ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

اسهال و امساك



عزيزي القارئ... عزيزتي القارئة
هل تعاني من السكتة الزوجية؟
هل تعاني من امساك الكلام الذي يسبب شرخ في المحطة و بواسير نفسية من بعد
اسهال العواطف؟

هل اصابتك نزلة قلبية و أصبحت تعطس بمب العيد قبل اوانه؟

هل اصابك انفصال شبكي في الركب وكسر مضاعف في الترابط الاسري؟

هل لديك صداع في القلب مع نئح في الكرامة؟
هل لديك رشح في الحب و سخونة و التهاب في فقرات عش الزوجية؟
هل لديك هلاوس بصرية؟
هل تعاني من تسلخات في الكيان الاسري لم ينفع معها مراهم و لا سقسقة؟
هل لديك شد عضلي في المشاعر سبب لك كرامب في القلب؟

هل لديك بقابيش في اللسان. و احتقان في المزلقان سببت لك بكم عائلي؟

هل تعاني من هسس الكورة و مشاهدة الماتشات في الحلم و اليقظة؟

نحن لدينا الحل:
المجموعة الفضية للسيدات و تحتوي على:
انبوبة كريم ام نادية السحرية و التي تزيل اي اثار للقشف مع سفوف روح المرحومة كاريوكا و المخصص لتزييت الوسط مع غرغرة بماء النار لجلي الصدر من البلغم بالاضافة الى محلول ورق الجوافة
لنقع الرجلين للقضاء على الكحة
مع
شاي السوبرانو البنهاوي الجديد لشد الاحبال الصوتية لسهولة اصدار الاصوات و العبارات الكلاسيكية مثل: كان يوم ماطلعتلوش شمس ؛ كنتي فين يا لأ لما قلت الاه ، رماني ابويا و... قطفوني

و ايضا يتوفر لدينا
المجموعة الذهبية للرجال و تحتوي على:

حبوب الحاج لبلب اللي قهر عنتر، نشوق البردعي لعطس بمب العيد في وش الزوجة بتبادل الانتقادات على الريق
فيتامينات السريع المقوية على الخناقة الاسبوعية على مصروف البيت.

سرنجات الواثق لليالي السوداء ،و شامبو الانتكة المركز للقضاء على اللوك اياه (الفانلة و الشورت )
مع قطع اشتراك النت و قطع النور و الاكثار من الاطعمة الفسفورية و الخضروات الورقية و مقاطعة النعناع و الميرمية لما لهم من تاثير مهدئ و مرخي للعضلات.

كما نزف اليكم بشري سارة
نزل الاسواق كتاب
كيف تقضي على الطهق المنزلي بارخص الطرق
و نفاد الطبعة الاولى في 6 ساعات
دون نقطة دم واحدة

مقتطفات من الكتاب
*للقضاء على الطهق الزوجي عليك بالاستغناء عن المواصلات و الاشارات و الموبيلات و البحث عن جزيرة ليس بها انفلونزا الخنازير و لا قنطرة الفواتير و لا سياسة الحمير و الانقطاع عن سماع نشرة الاخبار و متابعة اسعار اليورو و الدولار و تجاهل الجو الحار و الهروب من الدار الى اعالي البحار

*عزيزي القارئ ..اعلم انك لا تستحق ان تتزوج هيفاء لانك من الاخر مش كاظم و عليك ان ترضى بنعيمة الصغير لانك خليفة عبد الرحمن القصري
*عزيزتي القارئة,, بوسي ايدك كوبي و بيست انك لقيتي شخص تخلى عن جزء من عقله و تزوجك و الا كان زمانك مبهدلانا وراكي بندور على كبش للفداء

حكمة الكتاب اعزائي العزاب و العوانس الوحدة تاج على رؤوس العزاب لا يراه الا المتزوجون

34 comments:

Appy said...

يعنى اخلينى قافشه فى التاج بس تعرفى ان برضه المرتبطين بتصيبهم الحاله دي بعد فتره اعتقد العيب مش فى الكلام اعتقد العيب فى خروج الكلام كله مره واحده يبقى تزودي اننا نحوش الكلام
كل سنه وانتى طيبه يا قمر

انا حره said...

هوا مفيش حد عاجبه حاله

السنجل عاوز يتجوز والمتجوز عاوز يتطلق والصغير عاوز يكبر والكبير بيرجع عيل تانى

ماعلييينا

رغم الحكمه الاخيره دى الا انى مصممه اعيش التجربه ومش مهم اندم

بس قوليلى هنا ايه المزلقان اللى فيه احتقان دا

(:

دعاء said...

ربنا يشفينا و يعافينا من كل الأمراض

والله يا اختي لا المتجوز مبسوط و لا العازب مبسوط

كل سنة وانتى طيبة
سلام

بثينــــــة said...

كاس ودايـــــر

رحمتك يارب

المهم حمدالله على سلامتك

إنـســـانـة said...

كلنا لها

:(

عاشقه وغلبانه said...

ماحدش عاجبه حاله.:((
كل سنه وانتي طيبه ياطهقانه
اخبار النونه الصغننه بتاعك ايه

نهــــــــــار said...

السلام عليكم....
الله يهدي الأمور
........
سبحان الله محدش عاجبه حاجه....
.......
والحمدلله على تاج العزوبيه...
......
في امان الله

عاشقه الرومانسيه said...

حمد الله على السلامه وحشتينى ياطهقانه
عامله ايه
معلش ياحبيبتى
هو ده حال الدنيا
كلها لها
مفيش حد هيعيش عازب العمر كله

شهد الكلمات said...

انتي حطيتي ايدك على سبب عزوفي عن الجواز يا ست طهقانة يا ختي

قطيعة ماحدش بياكلها بالساهل

كل سنةو انتي طيبة و بخير

تحياتي

صبرني يارب said...

حرام عليكى يا طهقانه ايه جودعان مش كده هاتطفشوا العيال من الجواز

ههههههههههههههههه

لا لا يا جماعه الموضوع مش كده ما تشمعوش كلام طهقانه دي بتهزر معاكم

t3ban said...

والله فكرة
الي يشوف هم غيره يهون عليه همة

Sharm said...

بوظتي الصيدلة

يا خوف فؤادي من غدي said...

حتخوفينا ليه من الزواج
ولا اقولك احسن كده عشان نحس بالنعمة اللي احنا فيها
رمضان كريم

Che said...

البوست ده انتى ممكن تدفعى عليه ضرايب عشان فيه اعلانات مباشره .... بس هعديها المره دى
كل سنه و انتى طيبه

Barracuda said...

كاااااااااااس وداير على كل الناس؟؟؟ واللا الستات هي اللي مش عايزة تعرف أن الحياة هي كدة اصلا ..وأي حاجة تانية هي استثناء.. ومع ذلك .. سكررررر


تحياتي العطرة

funckydoctor said...

هاها بوسى ايدك كوبى وبست
يعنى شعر ودقن :D
الحمد لله لسه عازب
بس أدوية الرجالة ده غريبة شويتين

م/ الحسيني لزومي said...

تقبل الله منا ومنكم
كع عام انتم بخير

المـــفـــــــقــــــــوعـــــة مــرارتـهــا said...

حمد الله علي سلامتك
يسعدنا ويشرفنا ان تنضمى الي فريق عمل مجلة ميكانو
ولينك المجلة هو
http://www.mikanoo.com
ويمكنك ارسال موضوعات للنشر علي ايميل المجلة وهو
info@mikanoo.com

المـــفـــــــقــــــــوعـــــة مــرارتـهــا said...

حمد الله علي سلامتك
يسعدنا ويشرفنا ان تنضمى الي فريق عمل مجلة ميكانو
ولينك المجلة هو
http://www.mikanoo.com
ويمكنك ارسال موضوعات للنشر علي ايميل المجلة وهو
info@mikanoo.com
مع تحياتى

خالتى بمبة said...

انتى حسستينى انى بتفرج على نشرة اخبار الخامسة والعشرين اوعى تكونى طهقانة ابو حفيظة جميل قوى الموضوع يا طهقانة بس كتري من مضادات الخناقات الزوجية ودخلى خدمة عمل البواسير بالليزر ولا اسهال ولاامساك مفيش افيد من خلطات طهقانة تخلى كل زوجة مش طهقانة جربوها هتلاقوها على شعرها تنور على جسمها تنور واتفرج يا سلام على طهقان بعد الفسفور هيبقى ولا عين القط على الطريق السريع تسلم اديكي يا قمر

يا مراكبي said...

طيب فيه سؤال .. هو ليه كلهن نعيمة الصغير أو بيتحولوا لنعيمة الصغير؟ وليه في بلاد بره ما فيش نعيمة الصغير دي خالص؟

علما بأن مش كل الرجالة زي عبد الفتاح القصري .. بالعكس .. كلهم زيي أنا كده .. زي حسين فهمي

:-)

أحسن تـستاهـل said...

المتزوجين بس؟؟؟ ده انتي مشكلة يا طهقانة
هههههههههههههههه
ما شاء الله على دماغك ايه ده
طب معلش اسمحيلي
هبلغ عنك وزارة الصحة والسكان للتنمية الزراعية

مها ميهوووو

Israa El-sakka said...

تصدقي انا طهقت ههههه الحمد لله اني مش متجوزة يا شيخة اسهال و امساك و برق رعد ياللا كلنا لها
مدونتك لذيذة

akeed said...

ربنا يشفينا و يعافينا من الامراض و خصوصا هذه الامراض اللى بتنغص على لواحد حياته

لاكن بالتفاهم و الحوار بين الزوجين تتحل اى مشكلة


تحياتى

قيس بن الملووووح said...

كل عام انتم بخير
تقبل الله منا ومنكم صالح الاعمال

حسن ارابيسك said...

العزيزة طهقانة
كل سنة وانتي طيبة والعائلة كلها بخير ويكون عيد سعيد عليكم وبعيداً عن كل تلك الأعراض التي ذكرتيها وربنا مايحوجش حد لأنبوبة كريم ام نادية ولا حبوب الحاج لبلب
عيد سعيد على الجميع
تحياتي

وميض ابتسامة said...

كدة برضه ياطهقانة تعقدى العزم على حل مشكلة المشاكل وتخلى الرجالة تنطق بعد طول خرس مشروع .. اكيد انت متسلطة علينا ولكن اوعدك اننا هنواجه اسلحتك بأخرى اشد فتكا ولن ننطق فى منازلنا ابدا
وكل عام وانت بخير

love_live said...

رائعه جداااااااااااا
هو ده حال واخره الحب هههههههههه

Tears said...

اسلوب ساخر جميل و لكنى اعتقد ان الزواج اذا كان مبنى على تكافء فى كافة النواحى زائد حب فصعب ان يصل لكل هذا

واحدة مفروسة said...

اين انت يا جميل
يا رب تكوني بخير
و كل عام و انتى و عيلتك بخير و سعادة

واحده من الناس said...

حلوه قوي
دمها خفيف
لكن كلام ومشاعر عيار تقيل

وكل سنه وانتي طيبه

هبة النيـــــل said...

حلووووووووووووووووووة

انتي بجد عبقرية

Anonymous said...

wow bgd gamda gdn tre2t ktabtk

مصطفى شعبان said...

شركة نقل اثاث بالقطيف
يوجد العديد من الأفراد التي ترغب في النقل من منزل إلى منزل آخر أو من مكان إلى مكان آخر ولكن لا تجد الوقت المناسب لكي تقوم بعملية النقل بشكل مناسب وصحيح وبالتالي يقوموا بالبحث عن شركات متميزة في عمليات نقل الأثاث بكل حرص ودقة شاملة ونحن شركة نقل عفش بالقطيف نقوم على إداء هذه الخدمة بكل عناية ودقة متميزة مع ضمان الجودة في الإداء والحفاظ على العفش من أي ضرر يمكن أن يحدث به أثناء عملية النقل.
تتميز شركة نقل اثاث بالقطيف بأستخدام أحدث وأفضل الأدوات اللازمة في نقل الأثاث المختلف بالمنازل حيث توفر أفضل الرافعات الخاصة بتنزيل العفش من الأدوار العالية كما إنها توفر احدث وأجود انواع السيارات الخاصة بنقل الأثاث من كافة أنحاء مناطق القطيف المختلفة بالإضافة إلى إنها مجهزة على أعلى مستوى من الدقة ومتوفر بها الأماكن المناسبة لوضع العفش في داخلها بطريقة آمنة.
شركة تخزين اثاث بالقطيف
كما أن سيارات النقل للأثاث تكون محكمة الغلق من أجل الحفاظ على العفش من عوامل البيئة أو الكسر والضرر أثناء النقل وتقوم الأيدي العاملة في الشركة على تخزين العفش وتغليفه بطريقة جيدة من خلال أجود انواع التغليف الآمنه والمختلفة والخاصة بكل نوع من قطع الأثاث المختلفة حيث إنها توفر مواد تغليق كرتوينة ومن الورق المقوي ومن الورق الفقاعي لحماية العفش في النقل .
https://forsan-elnil.com/movers-in-qatif-477094/
https://forsan-elnil.com/index-phpid3/