ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

مين يزعق الأول


ظبط المنبه يوم الجمعة اللي فات على الساعة 7 صباحا، و طبعا كلنا عارفين ان يوم الجمعة فاكانس و كونجيه ،بس انا كنت عايزة اصحى الاول قبل طهقان علشان ابدا اليوم من ((ناحيتي))0

و طبعا اللي مش متجوز مش حيفهم النظرية دي و لذلك حشرحهالكم يلا طلعوا الكراريس(الكايه)
اليوم اللي طهقان يصحى فيه الاول و يبدأ فيه بالزعيق و الشخط في العيال ؛ اقوم انا على ملا وشي و اقعد اهدي فيه و اسايس في اعصابه علشان يهدى و انفذ له كل طلباته عملا بمبدأ اوعى من وشه الساعادي و بما اني تعبت من المدادية و الطبطبة و بونو بونو؛ فقررت اني ابدأ انا الزعيق و الشخط يوم الجمعة على الريق على اتفه الاسباب - زي ما هو بيعمل- و اشوف هو حيعمل اية ... اتنديه


و فعلا دخلت الحمام لقيت الفوطة مش في مكانها رحت فاتحة الحنجرة و بدأت في وصلة زعيق سوبرالي-وده ملوش اي علاقة بالسجاير السوبر و لكن ينتمي الى الغناء الاوبرالي بس النوع العالي منه-وتهديد و وعيد للعيال و اضرب المربوط يخاف السايب و معروف من اول بوست مين هو السايب


عنها و صحي سي طهقان و قالي: مالك بتزعقي على الصبح كده ليه
طهقانة: شوف احوال البيت السايب ده اللي مش لاقي حد يحكمه
طهقان: طيب اهدي بس كده فيه اية؟
طهقانة: مفيش حاجة في مكانها و العيال مش بيسمعوا الكلام و مش بيخافوا منك ..سيتامبوسيبل
طهقان: طيب اقعدي في حتة بس و انا حشوف في اية

و بكده ثبتت صحة نظريتي و بدأ طهقان يهدي فيا و انا ازودها علشان انعم بمساحة أكبر من الطبطبة و المدادية ...يعني يا سي طوطو لازم ازعق و افتعل النرفزة علشان تسحب ناعم معايا و تبقى كيوت ؟؟ هو لازم يكون في حد فينا متعصب و التاني يعمله الكمادات؟؟!! ليه منبقاش احنا الاتنين رايقين و حلوين مع بعض و زي السكينة في السيمون فيميه؟!!!!0

سيترو 00 يجوا يشوفوا اللي عايزين يتجوزوا و يقولوا يا جواز

و نجحت نظرية اللي يصحى بدري يبتدي اليوم من ناحيته و اتغدينا برة اليوم ده و العيال هيصت و انبسطت صحيح انا كنت مصدعة من الصحيان بدري، و دماغي ناقصها مفتاح انجليزي يلف الصواميل اللي اتفكت من الزعيق ؛ بس فرحت اني كسبت يوم من ال365 يوم فيه حنية و طبطبة

و صدق الرائد المجدد الحكيم حكيم حيث قال:0

ان مكنتش انت تدلعني مين حيدلعني

حاجة تطهق بجد
اوروفوار
إمضاء

49 comments:

محمد عبد الغفار said...
This comment has been removed by the author.
لماضة said...

هههههههههه
انا عرفت ليه دلوقتى بعد 25 سنه ليه ماما بتصحى بدري كل يوم جمعة
ازيك يا طهقانه وحشتينى والله العظيم
قوليلى صحيح انا بخمن كده انك مدرسة فرنساوي
لغه عاليه قوي
:))

محمد عبد الغفار said...

كومانتاليفو

مش هعلق واقول غير طهقت من غيابك

يخرب بيت الشغل على اللى بيشتغلوه واللى عاوزين يشتغلوه

أوروفوار

bastokka طهقانة said...
This comment has been removed by the author.
الساحرة said...

نظريتك صح جدا

لما بيبقي الولادغلطانين لما ازعق يفضل يهدي الموضوع ويحايل فيه

انما لو هو اللي بدا يبقي يوم مش فايت

وبعدين اللي يلاقي دلع وميدلعش
ربنا يوديه النار

حمدالله علي السلامه
متتاخريش تاني

Desert cat said...

طهقانة انا مصدقتش لما شوفت ردك عند فرنسا هانم
جيت اشوف جديدك
عودة قوية يا جميل
ما تغبيش تانى بقى علشان انتى وحشانى جدا
بالنسبة لنظرية اللى يصحى بدرى يزعق الاول طالما اثبتت نجاح
يبقى اشغلى بيها على طول بقى
تحياتى ليكى و لاستاذ طقهان

FaceMoon said...

