ممنوع النقل أو إعادة النشر و من يفعل ذلك يعرض نفسه للدعاء عليه بالحرق بجاز
RSS

أشباح في بيتي


طهقانة:الو..طوطو..انا بشوف أشباح بتتحرك في الشقة
طهقان: اقفلي يا ماما انا عندي شغل
طهقانة: الو ماما انا بشوف اشباح بتتحرك في الشقة
أمي: قومي بس جربي كيكة المايونيز اللي قلتلك عليها حتعجب الاولاد قوي
طهقانة: سوسو انا بشوف أشباح بتتحرك في الشقة
سوسو:هههههه طيب نعملك زار بقى!! استني حعدي عليكي كمان ساعة ننزل نروح تشيلز بيبقى رايق الصبح

طيب اكلم مين؟ مين ممكن يتفهم احساسي و يصدقني اذا كان جوزي مش فاضيلي و ماما و لا على بالها و سوسو بتسخر مني
يا اخوانا انا بشوف اشباح بتتحرك في الشقة و بسمع اصوات تكتكة و نقر و انا نايمة و يوم الجمعة اللي فات المخدة اتشدت من تحت راسي و صحتني من النوم ده غير الانفاس اللي بسمعها ورايا و انا واقفة في المطبخ كان في حد معايا في الشقة


الحكاية تبدأ أول ما قررت اخد اجازة من الشغل و ارتاح في البيت و اتفرغ للاولاد و لسي طوطو كنت في الاول منسجمة جدا و مرتاحة للقرار ده بس مع الوقت بدات احس بالملل و تظهرلي الحاجاتي دي.. الغريبة ان اول ما الاولاد بيرجعوا من المدرسة كل شئ بيختفي

جبت كاسيت و شغلت شريط قران لسورة البقرة طول اليوم و كل يوم.. بس احساس الخوف جوايا و الاشباح اللي بتتحرك في ركن عيني و انا قاعدة على الكمبيوتر مثلا مش قادرة اتغلب عليها

حاولت اتكلم في الموضوع ده مع طهقان بس هو بيعتبرني بخرف و مش بيديلي اي تركيز او اهتمام يعني انا لو مش ست مؤمنة كنت لجأت للدجالين و بدأت بقى ابخر و البس سبح و اعمل حركات حابس حابس دي


طيب انا سامعة صوت كركبة في المطبخ دلوقتي و انا بكتب لكم و الغريبة اني اول ما ادخل المطبخ و انور النور الصوت يختفي لا انا لازم اروح لدكتور نفساني انا باين اتجننت

بعد ساعتين


دخلت المطبخ لقيت الفازة اللي فيها الزرع واقعة على الترابيزة شوفتوا بقى في حاجة مش طبيعية في البيت اتصلت بطوطو و قلتله: انا لايمكن ابات في الشقة دي تعالى حالا شوفلك حل

و بعد شوية

طهقان: اية يا ماما جيباني على ملا وشي ليه فيه اية؟

طهقانة : شوفلك حل انا مش مجنونة انا بسمع كركبة في المطبخ و بشوف اشباح بتجري في الشقة اتصرف انا حتجنن

طهقان: طيب اعمل اية؟ اسيب شغلي و اجي اقعد جنبك و ....و بينما نحن في هذا الحوار و اذ فجأتا نسمع صوت حاجة بتتكسر في المطبخ
لا ده بقى صوت واضح و جلي و مش تهيؤات و طهقان سمعه معايا كمان

جرينا على المطبخ انا و هو لقينا البولة البايركس بتاعة السلاطة اللي كانت على الرخامة واقعة في الارض و متدشدشة ميت حته

طهقانة: (بصريخ)صدقت....انا مش بيتهيالي.. شوفت بعينك؟؟ انا لايمكن اقعد في البيت ده ساعة واحدة انا رايحة عند ماما
و فجأة

عااااااااااااااااااااااااااااااااااااااااااااااااااا ياااااااااااااااااااااااع يييييييييييييييييييييييه
فـــــــــــــــــــــــــــــــــــــــــــــــــــــــــــاااااااااااااااااااار

