ايون أنا ليلى.. و لا في ليلى الولو مني ..طبعا ما الست في بلادنا دي مقهورة و مظلومة و طهقانة.
و الراجل سواء كان أبوها أو أخوها أو ابنها بيمارس عليها كل أنواع القهر و التنطيط و الفزلكة
و تلاقي الواد من دول لسة عنده 6 سنين و يقول لأخته الكبيرة:
انكسحي ادخلي من السباك لحثن اقول لبابا يضلبك لما يجي من السغل
و لما يكبر شوية يقولها:
فزي انزلي اشتري الفطار
و لما تقوله : مش كنت بتقول معندناش بنات تبص من الشباك؟
يقولها:دي حاجة و دي حاجة
ايون...جينا لمربط الفرس اللي فارسني و ناقطني و مطهقني
الازدواجية في المعايير
الراجل من دول في الوقت اللي بيخنق في الست و ميخلهاش تتنفس و لا تطل من شباك و لا تروح لصحبتها ،معندوش أي مانع إنها تتدلدل من البلاكونة علشان تنشر هدومه!! أو تنزل تشتريله العيش و اللبن و الشوارع ضلمة و برد في عز الشتا
الازدواجية اللي طلع عليها أمثال كتير بالبلدي قالوا:
(دي حلوة و دي كخة)
و قالوا على الراجل اللي بيقفلها على أخواته البنات و ميقدرش يفتح بقه قدام مراته (حمش اخواته ،......مراته)
مكان النقط لفظ ابيح
مش بس الازدواجية اللي مطهقاني لا كمان في حاجة تانية عكسها خالص مطهقاني قوي قوي و هي
التمدن و اللارجنة
و إحنا كلنا عارفين المثل اللي بيقول:
قال يا أبويا شرفني ...قال لما يموت اللي يعرفني
أنا طهقانة...لاني بشوف ناس بسطاء جدا سايبين لبناتهم السايب في السايب و عاملين خوجات . البنت تخرج وقت ما هي عايزة و تتأخر برة و أبوها قاعد في البيت مانتخ و ميت فل و لا كأن في حاجة حصله
هو كده بيفرط في ليلى و مديلها حرية وشها حرية و ضهرها ضياع و صياعة و أخرتها سودة و مبسوط قوي انه راجل لارج !!
لأ ده كده مش لارج ده كده اكس لارج
اخس عليه و على اللي زيه
***
ليه ادم ما يحتضنش ليلى بجناحه.. بدل ما يحطها تحت جناحه!!!
يعني يا ناس مافيش وسط؟؟؟ ماينفعش نحافظ على الستات من غير ما نخنقهم؟؟!! ماينفعش نديلهم حرية تفيدهم و ماتضيعهمش؟!!! ماينفعش نربي و نغرس الدين في البنات و بعدين نجني ثمرة ده كله حشمة و حياء؟!!
الحياء؟؟؟؟الكلمة دي قربت تنقرض من معجم الحياه.. و ادم السبب
لأنه مرباش ليلى على الحياء اللي قال عنه الرسول صلى الله عليه و سلم:
الحياء ما كان في شئ إلا زانه و ما نزع من شئ إلا شانه
الحياء اللي يخليها تتكسف تعمل الغلط و تبعد عنه و في نفس الوقت يديلها الشجاعة في الحق و الاقدام على تطوير نفسها ثقافيا و علميا من غير ما تفرط في انوثتها و تتمرمط في الشوارع و الاوتوبيسات ليل نهار بحجة التمدن و التحرر
كلامي لكل ليلى و ادم........نفسي أشوف في مجتمعي مساحة من التفاهم والاحترام و التقدير و الحب
بين كل ليلى و ادم
و يبقى في الآخر لا تفريط و لا إفراط
إمضاءو الراجل سواء كان أبوها أو أخوها أو ابنها بيمارس عليها كل أنواع القهر و التنطيط و الفزلكة
و تلاقي الواد من دول لسة عنده 6 سنين و يقول لأخته الكبيرة:
انكسحي ادخلي من السباك لحثن اقول لبابا يضلبك لما يجي من السغل
و لما يكبر شوية يقولها:
فزي انزلي اشتري الفطار
و لما تقوله : مش كنت بتقول معندناش بنات تبص من الشباك؟
يقولها:دي حاجة و دي حاجة
ايون...جينا لمربط الفرس اللي فارسني و ناقطني و مطهقني
الازدواجية في المعايير
الراجل من دول في الوقت اللي بيخنق في الست و ميخلهاش تتنفس و لا تطل من شباك و لا تروح لصحبتها ،معندوش أي مانع إنها تتدلدل من البلاكونة علشان تنشر هدومه!! أو تنزل تشتريله العيش و اللبن و الشوارع ضلمة و برد في عز الشتا