طيب ياطهقانة ممكن اعمل انا كدة مع بابا وماما عشان طهقونى هما كمان شكلهم بيتبعوا نظريتك بس بدال ما واحد بس اللى يزعق والتانى يدادى الاتنين بيزعقوا وانا اللى بدادى
قوليلى بقى اعمل اية ؟؟

بنت القمر said...

وحشتينا بجد
وحشتينا مش تغيبي كتير كده بس سؤال
ولو اني اعترف جدا بصحه نظريتك جدا
وهي المثل الشعبي
خدوهم بالصوت لا يغلبوكوا
بس اموت واعرف.. انتي ازاي بتحرقي خططك الاستراتيجيه كده
هو مش طوطو متابع المدونه
طب ما هو كده عرف سر الخلطه؟؟

Ahmed Mubarak said...

اخيرا .. والله تصدقي انا كنت زعلان منك موت علشان الغيبه ديه .. بس هعديهالك المره ديه

طيب انا قدامي بتاع 5 سنين واتجوز .. وهبقى اطبطب على مراتي علشان تحبني .. والاهم اتقي شرها

بجد افتقدناكي اوي
تحياتي

ام الابناء said...

السلام عليكم ورحمة الله وبركته

اولا عودا حميدا يا طهقانه
كنت فين من زمان افتقدناكى جدا

تانيا بوست جميل كالعاده طبعا

لو صحت نظريتك
كل الزوجات هى اللى هتبداء الزعيق الاول علشان عملا بحكمة طهقانه زعق للمربوط يخاف السايب

متتاخريش تانى علينا

حمامة said...

صحيح وليه ميبقاش يوم لذيذ
هو الزعيق ده مقرر يعنى

aya said...

ياااااااااااه
الف حمدالله على السلامة يا طهقانة
كنتى فين يا بنتى
واخبار طهقان ايه
ربنا يطمنا عليكم
وعلى فكرة ده درس جامد جدا بالمنهج كله
انا هاكتبه عندى لحين ميسرة
واوعدك امشى عليك

بجد وحشتينا

اتوت الوير

t3ban said...

هو ليه الجواز بقي يساوي عكننة
طوب و النعمة لو اطسيت في نظري و اتجوزت وصحيت علي صوتها بتزعق في التليفون
لا روحها لمها في عربية مطافي

محمد عبد الغفار said...

جى سوى ترى كونتان عشان توى ايه ترى بون

النظريه صح تمام بس تنفع مع اللى قلبهم طيب فقط لأن ليها نظريه مضاده بتصيبها بالشلل والأنهيار التام

وهى ان الراجل يصحى يلقى الهوسه اللى الست عملاها على الفاضى ويهرش القصه فيجى قالب وشه وقايل
ايه الزعيق والدوشه اللى على الصبح ده حتى يوم الأجازه ياربى ده بقة عيشه تقرف والله منا اعد لكم فى البيت
ويروح خارج وسايبها تاكل فى بعضها

هع هع هع هع

اتيوت الير

يا مراكبي said...

أنا مش هأعلق إلا في وجود المحامي بتاعنا

إنت فين يا طهقان .. إزاي تخيل عليك الشويتين دول؟

بثينــــــة said...

تصدقي صح بجد
بس المشكلة اني انا ماقدرش ازعق عالصبح حتي ولو تمثيل لأن ساعتها هاصدق نفسي لأني عبيطة وهافضل طول اليوم مقريفة
يعني لو لو لو حصل وصحيت يوم الاجازة بدري هاستخسر اضيعه في التجربة وهاحاول أكسب اليوم من ناحيتي
واعمل طبق فول بالليمون يكتم علي مراوح أي حد يخطر في باله يزعق
وما أدراك ما طبق الفول عالصبح
بيكتم الأسبوع كله
ويلكم بااك
ان انجليش
:D

الربان said...

تحياتي

وجهة نظر...ربنا ستر و مشيت معاك...
لكن... الاطفال المساكين ما ذنبهم حتي يستمتعوا بالصوت الاوبرالي السوبرانو
يوم الاجازة...سواء من طهقان او طهقانه....

ياريت يكون فيه اتفاق مثل اتفاق الحديبية ...يعني يوم الاجازة لا يوجد عتاب و لا زعيق و لا اي شيء يعكر صفو
الجو الاسري........

تحياتي و تقديري

الطائر الحزين said...