و في تصرف لا ارادي بحت و لا ينم عن اي شئ البتة .. طلعت وقفلت باب المطبخ على طوطو و هو محبوس في المطبخ مع الفار و عمال يخبط بهستيرية على الباب و انا ماسكة الاوكرة من برة و عمالة اصرخ
طهقان:افتحي يا طهقانة خرجيني
طهقانة:لا يمكن لو فتحت الفار حيخرج برة
طهقان:طلعيني من هنا بقول

طهقانة:لاأأأأأأأأأأأأأأأأأأأأأه


و بالاتصال ب 911 اقصد بالبواب طلع يجري و انا دخلت الاوضة و قفلت عليا و سمعت صوت طراخ و بوم و ديش و حاجات من دي و فجأة دخل عليا طوطو و هو وشة زي الجزرة و قالي

طهقان:خلاص موتناه

طهقانة:بجد احلف

طهقان: انت ازاي تقفلي عليا الباب و تسيبيني مع الفار لوحدنا اقصد في المطبخ يعني


طهقانة: علشان تصدق اني كنت بسمع اصوات و بشوف حاجات بتتحرك

طهقان:اهو كان مسليكي و عامل لك حس في الشقة

طهقانة:كده طيب انا غلطانة اني ندهت البواب كنت سبتك تتونس بيه

اما فعلا راجل يطهق
إمضاء

61 comments:

محمود علي said...


حرام عليكي
تسيبي الراجل لوحده مع الوحش ده

فعلا الانسان بيبان في اوقات الشدة
بس بيني وبينك يستاهل
علشان مكنش مصدقك

لماضة said...

ههههههههه
والله كنت حاسه لانه حصلى حبست الواد اخويا مره بنفس الحركه
بس دخلت لاقيته مغمى عليه
هههههه
بس مش حرام تسيبى الفار مع طهقان
افرضى الفار كان جاله سكته قلبيه ولا حاجه
دول ارواح برضه

اسكندراني اوي said...

ههههههههههههههههههههههه
بوست ولا اروع
انا توقعت كده برضه لان الحاجات دي ما تحصلش الا لو فيه فار في البيت
هههههههههههههههههه

عموما الحمد لله انه تم القضاء على المذكوووووور

عموما ما تبقيش تسيبي طوطو لوحده تاني فع الفار


تحياتي

EmY said...

الفار ده اكيد طهقان هو الي مأجره و يستاهل الفار عقابه بحبسته مع الفار بس انتي طيبه جبتي البواب انتقذه

esraa said...

الحمدلله انه طلع فار في الأخر

لما حبستي طهقان مع الفار فكرتيني لما منة أختي حبستني مع الصرصار
(:

وبردو خرجت اقولها انه مات رغم اني مكنتش متأكده من الموضوع ده

انا عملت اللي عليا ورشيته وخلاص(:

المهم انك دلوقتي تقعدي في الشقه براحتك ومن غير ماتسمعي اي حاجه

خمسة فضفضة said...

السلام عليكم ورحمة الله وبركاته

هههههههه
الله يكون في عونك يا طهقانه حصلي الموقف ده زماااااان بس الحمد لله ماطلعش ان الفار دخل ولا حاجه كان مجرد انه قرض سلك الشباك بس

بس بصراحه عشت فتره من الرعب الفظيع ابص يمن وشمال وافتح الدواليب وشد الكراسي ، لحد ما تاكدت ان الحمد لله مافيش فيران ولا حاجه

sally said...

الناس فعلا ما بتبانش غير ساعه الشده
و انتي سبتيه فريسه
اه يا مفتريه

صاحب البوابــة said...

منذ فترة طويلة

لم اهبط في مدونتكِ بسبب ظروفي

لكنني كلما هبطت

اجد ما اعلنته لكِ عرضاً منذ فترة

ما زال سارياً

لا بُد ان تنشري تلك الكلمات

فأنتِ كاتبة رائعة

تحياتي

عصفور المدينة said...

