شركة صقر البشاير شركة تنظيف فلل بمكة,تنظيف منازل بمكة,تنظيف شقق بمكة
لديها أفضل العمالة الفنية المدربة التى تقوم بعملية التنظيف على مستوى عالى من النظافة
شركة صقر البشاير لديها أفضل العروض و الخدمات لكم
وأسعارها فى متناول الجميع
تنظيف منازل بمكة

اتصل بنا على0500941566
http://www.elbshayr.com/5/House-clearance


Unknown said...

اقوى العروض الخاصة والمميزة على صيانة وستنجهاوس

والتى تعد من اهم وافضل الصيانات الخاصة للمزيدمن المعلومات برجاء التواصل معنا بعر الرقم الموحد

Unknown said...


شركة تنظيف خزانات بالمدينة المنورة

لمياة افضل و حياة خالية من الامراض بادروا بالحصول علي عروض و خدمات شركة الندي شركة تنظيف خزانات بالمدينة المنورة مع افضل فريق عمل من المتخصصين في غسيل خزانات بالمدينة المنورة بافضل الطرق العلمية الحديثة التي تزيل الكبتريا و الطحالب الغير مرئية باقوي مواد التنظيف و العزل الامنة علي المياة و الخزان بافضل الاسعار بالمدينة المنورة


غسيل خزانات بالمدينة المنورة


اتصلوا بنا علي
0508726070


http://www.elnadaa.com/653/Cleaning-tanks-medina

Unknown said...

مبلط سيراميك بالرياض
مبلطين بالرياض
مبلط بالرياض
ارقام مبلطين بالرياض
مبلط رخام بالرياض

Unknown said...
This comment has been removed by the author.
No Body said...

تمر

No Body said...

التمر