سمد له على الحلامة

قصدى حمدا لله على السلامة

يوم الجمعه
فيه زعيق كمان


طيب سيبوا يوم يا جبابرة

Ma 3lina said...

وحشاانى مووت مش معقول الغيبة دى

النظرية بتاعتك 100% صح

و على راى المثال اغلبوهم بالصوووت

nana said...

انا حعمل كده مع اخواني واشوف النظرية التحفة دي
بس طولت الغيبة علينا فينك من زمان
وحياة طوطو ما تتأخريش علينا

رئيس جمهوريه نفسى said...

هو بجد منكم نستفيد وشكل النظريه فى التطبيق حلو بس مش حجربها غير لما اتجوز
بون وى

la3lahakhier said...

على فكرة بقى خدوهم بالصوت افشل طرق التربية
للعلم بس

أسامه يوسف said...

طهقانه
ياهوووووووووووووووووووووه
فينك من زمان انت وطهقان
هو الحياه بأت سمنه على عسل ولا إيه

يارب تكون كده بس بردو مش تنسونا

على العموم نظرية اللى يصحى الأول ويزعق ينال الطبطبه دى لسه مادرستهاش

الظاهر كده انها هتكون فى الفيزياء بتاعة اولى ثانوى يعنى السنه الجايه
وربنا يسهل

تحياتى

mady said...

النظريه دي متخرش الميه
يعني مش زي الحنافيات السكه
لا ده الماني
الماني جدااااااااااااا
لاني النظريه دي كانت غطسانه مني فين
بس في حاجه الخطه بتاعه سبقنني وبكي دي
بتعملها جدتي
بتصحي قبلنا كلنا
هي ميتنامش اصلا
عشان تشوط من البلكونه
بوسط جميل جدا

Soooo said...

طب والله العظيم وحشاني وواحشني مواضيعك وكنت قلقان عليكي وعلى طوطو
لكن الحمدلله انك بخير انتي وهو والاولاد
----
لما قلتي (اللي مش متجوز مش حيفهم النظرية دي) لقيتني اتشديت قوي كده وقلت ايوه هتقول حكمه لينا وللزمن
وفعلا لقيتك بتقولي حكمة حلوة قوي باسلوبك الساخر المميز

ماتغيبيش عننا تاني
عايزين موضوع كل يوم




سلامووووووووووز

ٍSOU said...

انا بئة ياسيتى عكسك تماما يوم الجمعة دة بالذات بتعمد انى اصحى بعد الصلاة عشان مالقيش حد فى البيت..اى نعم باقى الايام بصحى بدرى نسبيا عن يوم الجمعة بس دة لسبب وحيد انى بصحى اغسل وشى و البس و هوووووب ع الشارع..اصلى لا طالبة ازعئ و لا يتزعئلى و لا حتى انى اسمع اى زعيئة موجه لاى شخص..بس نظرية حلوة

خمسة فضفضة said...

السلام عليكم ورحمة الله وبركاته

طهقاااااانه ..اخيرا

كنتي فين يا ستو انا وحشتينا مووت موووت مووت

حلوه نظريتك دي هاحاول اطبقها واشوف بس ربنا يستر وتنفع معايا

امووووووووووووووووووووه اورفورار

Sara Swidan said...

أخيراً بوست جديد يا شيخة ..

دة إيه الذل دة ؟؟

Marvel said...

ده بوست جديد فعلا...يعني مش كدبة ابريل ولا حاجة
:)

الواحد يكتب النصيحة دي في الكراسة...اصحى يوم الجمعة مبكرا واغسل رجلك قبل ما تنام

طهقان said...

إلى كل المتجوزين
وكل الملهوفين على الجواز

النظرية دي سلاح ذو حدين

تعتمد على مود الطرف الاخر
فاكرين فيلم الشقة من حق فتكات ؟

لما في نهاية الحوار محمود زايد قال لمعالي عبد العزيز
يعني أطلقك وتسبيني أنام
؟

وهوب راح راميها في وشها باليمين

لذلك
الحذر الحذر من تطبيق هذه النظرية بغشومية
لابد من الحمكة والخبرة

وبالتوفيق لجميع المتقندلين

أم أحمد said...

تصدقي خليتيني آخد بالي من الموضوع ده
انا لما بزعق بلاقي جوزي بيجر ناعم
بس مرة فعلاً زعقت وهوماجرش الناعم
كنا هانطلق ياوختي ومانجلكيش في حاجة وحشة

الباحث عن الحقيقة said...

انا هاخد لينك الموضوع ده واروح احطه في مدونة طهقان
اه ماهو الرجاله لبعضيها ولازم نقف جنب بعض
برضون يا مدام
بس يظهر ان دى اخر جمعة هتشوفي فيها طبطبه
هههههههههه
وبعدين هو المتجوزين بيحصوا يوم الفكانس علشان يتخانقوا
ايه الهنا ده
زغرطي ياللى انتى مش غرمانه
سلام

mostafarayan said...

بصي هو انامش متجوز لسة فعلشان كدة الحوار دة لسة ماتجربش فيا
بس كويس هبقي اطبطب انا من نفسي مش طالبةزعيق
بس بجد انت ست زكية قوي
بس هومافيش حل تاني علشان جوزك يطبطب ويدلع وكدةغير موضوع مين اللي يزعق الأول دة؟

Whispers just for a Night said...

مدام طاهكانو

كمون تا لي فو؟ جو في آ لي كول. جو في أو لو جاردا
ودا آخري

هههههههههههههههههههههه

حلوة نصيحة الجمعة دي....

ودا أبل الصلاة على طول ولا بعد ما ينزل يجيب الجرنان والفول؟!

فينك ياعم طهآن!

إحترامي وتقديري

أحلام عمرنا said...

انا أول مره ادخلك بس بجد انتي تحفة
اتمنى نكون اصحاب واتمنى منك انك تسيبي كومنت ليكي عندي عشان ادخلك على طول
سعيد جدا بمعرفتك
وربنا يوفقك

DayDreaming said...

ايه ده؟ انا كنت فاكره ان فيلم يوم الجمعه ده عندنا بس طلع ده العادي
طيب ايه السر في يوم الجمعه بالزات اللي بيخلي الناس تصحى عايزه تزعق خصوصا الرجاله ما هو السبت اجازه برده!!بس تشكري ع النصيحه الغاليه دي

appy said...

اولا حلوة نظريه المؤامرة دى جدا ومبسوطه بيها وان شاء الله انفذهها حتى مع خطيبى اى حاجه يعنى

بجد نورتى البلوج سبوت تانى انا قريت كل مدونتك متغبيش تانى

يوميات أم حديثة الولاده said...

مين سمعك يا طهقانه..أنا عارفه ملحوئين عالجواز على إيه!!!!

Om Dodo said...

أهلا يا طقهانة
نورتى مدونتك
حمدا لله على السلامة

صدق مخترع نظرية " الهجوم خير وسيلة للدفاع "

الصوت العالى برضه وزنه تقيييييييييييل
بس مش دايمااااااااااااا


وربنا يجيب العواقب سليمة

أ بيانتو

monaliza said...

ايه يابنتى الحلاوة دى
بجد منكم نستفيد

سمراء said...

اوو نو سيتروا
كانت غايبة الفكرة دي عن الستات فين
حلوة اقوي
وانا عندي فكرة يوم الخميس الستات تنام بدري علشان تصحي فايقة للزعيق

صحيح كيد النسا غلب كيد الرجال
احييكي
فعلا اسلوبك الساخر شيق جدا
سمراء

son's egypt said...

السلام عليكم
اظاهر مبداى اللي يلحق يفوز

momken said...

طب نفرض ان طهقان كان صحى من احلاها نومه على صوتك الرخيم وانتى بتصوتى وقطعتى احلى احلامه طبعا عارفه بيحلم بمين....ايوة صح..بيحلم بيها
وجالك وهو مخضوض وراح رافع ايده ومنزلهاش
وطبعا يومها مافيش غدا بره
ولا حتى حتى غدا جوى

كان هيبقى الوضع ايه

او نفرض انه طنش خااااالص وسابيك لحد ما تسكتى لوحدك او احبالك الصوتيه تتقطع

كنتى هتبقى مسكينه عامله تشدى فى حبال جديده
ــــــــــــــ
البوست دمه زى السكر
والله انتى وهو ربنا بيحبكوا علشان انتوا لاتنين اتجوزتوتوا اتنين دمهم شربات


تحياتى

واحد من البلد دى said...

البوست يجنن...أنا بقى عارف النظرية دى من زماااااااااان.....علشان كده من ساعة ما إتجوزت..........عمرى ما نمت..ههههههههههه و زورونى فى البلوج مرة ويا ريت تعليقكوا بالمرة ياريت تعليقكوا بالمرة...(مع الإعتذار ل سيد درويش)

Anonymous said...

حمد لله على السلامه ياطقهانه

Whispers just for a Night said...

السيدة الكريمة

تابعي على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html

وجزاكم الله عن نبيكم خيراً

Anonymous said...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

Anonymous said...

福~
「朵
語‧,最一件事,就。好,你西.............................................................................................................
..................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول