ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

الغش اخرته مش


علي سفرة الإفطار ..دار هذا الحوار

طهقان: أنا طهقت من اللي بيحصل في البلد ، و مش عارفة اية الحل ؟! المفروض اننا في شهر فضيل و المفروض إن الصيام بينقي النفس البشرية و لكن اللي بيحصل غير كده للأسف

طهقانة:شايف شباب الحي.. معلقين لمبات ملونة و فوانيس في كل شارع احتفالا بقدوم رمضان ، كل ده كويس ،لكن انهم يسرقوا النور من عامود النور اللي في الشارع ده اللي مش كويس خالص

طهقان:هو مال قمر الدين طعمه غريب كده

طهقانة:مش عارفة!! أنا برضه ملاحظة انه بيقرقش ، تقريبا ضايفين له جزر و قرع عسلي لأنهم ارخص من المشمش

طهقان:جزر!!...و أنا اقول وداني طولت ليه و حاسس إني بحن للعب مع الأرانب

هههههههههههههههه

طهقانة:يعني هي جت على قمر الدين!!.ما عندك الكفتة اللي لما تشتري واحدة تاخد التانية مجانا ؛ طلعت كلها فول صويا و مفيهاش ريحة اللحمة

طهقان: كويس انها جت على فول الصويا و ما ضافولهاش لحمة نونو و لا لحمة هوهو و لا لحمة نهق

طهقانة:هههههههههه ايوة صحيح ..اهو برضه الفول صديق البيئة

طهقان:شوفتي صاحبنا صلاح... مسكين اشترى حبوب منشطة من الصيدلية و من ساعة ما اخدها و هو في النازل، و ماكتشفش السبب إلا لما شمعوا الصيدلية بالشمع الأحمر و اكتشف إن الحبوب كانت مغشوشة

طهقانة:مسكين ...اتاري يا عيني اللي يشوفه رايح يفتكره جاي

طهقان:لا و كله كوم و حليب الأطفال اللي غاشينه بالنشا كوم... و العيال يا عيني يجيلهم لين عظام و كساح و إحنا مش حاسين

طهقانة:النشا هين .. الدور و الباقي على حلويات الأطفال المسرطنة اللي مغرقة السوق

طهقان:اصلهم عرفوا إن مستشفى السرطان للأطفال اشتغلت.. فقالوا لازم يجيبولها زباين.. دول كمان منزلين سجاير مسرطنة مشعة في مصر بتجيب فشل كلوي كنوع من التغيير يعني

طهقانة: يا ساتر يا رب ..تعرف ...الست البوابة بتحكيلي انها اشترت من الجمعية عسل نحل رخيص، لقيته كله مية بسكر و مفيهوش طعم العسل

طهقان:اه.. ما هما بيستغلوا غلا الأسعار و بيغرقوا السوق ببضايع مغشوشة و الناس ما بتصدق تلاقي حاجة رخيصة.. بتشتري الهوا

طهقانة:ايوة...حصل معايا لما لقيت السوبر ماركت عامل عرض على نوع صلصة جديد واشتريت منه كمية ،و طلع كله لون صناعي و دقيق و طمطماية واحدة في كل برطمان

طهقان:و يمكن مفيش طماطم من اصله..ده العصير كمان تلاقية كله مية بسكر و مكسبات طعم و لون و يفرحونا بصورة مانجاية على الكرتونة و كان الله بالسر عليم

طهقانة: لا و طالعين لك في حاجة جديدة.. عمالين يغلوا السعر و ينقصوا الكمية

طهقان: شوفتي رغيف العيش الفينو بقى قد اية؟ عمال ينكمش .. ده بكرة يعبوه في شريط دوا و نبقى ناخد الرغيف من دول و نشرب وراه كباية مية زي الاسبرين

طهقانة: انا حقوم اكويلك الجلابية بقى علشان تنزل تصلي التراويح

طهقان: طيب يا حبيبتي

بعد دقائق قليلة..............بوووووووووم

طهقانة:الحقني يا طهقااااااااااان... حريقة

طهقان:الله اكبر... الله اكبر...يا ساتر يا رب

طهقانة: كويس انك شلت الفيشة قبل ما ترش المية ..أعوذ بالله قلبي وقف من الخوف

طهقان:اية اللي حصل؟

طهقانة:المشترك الصيني المنيل ده... يا دوب وصلت فيه المكواة لقيته فرقع و النار مسكت في باسكيت الزبالة كانت حتحرق البيت لولا ربنا ستر

طهقان:هو الغش وصل للصين كمان!!

طهقانة:ده الصين دي هي اصل الغش التجاري..عمالين يقلدوا العلامات التجارية و الماركات العالمية و يغرقوا السوق بالبضاعة المضروبة بسعر رخيص و الناس بتفرح بالرخص و تشتري و ادي النتيجة البيت كان حيولع

طهقان: مش لو كان المشترك ده صيني أصلا!! ما هم هنا بيصنعوا الحاجات دي تحت الكوبري و يلزقوا عليها صنع في الصين

طهقانة:على كده الغش بقى فن و ليه نجوم و اساتذه و بكرة يعملوله مسلسلات

طهقان: امال اية و الغش ليه فروع.. فرع عدم إظهار العيب في السلعة، وفرع التلاعب في عناصر البضاعة، و فرع اللعب في تاريخ انتهاء الصلاحية

طهقانة:يعني من المتوقع يفتحوا معهد للغش التجاري و ينزل في التنسيق السنة الجاية و يخرج غشاشين أكاديميين على مستوى

طهقان:ايوة يا حبيبتي عقبال ما تشوفي أولادك

طهقانة:تف من بقك يا شيخ ده من غشنا فليس منا

طهقان:اه طبعا أنا بهزر بس ..ده اللي يحكمني على الغشاشين دول اربطهم في شجرة و اللي رايح و الجاي يحدفهم بالطوب

طهقانة: لما أقوم بقى أعملك الشاي أبو نشارة الخشب و اجيبلك حتتين كنافة من اللي معمولين بالزبدة المغشوشة بزيت التموين ههههههههههه

طهقان: يمهل و لا يهمل

دي حاجة تطهق بجد

أوروفوار

إمضاء

55 comments:

Anonymous said...

يخرب عقلك هموت من الضحك

هههههههههههه


ما هى فعلا بقت حاجة تطهق كل حاجة مغشوشة ومنيلة بنيلة هنعمل ايه بس

تحياتى

Unknown said...

هههههههههههههههه

بالله عليكي ده كلام يتقال علي الفطار

طب فطرتوا ازاي انتم كده

محمد فاروق الشاذلى said...

متشكرين قوى على سدة النفس دى
طب احنا ناكل ايه دلوقت لما كل حاجة بقت كده؟؟؟!!!

منى said...

بعد ما قريت البوست قعدت ادور على اى حاجه مضمونه مالقتش
على راى طهقان
يمهل ولا يهمل
تحياتى

مسلم said...

حرام عليكى
هتموتينى ناقص عمر ههههه
مهو يا اما هموت من كتر الضحك
يا اما هموت من الزعل
يا اما هموت من قلة الاكل بعد سدة النفس اللى عملتيها دى
ولا انتى ليه الحكومه الرشيده ( مش معزة بكار) هى اللى عملتها
دمتى موفقه
علاء

عايش... ولكن !!!! said...

اه معلش انا مسلم اللى فوق ده
بس جيت اعلق بعايش ولكن جت بالمدونه الاسلاميه هههه

Anonymous said...

يا خبر ابيض هوت من الضحك والقهره والله

بس بجد كل حاجه فى حياتنا بقت مغشوشه ومعكوكه زى اللى احنا فيه

المهم انتى دمك زى العسل والمدونه بتاعتك حلوه اوىاوى

Ehab said...

بوست آخر متميز من مدونة مطرقعه بجد !...

في انتظار جديدك بكل تأكيد ...

وحسبي الله ونعم والوكيل !!

مش فيكي طبعا :)

أختكم فى الله said...

دمك زى العسل موتينى من الضحك

فكرتينا بالهم

والله فعلا الاكل اصلا كله ريحته بقت غريبة

ربنا يحفظنا ويستر علينا

بس انتو مخترتوش الوقت المناسب للكلام فى الموضوع ده خالص

هههههههههههههههه

رحب said...

مدونتك دمها خفيف
:))

dido said...

السلام عليكم
انت زي العسل والله بس بجد عاوزه اقوم افحر زي توم اند جيري كده وانام واردم علي نفسي كل حاجه بقت وحشه حتي الناس مبقتش زي الاول
يلا بس انتي جااااااااااااااامده مووووووووووت

صباح الصباح said...

واللة الواقع يمكن كمان العن من كدة دة حتى وصل للحديد اللى بيتبنى بية العمارات وتتهد على دماغ السكان من اول سنة

والا الجبنة الرومى اللى وصلت لحوالى 50 جنية الكيلو وفى الاخر لا هى رومى ولا بطيخ وكل الحكاية انها بتترمى فى بدروم مغلق معفن تلات اربع تيام وتطلع بالشكل والريحة الل احنا عارفينها

والناس تاكل

بجد حسبى اللة ونعم الوكيل

Amr Ahmed said...

كفاية حرام عليكي
::(:(:(:(

خلينا ناكل وخلاص

ماهو كله مغشوش ومهبب

يبقي تاكل واحنا منعرفش بقي

مقاطعـــــــــــــون said...

هههههههه
اضحكك الله دائما حلوه الحياه مليئه بالمشاكسات
جزاك الله كل خير
نحن ضد ان يصل قرشا واحدا من العرب الى اسرائيل حتى ولو سيصل العرب اضعاف اضعافه.. قاطعوهم بلا هواده واثبتوا عروبتنا
تابع حمله مقاطعه كوكاكولا
سر الاثيلين جليكول

المتبهدلون في الأرض said...

بس ليه نسيتي اللانشون والبسطرمة
أقصد لحم الفئران ..من الموزة

واللبن ..نشا بميه

والعيش أقصد حبة الرمل اللي عليهم شوية ردّه

والتمر الهندي ...اللي لا فيه تمر ولا حتى هندي


والعرق سوس


يمكن ده يكون فيه سوس بس من غير عرق..."أو عـَــرَق"بفتح العاء

والطعميه اللي عليها العيش البايت ويتفرموا مع بعض
والكوفته اللي بيفرموا معاها الدهنة عشان تكتر الكمية
والجزارين اللي عاملين معامل تربية الفئران

ويسيبوها بليل عشان تستخبه في المفرمه ...والللي يفرم الصبح...يآكلها طازة وبدمها
"

شيتوس الاهلاويه اووووي said...

ههههههههههههه
والله انتوا الاتنين زي العسل
بس ايه حكايه ودني طولت دي ده كده الواحد هيبتدي يقلق بقي هههههههههههه
كل سنة وانتي طيبة
أختك شيتوس
اوروفوار ياستي

Anonymous said...

الأخت العزيزه
كل سنه وانت وطهقان طيبين
وفينك من زمان؟
عنوانا زى ما انت عارفه مايتوهش
http://netonradio.blogspot.com

afreet said...

غش ايه اللي بتتكلموا عليه مصر دي ام الدنيا وام الحضارة، وكل حاجة عندنا حلوة وجميلة تصدقوا انا امبارح اشتريت كيلو رز مالقيتش فيه غير سوستين اتنين بس وتقولوا غش، زمان كان الواحد بيلاقي بالعشر سوسات يبقى لازم كلنا نرفع صوتنا عاليا ونقول مصر بتتقدم بينا

blue-wave said...

هههههههههههههههه
يا نهار ابيض
هوا كل حاجه كدة بقت مغشوشه؟؟؟؟
دا الواحد بعد كدا يشك فى صوابعه:))

ADMIN said...

haaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa حلوة

مصري بالغربة said...

انا متابع المدونة على فكرة من زمان

واول مرة اعلق فيها

بصراحة مدونة جميلة جدا

بس راي ان البوست ده ممتاز بس مش وقتوا خاااااااااااااالص دلوقت

فيه كده حاجات تكون كويسة وممتازة بس الغلط بيكون في التوقست السليم بتاعها

ارجو المعذرة

وميض ابتسامة said...

الناس دى ح تروح فين من ربنا ..والله ياشيخة الواحد زهق من الناس دى ولذلك انا مبقتش عارف مين بيغش مين حاجة مش لطيفة ابدا ..مش كدة والله!! المهم كل سنة وانت واسرتك بألف خير وسلامة وربنا يكفيك شر الغش والغشاشين

شهد الكلمات said...

اقول اية هم يضحك و هم يبكي

بمناسبة المشتركات مرة اشترينا مشترك للمروحة و يادوبك اول استخدام له 1/4 ساعة و شمينا ريحة شياط
اتاري السلك ساح و حصلت قفلة و النار كانت هاتمسك في الصالون عشان الفيشة كانت وراه
لولا ربنا ستر و الحمد لله انها جات علي قد كدة

حسبي الله و نعم الوكيل

تحياتي

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

بنوتة said...

ههههههههههههههههههههههههه
هموت من الضحك
حلو أوي البوست
وأتمنى تدخل تشوفي مدونتي


بنوتة

فارس الخيال said...

بصى بستوكه .. كلامك .. واسلوبك .. والفكره أو القالب اللى بتصيغى فيه الموضوع .. القصه كلها جميله جدا وفيها شئ كبير من الواقعيه تستاهل بجد علامة جيد جدا .. سواء من ناحية الصياغه الأدبيه أو الاجتماعيه .. فتصوير الموقف بين طهقان وطهقانه .. وترتيب الحوار بينهم .. وتصاعد الاحداث الدراميه بطريقة كريشندو لحد منوصل للنقطه اللى بتحسسنا بمصداقية كل الكلام دا .. لما طهقانه بتكون على وشك الموت فعلا بسبب الغش التجارى اللى واجعه دماغنا بيه من الصبح .. ملاحظاتك قويه جدا وانا بهنيكى عليها .. زى مثلا ملاحظتك عن الاقتصاد الخفى (اقتصاد بير السلم ) واللى بيمثل نسبة 85% من الاقتصاد المصرى فعلا .. لكن فى ملاحظه كنت حابب االهالك .
زمان كان فى نوع من الغش التجارى بيكون لمصلحة المستهلك وراحته .. يعنى مثلا ححكيلك حكايه طريفه اوى .
أول تلفزيون ظهر فاليابان كان التليفزيون الامريكى .. وكانت كالعاده اسعاره خرافيه .. اللى حصل ان اليابانيين خدو التليفزيون دا وفكوه قطعه قطعه لحد اصغر قطعه فيه .. زى حد بيدور على ابره فكوم قش .. وعرفو تركيبه بالكامل وصنعو تليفزيون نسخه طبق الاصل منه لكن طبعا مع فارق سعر الخامات .. وبعتو التليفزيون الجديد لامريكا بس المرادى باسعار خياليه غزو بيها السوق الامريكيه صاحبة التليفزيون الاصلى .. دا طبعا كان زمان لما كان المستفيد الاول من الغش هوا المستهلك .. لكن دلواتى ظهر نوع جديد من الغش بيتعب المستهلك .. ويدفعه دم قلبه .. وممكن اوى يقتله .. بس للاسف النوع دا من الغش صعب اوى يكون فى مخرج منه لانه غش عبقرى : استخدم سلطة الدوله فحماية نفسه زى الفيروس اللى اول حاجه بيعملها انه بيهاجم الانتى فايرس .. كلنا نعرف مين اكتر حد دخل للبلد مبيدات مسرطنه وهوا فين دلواتى وبيعمل ايه .. بصى انا مش عاوز اكون سوداوى اوى لانك امتى بالواجب وزياده .. عشان كدا حالك ملاحظتى الاخيره بسرعه .
الحقيقه انا لاحظت من متابعتى للحوار بين طهقان وطهقانه : ان فى انسجام فكرى كبير بينهم .. كمان فى لغة حوار واستعداد للتفاهم والكلام .. دا غير خوفه عليها لدرجة انه يسيب الاكل ويقوم يشوفها بتصرخ ليه - وانتى متعرفيش معناها ايه ان راجل يقوم ويسيب الاكل - .. غير كمان المداعبه اللطيفه بينهم وكلمة حبيبى وحبيبتى اللى اختفت من معظم البيوت المصريه .
بجد اتمنى ان تكون دى نقطة تحول فاسلوب تفكيرك .. وانك تكونى اخيرا اتخليتى عن شخصية الست اللى بتقطع جوزها وتحطه فاكياس وترميه للكلاب.

أ / أحمد عبد المنعم said...