لي موقف مع مع فار من كام شهر سمعت صوت في كبوت العربية وانا رايح الشغل كنت مستعجل رحت الشغل وأنا راجع نفس الصوت بافتح الكبوت هاها نط لفوق بس ضخم ويظهر كان مزنوق
ورزعت الكبوت والشارع كله بص مش باخاف بس عنصر المفاجأة


أما موقفك ده بقى أول زواجي رجعت من الشغل لقيت زوجتي واقفة على السرير بالجزمة والشراب أتاري إيه فيه مجموعة وجبت اللزق واللانشون والجبنة الرومي وحطيت على ورق كرتون في كل مكان وكانوا يتقافزون فوقيها ويعدو
وكان الكلام ده في السعودية
بس تخلصت منهم نهائيا بعدج عدة أيام وهم سلالة غير اللي هنا حجم صغير بس قوي جدا
المهم قعدت 9 شهور ومافيش حاجة بعد ما قفلت كل المصادر المحتملة

جيت مصر وأنا قاعد ألاقي اللي معدي
آه صرصار مش مشكلة
بعد شوية أتأكد لقيته واحد من هذه السلالة
هاها
جه في الشنط
وعلى الفور تم التعامل معه وكانت دي حتبقى اختلاط العنصر الجرذاني مع العنصر الفيراني
:)

على فكرة زوجتي فضلت واقفة بالجزمة ع السرير يومين

ومرة في المصيف لقينا فار ضخم المهم نجحنا في حبسه في غرفة وفضلت مقفولة اسبوع لحد ما مشينا

أسامه يوسف said...

بأه يعنى بعد البوست اللى فات
والمدح فى طهقان
والرومانسيه واعزف ياعمر ياخيرت
تغدرى بالراجل وتسيبه لواحده فى مواجهة الفار
لالالالا مالكيش حق أبداً
ثم خدى بالك إنالعفاريت مش بقت تخوف دلوقتى
آآآآه
من بعد ما لغوا الدعم عنهم وهما يعينى طالعان عنهم ومفحوتين فى مصالحهم الحكوميه
ده حتى شغل بعد الظهر -تخويف الناس- ماعدش جايب همه
يلا سلام

حصان بري said...

هههههههههههههههه
و في تصرف لا ارادي بحت و لا ينم عن اي شئ البتة .. طلعت وقفلت باب المطبخ على طوطو و هو محبوس في المطبخ مع الفار و عمال يخبط بهستيرية على الباب و انا ماسكة الاوكرة من برة و عمالة اصرخ

سرعه وحكمه في التصرف يا مدام:)
بوست دمه خفيف

إنـســـانـة said...

هههههههههههههههههه دى ضحكة على البوست

هههههههههههههههه ودى ضحكة على طهقان وهو محبوس ياعيتى

هههههههههههههههه ودى ضحكة على تعليق الاستاذ عصفور المدينة

:D

اهم حاجة حكاية الفار دى .. انا بيتهيألى ان اى بنت حيجيلها عريس حتعمله اختبار الخوف ده

ماهو لازم يحميها

اه اومال ايه

:D

سلاااااااااام

shahy said...

غريبة قوي حكاية الفيران دي
لسة ماما كانت بتكلمني وبتقولي انهم كتروا اليومين دول جدا ومش عارفين اية السبب بس انا بقول يمكن القطط قلت والا حاجة او عملت معاهدة سلام مع الفيران

اما عن التصرف الاارادي فهو غصب عنك وكويس انك عرفتي تتصرفي وتتصلي بالبواب

سلام

يا مراكبي said...

أنا ما بخافش من الفيران .. لكن أنا بقيت قلقان قوي على أخويا طهقان .. إختفاؤه ده شكله كده بفعل فاعل

Doba said...

دى مخلوقات صغنونة كميلة
يمممممممممم

انا عندى فى المنطقة من النوع الكبير قوى ربنا يستر وميدخلوش ياكلونا واحنا نايميين

تحياتى
هبة

Salwa said...

حركه حبس طهقان دي
حركه جامد جدا

يالا مقدر ومكتوب

جميل البوست
تحياتي

oceaneyes said...

ههههههههههههههههههههههههههههه

مش قادرة خلاص ...موتينى من الضحك يا طهقانة

هههههههههههههههه

ربنا يكون فى عونك يا طهقان ...انا معاكى ان تصرفه بإنه ما كنش مصدقك حاجة تطهق وتغيظ بس مش لدرجة انك تحبسيه مع الفار


.....

كل مدى بحب المدونة بتاعتك اكتر ..بحسها طبيعية اوى وحلوة اوى اوى اوى

....

تسلم ايدك يا جميل على الاحداث الحلوة دى

....

Mohamed_sobhy84 said...

و الله حظه حلو برده فيران القاهره حلوه و صغنتوته
يعني مثلا ابويا دخل الحمام بالليلمره لقى فار راح مسكه بأيده و كسر رقبته في منطقه مهجوره ابويا لقى فار بنفس حجم القطه طبعا صعب يقتله فده هشه بره البيت
يا عيني عليك يا طوطو

اوفوار

سمـــــــــــا said...

تصدقى انتى بتهرجى !!!!!!
لانى فعلا عيشت اللحظة وحسيت بالاشباح وهما بيتنططوا حواليا وخصوصا انى قاعدة فى الشغل لوحدى دلوقتى .. انتى عارفة بقى ان الاشباح ارحم من الفار بالنسبالى .. ربنا يستر


لأ ياعم انا هقوم اروح اضمن احسن حاجة تيجى تقرومنى وانا قاعدة فى الهدوء دا

موضوع سكر

تحياتى يا قمر

حبة حاجات (ايمان) said...

احسن هما مايستهلوش غير كدا

بس برضه يعنى حبه حبه ععليهم

انا اول مره ازور مدونتك وبجد عجبتنى

للامام دايما

RealMan said...

احمدي ربنا انه طلع فأر ومطلعش عبد الجبار.

وبعدين يا طهطا هانم تقفلي الباب علي طوطو برده انا لو مكانه كنت جبتلك عيله الفار كلها وقلتلهم انتي الي قتلتي الفار الغلبان قريبهم وما يتكفلوا بيكي بقي وانتي لوحدك في الشقه.

YHYيــوســف الـمصـرى said...

السلام عليكم
هههههههه
شكرا على البسمة دى
تحياتى

shayma said...

هههههههههههه
بقى تحبسى طهقان الغلبان مع الفار
ايوة غلبان
مهو اى حد مكانه هيبقى غلبان
بس تحفه والحمدلله انهم مطلعوش اشباح
هههههههههههههه
سلامى يا جميل

مـخـطـوبـه said...

اول مره اشوف تدوينه نصها رعب و نصها التانى كوميدى
عجبتنى اوى اوى اوى
و ربنا يعوض عليكى ف الفازه و البوله البايريكس و اى حاجه تانيه اتكسرت بفعل الاشباح ;)

قوت القلوب said...

ههههههههههههههههههههههههههههههههههههههههههههههههه

والله انا وقعت على الارض من الضحك

بس ربنا يعينه لما اتحبس في المطبخ.انا لو بشوف صرصار بسوط..ما بالك فار ممكن اروح فيها


واستاذ عصفور المدينة..ههههههههه ربنا معاك


متغيبيش علينا كتير بقى يا طهقانة

أرق تحياتي

ody911 said...

هههههههههههههههه

طيب كويس إنو طلع فار

أنا أعرف واحد صاحبى كانوا بينامو جنبو على السرير

ويلعبو معاه كمان

يخبو الحاجة منو ويقعد يدور عليها

مرة يلقيها فى الحمام

مرة فى البلكونة

وكانو سعات بيعملو حركات جدعنه

يعنى مثلا يدخل المطبخ يلاقى علبة لبن لسة مقفولة

شغل عالى

الحمد لله إنها جت على قد فار

عادى بقة
أودى

ody911 said...

وحشنى كلامكو بجد

ووحشتنى مدونتك يا طهقانة ويا طهقان

معلش كنت مشغول الفترة إللى فاتت

بس لا تقلق

كلنا لها

وفار فار أحنا بيهمنا

أودى عادى بقة

son's egypt said...

السلام عليكم
تصدقني لو قلت ان الموقف ده حصل ما والدي الله يرحمة برضوا كان في فار مجنناه يدخل الشقة ويقفد يلعب في كل حته
بس ابويا هو اللي حبس نفسه معاة وحلف انه يموته اليوم ده
وفعلا جاب اجلة وامي ارتاحت لانها كانت برضوا بتخاف من الفيران ولحد دلوقتي
تقول اقفلوا البلوكنه كويس انا مش ناقصة فيران
وكده

Soooo said...

اهو انتو كلكو كده يابنات حوا
تستنجدو بينا وعند اول منعطف ترمونا وخلعووووون



نصيحه ليكي .. هاتي قطه بلدي في البيت
هي صحيح مش هتعمل حاجه للفار .. بس الفيران بتخاف من القطط


سلاموووووووووووووز

رئيس جمهوريه نفسى said...

والله كويس حركه النداله دى تبيعى جوزك فى لحظه ليه طيب
وبعد كده فار ايه الى تخافى منه دعوه تعالى شرفى اسبوع عندنا الصعيد حتشوفى العجب بجد
تحياتى

مصطفي النجار said...

بجد كل ما ادخل
علي المدونة دي
استريح نفسيا واضحك
من قلبي
واخرج سعيد

أيامنا الحلوة said...

هههههههههههه احسن انك قفلتي على طهقان والفار هما الرجالة كده ميجوش غير بالفيران

تحياتي

قلوب حائرة said...

ده انتي بتنقمي منه بقى بانك تحبسيه مع الفار ويارب يكون فعلا فار مش تهيؤات فعلا وهلاوس وبكده هروح اجزلك مكان في قسم اربعة امراض نفسية وعصبية وهوصيعليكي مش تخافي

يوميات عيل مصري said...

حكاياتك فظيعة، جميلة جدا، ربنا يخليكم لبعض
ممكن تشرفونا أنتم الاتنين في المدونة بتاعتي
احمد

الأستاذ said...

لأ جامدة أوي والله وأسلوبها مشوق فعلاً تنفع زي قصص أستاذ أحمد خالد توفيق
أسطورة الفأر الخفي
أنتظر تعليق حضرتك على الجزء الثاني من "لنقد اللاذع" وأنا عرفت إيه السبب
تقريباً لأني بكتب بإسلوب حامض لكن يمكن المرة دي نسبة الحمضية أكبر لو مش هتقدري تدخلي
تحياتي
شيخنخروف

3ala asm masr said...

تعيشوا وتاخدوا غيرها
بس ابقى خلى بالك من طهقان

Loving Anabel said...

طهقانة دي اول مرة ازورك فالمطبخ قصدي هنا يعني و عحبني اوي البوست و هبقى اجي ازورك و اجبب صنية القهوة والسبرتاية معايا عشان تتسلي شوية ههههههه

Miss Egyptiana "Trapped Soul" said...

اول زيارهه لمدونتك، وان شاء الله لن تكون الاخيره

لى الكثير من الذكريات السيئه مع الفئران، الحمد لله انها جت على اد كدا، ولو انى اعتقد ان التعامل مع الاشباح اسهل من التعامل مع الفئران

على الاقل الاشباح واضحة فى تعاملتها على عكس الفئران التى تميل الى الهروب والاختباء

تحياتى لك، وحمدا لله على سلامه طهقان

Sara Swidan said...

يا نهااااااااااااااري!!!!!!!!!!!!


إيه الضحك دة ... مش ممكن !!!


أنا لقيت البلوج هنا بالصدفة و أنا بدوَّر على صورة لأكلة ملوخية ...

بجد بلوج مسخرة... صباح الضحك !!


طلعتيلي منين بس!!

:)

Desert cat said...

يا قلبك يا طهقانة
ويهون عليكى طوطو تحبسيه مع الفار
كويس ان انه كان موجود وقت ما اكتشفتيه والا كانت العواقب
يلا قدر الله وما شاء فعل

حبة حاجات (ايمان) said...

اسلوبك لذيذ اوى

بس جدعه انك عملتى كدا مع طهقان
ماهو اصلا هما مايحسوش بحاجات اللى لما يجربوها

بس مش لدرجة فار
ههههههههههههه

تحياتى وانا اول مره ازور مدونتك بس بجد روعه

shams said...

ههههههههههههههههه





تعرفي حتى لو كان طلع عفريت بجد كنت هقلك عادي اهم بيسلوكي في وحدتك

Soooo said...

أين جديدك يا طهقانه
فنحن من العيشه دي .. طهقانه




سلامووووووووووووز

Misrdream said...

البوست بتاعك ده فكرني بفيلم شوفته امبارح اسمه The Grudge 2
جتتي لسه ملبشه منه والبوست بتاعك كمل عليا ربنا يوفقكوا

noraamahdy said...

ههههههههههههههههه

والله توبك ولا اروع منه

احلى موقف فيه لما طهقان اتحبس يعينى

كان نفسى تسيبيه شويه عشان يحس باللى انتى كنتى فيه

الطائر الحزين said...