الازدواجية اللي طلع عليها أمثال كتير بالبلدي قالوا:
(دي حلوة و دي كخة)
و قالوا على الراجل اللي بيقفلها على أخواته البنات و ميقدرش يفتح بقه قدام مراته (حمش اخواته ،......مراته)
مكان النقط لفظ ابيح
مش بس الازدواجية اللي مطهقاني لا كمان في حاجة تانية عكسها خالص مطهقاني قوي قوي و هي
التمدن و اللارجنة
و إحنا كلنا عارفين المثل اللي بيقول:
قال يا أبويا شرفني ...قال لما يموت اللي يعرفني
أنا طهقانة...لاني بشوف ناس بسطاء جدا سايبين لبناتهم السايب في السايب و عاملين خوجات . البنت تخرج وقت ما هي عايزة و تتأخر برة و أبوها قاعد في البيت مانتخ و ميت فل و لا كأن في حاجة حصله
هو كده بيفرط في ليلى و مديلها حرية وشها حرية و ضهرها ضياع و صياعة و أخرتها سودة و مبسوط قوي انه راجل لارج !!
لأ ده كده مش لارج ده كده اكس لارج
اخس عليه و على اللي زيه
***
ليه ادم ما يحتضنش ليلى بجناحه.. بدل ما يحطها تحت جناحه!!!
يعني يا ناس مافيش وسط؟؟؟ ماينفعش نحافظ على الستات من غير ما نخنقهم؟؟!! ماينفعش نديلهم حرية تفيدهم و ماتضيعهمش؟!!! ماينفعش نربي و نغرس الدين في البنات و بعدين نجني ثمرة ده كله حشمة و حياء؟!!
الحياء؟؟؟؟الكلمة دي قربت تنقرض من معجم الحياه.. و ادم السبب
لأنه مرباش ليلى على الحياء اللي قال عنه الرسول صلى الله عليه و سلم:
الحياء ما كان في شئ إلا زانه و ما نزع من شئ إلا شانه
الحياء اللي يخليها تتكسف تعمل الغلط و تبعد عنه و في نفس الوقت يديلها الشجاعة في الحق و الاقدام على تطوير نفسها ثقافيا و علميا من غير ما تفرط في انوثتها و تتمرمط في الشوارع و الاوتوبيسات ليل نهار بحجة التمدن و التحرر
كلامي لكل ليلى و ادم........نفسي أشوف في مجتمعي مساحة من التفاهم والاحترام و التقدير و الحب
بين كل ليلى و ادم
و يبقى في الآخر لا تفريط و لا إفراط
و اوروفوار
RSS Feed (xml)
18 comments:
انا متفق معك تماما فى ان غرس الاخلاق والتربية يبدأ من البيت ويكتمل فى المدرسة ..ولكن للاسف النماذج التى تكلمت عنها فعلا موجودة فى المجتمع والبنات بتكبر ومعاها امراض المجتمع والبيت والمدرسة ..بصراحة مفيش حاجة عدلة الواحد يتكلم عليها .. الناس محتاجين هزة ووقفة وعودة الى كل ما هو حقيقى ..تحياتى للبوست الجميل كعادتك
تمااام كلام موزون لا يختلف عليه عاقلان
ازيك يا طهقانة
انتى مالك و مال الفرسة
الفرسة تخصصي انا انت الطهقان
ههههههههههههه
بصى انا مش ليلى انا مفروسة
و ليلى دلوقتي بقت مش عارفه تبقى ليها شخصيتها المستقله
تايهة بين انها تتشبهه بغيرها و تايهه بين العرف السائد
زي الاخ اللى بيقول لاخته انزلى هاتي
تمرد ليلى هوه اللى خلاها ملخبطة و مالهاش مكان
ربنا سبحانه و تعالى عملها مكانه هيه مش راضية عنها
الرجاله الاكس لارج بقو كتيييييييير اوى الايامدى ياطهقانه للاسف
انا عرفت اللفظ القبيح اللى مكان النقط تحبى اقولو واخد جايزه البرنامج ههههههه
تعرفى يا طهقانه .. كنت لسه باتكلم مع ناس فى كلاى كافيه فى اسكندريه عن الظاهره اللى اتكلمتى عنها دى فى الأوساط الفقيره .. و حتى الغنيه .. و بطبيعتى الكئيبه بدأت دراسة الحكايه من منظور اقتصادى بحت .. أيون اقتصادى .. و على فكره .. بيفسر حاجات كتير قوى .. عموما لما ربنا يسهل و تخلص الدراسه هانشرها و اهديهالك .. شكرا لملاحظاتك الأجتماعيه الدقيقه
~*§¦§ Appy §¦§*~ said...
مش عاوزه اقولك او خطيبى اللى كان محرم عليا اى اسم على الموبيل وانى لو رحت السوبر ماركت بيكون معايا لو نزلت اجيب حاجه من العربيه بتاعتى تحت البيت اتصل بيه
كان بيخلينى انزل لوحدى ساعات اجيب حاجاته هو من شاور لجل واروح اصلح النظاره الشمس
اللى فى الاخر انا اللى كسرتها والله ورميت الديودرانت علشان مبقاش ليلى ورميته وراهم ههههههههههه
وحرقه قلبه على النظاره الارمانى اللى كان بيحبها اكتر منى وكانها ابنه ههههههههههههههههههههههههههه
October 19, 2008 11:39
كلنا ليلى وكلنا مع ليلى يمكن حد يسمعنا
حياء يعني اية حياء
هو الي بيحصل من تحرش جنسي لاي تاء مربوطة او جونلة متعلقة علي شماعة معدية او حتي قطة نتاية في اي تجمع شبابي او رجالي او عيالي حتي !!! دة اسمة حياء يا شيخة احمدي ربنا ان البلد لسه فيها كام ادم
الله عليكي بجد
تسلمي في كل كلمه قلتيها
انا معاكي ان في ازدواجيه كبيره في مجتمعنا و لما حاولنا نقلد الغرب معرفناش نتزن ولا حصلنا الغرب ولا الشرق و شعنا و ضاعت العفه و الاخلاق
بجد مواضيعك بتعجبني تسلمي حبيبتي
تحياتى ليكى يا sory
طهقانة
انا مش عارف اسمك
اوك
اولا بشكرك على مرورك الجميل لمدونتى المتواضعة
ثانيا : انا بهنيكى على مدونتك الجميلة
ودة ايميلى اتمنى تكلمينى
safer_love22@yahoo.com
ودة رقمى اتمنى اكلمك على الرقم اوالايميل
0128916706
اوك
تحياتى
بصى يا طهقانة انا اكتر حاجة غايظانى حاليا انى بشوف ان الستات بقت رجالة من غير شنبات وبقت الرجالة ستات بشنبات ووالله فى رجالة بقوا تشوفيهم تقولى عليهم مخنثين المهم يا طهقانة
للاسف دلوقتى التربية فى البيوت بقت بتعمل الست هى الراجل والراجل هو الست وتربى البنت على تحمل المسئلية وتحمل المشاق والراجل تربية على الرحرحة والترفية والدلع
أكيد متفقين معاكى فى كلامك وفى إنى التربيه بتبدأ من البيت والأسرة
بس المشكلة فى الصداقة لازم نحسن إختيارها قوى
تحياتى
فى إنتظار جديد مواضيعك
دمتى بود
صح كده
لا افراط ولا تفريط
هو دا الي مفروض يكون موجود
لا خنقة ولا حبل ع الغارب
تحياتي لبوستك المحترم
محمد سمير
شوفى هما لو كلهم ليلى إلا إنت ، ربنا يكون فى عون طهقان
السلام عليكم و رحمة الله و بركاته
موش بقولك انتي زي العصل وثكر كمان اسلوبك رائع بجد ولايت اوي
بس تعرفي آدم هنا في مصر بس بقى للأسف كده وحاسه ان موش لقى في نخوه ولا رجولة بقت قليله اوي لو كان في نخوه ودم حر موش كنا سمعنا عن التحرش اللي حصل في مصر ل 3بنات و150 واحد عمالين يتفرجوا ويصوروا
ليلى بقت كده لانها موش لقت ادم ينصح ويخاف ويطبطب و يدلع ويهني وياخد باله منها موش يقهرها ويخنقها
للأسف الرجولة والنخوه والحماية والامان دخلوا قاموس العملات النادرة
سعدت بالبوست ده جداا
وبأسلوبك الرائع لمناقشته
دمتي بخير يا كميلة وبوسيلي البيبيز بقى (وش مكزوف خالث)
في رعاية الله
على البيت ان يهتم بالتربية مرة اخرى
و ان النواحي المادية ليست فقط مطلوبة من الأب و الأم
لكن النواحي التربوية مهمة ايضا
و مهما يتأثر الفرد من الخارج
اللي اساسه سليم و و متأسس تربويا صح
هتقل نسبة تأثره بملوثات الحياة
رواية للنشر الإلكترونيّ
الإبداع الحقيقي حري ٌبالتعبير عن ذاته ، والفكر الإنساني لم يخلق ليختنق في ظلام الصدور، والمبدع الحقيقي يمتلك دوماً الحق المطلق في أن تجد أعماله طريقها للنور باعتبارها خلاصة تجربة إنسانية كاملة تستحق النشر .
من هذا المنطلق تعمل دار رواية للنشر الإلكتروني على إفراد مساحة كاملة للنشر لكافة مبدعي الشبكة العنكبوتية بإعتبارها الخطوة الأولي نحو النشر الورقي، وفي سبيل الحلم في أن يصل إنتاجك للجميع تتعهد الدار خدمة النشر الإلكتروني على موقعنا أولاً بصورة تليق بالأعمال مع توفير الدعاية اللازمة والمناسبة له على الشبكة على كافة المستويات ثم تقديم ما يصلح منها لدور النشر المختلفة شرط أن يكون حجم هذه الأعمال صالحاً للنشر الورقي .
بدايتنا هي الحلم المشترك ودافعنا للاستمرار هو الأعمال المميزة من أجل أن نحقق معاً توازناً للنشر الإلكتروني والورقي ... الجديد عندنا هو اختيار أفضل عمل سنوي يصل إلينا كل عام من خلال لجنة تنعقد لذلك وتعتمد في اختيارها في الأساس على استقراء القبول الذي لاقاه العمل المختار لنشره بصفة سنوية في معرض الكتاب مع التزام الدار بتكليف نشره وعمل الدعاية اللازمة له كاملة و بصورة مرضية لصاحبه .
يبقى أن ننوه أننا لن نخضع لشروط النشر المعتاد وتعسف دور النشر التقليدية و يكفي فقط أن يمثل عملك تياراً أدبياً ناضجاً سواء أكان العمل في صورة رواية أو ديوان شعر أو مجموعة قصصية .
لزيارة الدار:
http://rewaya1.blogspot.com/
موقعنا على الفيس بوك
http://www.facebook.com/group.php?gid=41385681402
بريد الكتروني :
rewaya12@hotmail.com
rewaya12@yahoo.com
希望大家都會非常非常幸福~
「朵朵小語‧優美的眷戀在這個世界上，最重要的一件事，就是好好愛自己。好好愛自己，你的眼睛才能看見天空的美麗，耳朵才能聽見山水的清音。好好愛自己，你才能體會所有美好的東西，所有的文字與音符才能像清泉一樣注入你的心靈。好好愛自己，你才有愛人的能力，也才有讓別人愛上你的魅力。而愛自己的第一步，就是切斷讓自己覺得黏膩的過去，以無沾無滯的輕快心情，大步走向前去。愛自己的第二步，則是隨時保持孩子般的好奇，願意接受未知的指引；也隨時可以拋卻不再需要的行囊，一路雲淡風輕。親愛的，你是天地之間獨一無二的旅人，在陽光與月光的交替之中瀟灑獨行.............................................................................................................
有時，你覺得痛。胃痛的時候，接受它，承認這個疼痛是你的身體的一部份，與它和平共處。心痛的時候，接受它，承認這個經驗是你的生命的一部份，與它和平共處。抗拒痛的存在，只會讓它更要證明它的存在，於是你就更痛。所以，.無論你有多麼不喜歡痛的感覺，還是要接納這個痛的事實。與你的痛站在同一邊，不逃避，不閃躲，不再與你的痛爭執，如此，你的痛才會漸漸不再胡鬧，才會乖乖平息下去。.................心願-你許下了一個心願，你閉上眼睛，在冥想之中把這個心願交託宙給宇整個讓宇宙推動它全部的力.量去執行.，你看見星球與星球的引力牽繫著彼此，你聽見虛空與虛空.唱裡著和妙美的聲音，為了你的心願，整個宇宙正在相互傳遞，然後你放下了心願，不僅是放下，最好你還把你的心願忘記，唯有如此，它才能脫離你，發展它自己，
當它在宇宙的遊歷結束之後，它自然會來到你身邊，以你曾經希望的方式回應你，許下，只是讓它發生，放下，才是讓它實現，你的心願使你懂得不能執著的奧秘
Post a Comment