بسم الله الرحمن الرحيم
أولا : هذه أول زيارة لمدونتك
ثانيا: لماذا أحسست بالرعب وانا أنظر إلى المدونة
ممكن يكون من الساطور الظاهر مع السهم
ولا من كلمة طهقا.. التى تضج بها المدونة
ولا من مضمون الكلام
ولا لأنك قد تكونين ظريفة جدا لدرجة أنك طهقت منها فقررت أن تشعرى الناس بأنك مش ظريفة

ذو الوجه المبتسم said...

السلام عليكم
تعرفى بجد مش باقدر امسك نفسي وانا اقرأ كلماتك
انتى فظيعة فظعنة
وخطيرة خطرنة
ههههههههههههههههه
ربنا يديم عليكى الابتسامة
الموضوع رائع جدا
ومفيد جدا
بس تفتكرى نعمل ايه
ولا الناس الغلابة اللى بتشترى الحاجة الرخيصة علشان تكمل الشهر وهى مستورة
ربنا يعفينا ويرحمنا
قولى لى بجد لما الحوار ده كله دار على الافطار
اكلتى ولا لا
شكلك فضلتى صايمة لحد السحور
تحياتى لابتسامتك

Anonymous said...

وحشتوني بجد

نلتقي بعد رمضان

لو في العمر بقية

كل سنة وانتو طيبين

مها ميهوووو

Anonymous said...

Thanks
Creat easily your blog and earn money with google adsense
Free Call World Wide Africa Europe America Asia USA UK Japan...
Templates For Blogger
Funny Photos

مدونة حكومتى ملاك said...

السلام عليكم ...

طهقانة..

مش لوحدك اللى طهقانة

كلنا معاكى طهقانيين ..

بس بعد الطهق ايه... هنعمل ايه؟

هو ده السؤال هنعمل ايه هنقف ساكتين ؟
ولا ايه ؟؟؟

تقبلى مرورى .

تحياتى .

عمار صبرى

NeRmeeN said...

كل سنة وانتى طيبة يا مدام طقهانة ..ورمضان كريم عليكى

كلام على بلاطة said...

كل عام وانت بخير

ahmed_k said...

(ظهر الفساد في البر والبحر بما كسبت أيدي الناس)
فعلا ربنا يسترها معانا
الضمير إنتزع من أغلب الناس
والطمع والجشع بيخلي الناس تنصب وتغش في كل شيئ

ومع إنتشار الرشوه والفساد في الأجهزه الرقابيه فكل سيئ جايز

ربنا يسترها من عنده

موضوعك جميل وإسلوبك في توصيل الفكره أجمل

تقبلي خالص تحياتي

Fahd said...

تذكريني بمسلسل ساكن قصادي


اوعي تكون المدونة دي مغشوشة


يا عالم

raspoutine said...

هم يضحك وهم يبكى
الغش بقى سمة من سمات مجتمعنا


ما علينا ربنا يرحمنا برحمته
اقوم بقى اشرب القهوة بتاعتى اللى معمولة من الفول السودانى ابو قشر
تحياتى

جنّي said...

السلام عليكم


تقبال الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر

ahmed_k said...

كل سنه وأنتي طيبه يا طهقانه

وعيد فطر سعيد

انت تسال والكمبيوتر يجيب said...

الأخت عبير كل سنه وزوار مدونتك بخير وصحه وسعاده
اول برنامج اذاعى عن النت والمدونات من الأذاعه الرئيسيه لمصر:انت تسال والكمبيوتر يجيب
http://netonradio.blogspot.com

موناليزا said...

تعرفى بجد بقت حاجة مستفزة
يلا حسبى الله ونعم الوكيل
***************************
كل سنة وانتى طيبة ياقمر ويارب يكون عيد سعيد علينا جميعا

ابو العربى said...

ايه يا شيخه فى ايه يا شيخه حرام عليكى هو كله كده
بس معلومه صغيوره الى علم الصين الغش احنا بلا فخر التاجر المصرى بيروح يفاصل مع المصنع الصينى وبيطلع عين امه ويقلو طيب خفلى من ده ونزلى من ده وده ملوش لازمه عشان تقف عليه البضاعه ببلاش
ولعلمك لو روحتى المنزله هتلاقى غش من نوع اخر هتحسى انك فى الصين من كتر المصانع الى تحت السلم الى بتضرب بضاعه
كنت هنسى
كل سنه وانتى طيبه
عيد سعيد بجد ده مش مغشوش ولا يمكن مغشوش كل الناس عيدت قبلنا
حتى العيد غشوه الحقونا يا بشر
تحياتى
ابوالعربى
الاصلى

ahmed_k said...

أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد

المستنصر بالله said...

هم يضحك وهم يبكى
كل دة من قله الدين ربنا يرحمنا من عنده

كل عام وحضرتكم بخير

عيدكم مباررك

تحياتى لحضرتك

Unknown said...

الكل بيقولكم:

كل عام وانتم بخير

بس أنا مش هقول زى الكل ولكن هقول:

أنتم خير لكل عام

وأهديكم عطر الورد وألوانه

أرسل خطاب أنتم عنوانه

أهنيكم بقدوم عيد الفطر

وأيامه

والود ودى.. اجمع كل ورد العيد

وأكتب على كل وردة :

يارب أشوفك سعيد

صبرني يارب said...

اولا سلام عليكم عشان اول مره اجي هنا

ثانيا انا عايزه ساطور زي ده يا اختي والنبى اصل حلو اوي وبعدين ينفع يعنى

وعندك حق فىكل كلمه قلتيها
انا بجد ما بقيتش اطمن لاي حاجه جايه من بره

عشان كده انا باعمل كل حاجه فىالبيت كل الى اقدر عليه
وامنية حياتي اشتري فدان ارض وازرعه بسماد بلدي واربي فيه حاجات وما احتاجش اي حاجه من بره الفدان ده
لكن عايزه حد يشتغل فيه اكيد مش أنا الى هاشتغل لا مش لدرجة الفاس والزراعه وحلب الجواميس
هههههههههههههههههه

الفراشة الصغيرة said...

كفاية يا بنتتى حرامى عليكى
طهقنا خلاص من البلد
كل سنه وانتى طيبه
تعالى خدى العدية بتاعتك من مدونتى

يا مراكبي said...

آميييين

ده أنا بأمن على دعاء أخويا طهقان اللي في آخر البوست

Anonymous said...

العيد فرحة
كحك
كحك
كحك

:)

مها ميهوووو

اوعى تفكر said...

ههههههههه
كل ده غش
امال ايه اللى نافع عندنا

koukawy said...

ربنا يرحمنا
و بالهنا و الشفا المسامير و النشاره
اهو ده بقي اللي يتقله مطرح ما يسري ....يهري

شهد الكلمات said...

ستنتنتنضموا الاذاعة المحلية الي اذاعة البي بي سي

هنا البي بي سي ان ان اااان
هنا البي بي سي ان ان اااااااااان
هنـــــــا البي بي سي
بقي للمدونين جروب ع الفيس بوك يا رجالة

شرفونا و نورونا بالزيارة و المشاركة
جروب خمسة تدوين
http://www.facebook.com/group.php?gid=31035659947

جروب لكل المدونين و محبي التدوين
هانلعب و نناقش و نعمل نشاط اجتماعي
عايزة حماس و نشاط و الاقي ناس بالميات و الالف واقفة علي باب الجروب عايزة تدخل
يالا مش ها كتر مستنياكم هناك

تحياتي

رينـــــــــــا said...

ايييييييييييه كميه الفساااااااااااااد اللى انتوا طلعتوها دى بجد
ينهار بجد مش ممكن انا مش لاقيه حاجة بقت كويسه
كله غش وبلاوى
طيب ال ايه اخبار الاكل اللى كنتوا بتفطروا بيه!!!

الجواز و سنينه said...

هههههههههههههههههههه
و الله ماشا الله عليكى
ليكى اسلوب اكتر من ائع
و برضوا كرهتينى فى كل حاجه
برافوا عليكى

Unknown said...

enti msh btktbi 7aga leeh?feen? :D

Matra7na said...

Hii everyone, this is Farah, a student doing a research about Blogging, momken please tes3dooni w te7elo l survey da???, I would be more than thankful


http://freeonlinesurveys.com/rendersurvey.asp?sid=3my3gf38kl7dwn4514955

I don't need your names or identities, they are totally anonymous

Thank you very much for your help