لنا صولات وجولات مع معظم الاقارب فى العائلة بمناسبة المزعوم الاسف على عمرة فار افندى

السقا said...

ربنا يعوض عليكي في البولة البايركس بتاعة السلاطة
هههههههههههههههههه

القلم السكندري said...

sاحمدي ربنا انها رسيت علي فار

مش حاجة تانية

وبعدين عفاريت ايه اللي تطلع اليومين دول

ده الناس النهاردة تعفرت العفاريت



الابداع ليست سمة جديدة عليك

بوست رائع

تحياتي

عصفور اسكندرية ( المواطن المطحون ) said...

ايوووووو للدرجه دي طهقانه منه
تقفلي عليه باب المطبخ هو والفار لوحدهم
هههههههههههههههههههه

ربنا يعينه علي الي بيحصله

اما الفران دي حاجه مالهاش حل
انا مره كنت بجري ورا فار عشان اضربه روحت عطيته شالوط والفار طار لفوق ونزل في الشارع لقيت واحد من تحت بيزعق عشان الفار نزل عليه
ربنا يستر

اخر بوست عندي
المواطن المطحون: نسمات

Spyfun said...

ونعمه الزوجات بعتي طهقان علي طول كده
الفار دا علي فكره كان فار جريء لانه شد المخده من تاحتيكي, ازي دي ؟؟؟

سهر الليالى said...

ههههههههههههههه
هما الناس كدة متبنش الا فى وقت الشدة بس بصراحة الجرى نص الجدعنه برضه زى ما بيقولو يا طهقانة

انا ليا مواقف كتير مع الفيران دى بس اكتر موقف يهلك من الضحك كان من كام يوم
اختى قفلت شيش البلكونة وإزا بنا نسمع صوت صوصوة فار طنشنا قلنا يمكن اى حاجة بعد ما اتاكدنا ان الشيش من العتبه مقفلش على حاجة
المهم شوية وسمعنا خربشة وكل شوية نطنش ونقول يمكن فى حاجة برة فى البلكونة
شوية وقلت مبدهاش بقى ببص من جوا كدة لاقيت الشيش من فوق داخل فيه حته كدة تشبه ديل الفار
اتارى اختى قفلت يعينى على ديلة وكان متعلق هو منه بس برة فى البلكونة
:D
بصراحة صعب عليا
بس جه والدى الحمد لله وقضى عليه بس يا عينى كان قضا ساعاته الاخيرة فى عزاب

يلا ولا عزاء للسيدات عشان بيخافو
هههههههههههههههه

تحياتى

koukawy said...

ههههههههههههههههه
انا كنت حاسه انه هيطلع فار
تعرفي انا حصلي نفس الموضوع مع فار
بس انا اجدع منك
انا وقفته معايا ينضف الشقه
و يشيل و يحط عشان نعثر علي المتسلل
بس مصعبش عليكي
انك تحبسي الفار مع طهقان
هههههههههههههههههههههههههههه

غمض عينيك said...

وجالك قلب تحبسيه في المطبخ مع الفار
عيني عليك ياطوطو
ربنا معاه

Anonymous said...

حموت من الضحك يخربيت كدة

كراكيب said...

ههههههههههههههه.. يا عييييني عليك يا طوطوووو
البوست جامد جدا... انا اول مرة ادخل البلوجر بتاعتك..ولقيتها جامدة موووووووز..وانتي عسولة اوي
miro

mostafarayan said...

اعتقد انك انت اللي كبرتي الحوار قوي
بس معلش في سؤال كدة هو ليه بيقولك يامامارغم انك مراته مش والدته المفروض يقولك ياحبيبتي او باسمك علي الأقل
حوار الست تقول لجوزها يابابا والعكس انا صراحة بتخنق قوي منه

قلب صغير said...

حراااااااااااااااام عليكي
ماما من كتر ضحكي حتزعقلي



فار
انا مش صعبان عليا غير طهقان

د/أبويحيى وادم said...

السلام عليكم ورحمه الله وبركاته
آختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

Anonymous said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

Anonymous said...

福~
「朵
語‧,最一件事,就。好,你西.............................................................................................................
..................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول