الخلاصة...اني مش لاقية حد اطهقه وعندي نقص طهقان في الدم
يرضيكم كده؟؟!!
طيب اعمل اية بقى اسيب نفسي اموت !! لا طبعا لازم الاقي حد اطهقه و امارس عليه هوايتي
قوم اية...استغليت فرصة ان مجدي ابن عمتي نتاوي مبتدئ و لسة يا دوب بيحبي في عالم الشات و عامل نك نيم(اسم مستعار) جديد و متأمع بيه و مسمي نفسه قال اية
فارس الليل
و بيمشي بيه علشان يوسعه رايح جاي من ياهو للهوت ميل للبالتوك و رحت صايداه
تعالى يا ابني لما اطهق فيك شوية
عملت اسم مستعار (ده ملوش اي علاقة بالشعر المستعار دوكهه للقرع و دوكهم للفاضيين امثالي) بس كان اسم جامد حبتين
و حطيت صورة جامدة برضه و دخلت عليه الشات بوكس عند عمنا ياهو في (بي ام) بمبي و قلوب بتنطر من السما و حركات ..الواد اتدهول و ريالته بقت بتخر على الكيبورد
و قلتله اني 19 سنة و اني شبه اللي تنقرص في نني عينها نانسي عجرم و ان فيا ملامح من اللي تنشك في ركبها هيفا وهبي و سرحت بيه سرحة جامده ..شعري ابصر اية و عنيا مدرك اية و...و...و
الواد الغلبان صدق زي ما كل الرجالة الغلابة بتصدق و تتدلق على بوزها(تعبير يشبه الرجل من دول بالجردل) في عالم الشات الخيالي السرمدي المتلولو
بس و الله انا كان قصدي خير كنت عايزة افهمه ان مفيش اسهل من الكلام و اننا في عالم الكلام عندنا حروف كتير نرصها جنب بعض بالطول أو بالعرض مش شرط فيها الصدق و القانون لا يحمي المغفلين
اقصد الشات لا يحمي المتدهولين
ياما ناس قالوا على نفسهم دكاترة و هم سباكين و ياما ناس ادعوا التدين و هم حرامية و الطويل فيهم قصير و الرفيع فيهم تخين على راي نجاة البعيد منهم قريب
و بعد ما بعته المريخ في ساعتين تلاتة.. سألته
سحر العيون الناعسة: مقلتليش... ازي شروق عاملة اية؟
الواد فقد النطق و الكيبورد و ازبهل.. و بعد فترة صدمة و صمت
فارس الليل:م..م..مين؟
سحر العيون الناعسة: شروق بنتك يا مجدي
لقيته راح طالع ساين اوت من البروجرم و تقريبا طفى الكمبيوتر واحتمال يكون قطع الكهربا عن البيت و يمكن عن الحي كله
سبتله اوف لاين ماسج
يا مجدي انا طهقانة بنت خالك ..اوعى تصدق كل اللي يتقالك و اتعلم في دنيا النت دي متصدقش الا نفسك و متثقش الا فيك لان شباك النت مُتنفس لكل المرضى النفسيين اللي اعتزلوا قرقضة ضوافرهم و بدؤا يعملوا شات
و
اوروفوار
إمضاء
101 comments:
طهقانةةةةةةةة
اول رد ليا
على فكرة بقى حركة جريئة جدا وجامدة
وانت كده انقذتى واحد من المسلمين انه بنضحك عليه فى عالم النت
وسلاماتى لطهقان وربنا معاه
وكالعادة بوست جميل
وفعلا عندك حق فى اللى قولتيه
ربنا يكرمك
وبلا نيلة بقى احيانا
بعتة فى السليم و الله
ما شاء الله على الرجالة التمام .. و تعيش و تاخد غيرها يا ابو مجدى
و فكرتينى بذكريات أليمة
:( :( :(
ياعيني عليك يا مجدي إنت كمان
طهقانة تأثيرها تعدى حدود البيت وخرج للمحيط العائلي
ولو ما فيش قرايب .. هتتخطى الحدود المحلية وتوصل للعالمية وتطهق الأجانب كمان
وأنا من موقعي ده بأبعت رسالة تأييد وتضامن لأخويا طهقان اللي مستحمل جامد جدا وحايش عننا كلنا التطهيق ده كله
ربنا يرجعك بالسلامة .. أنا قلقان عليك قوي
طهوقتي ياجميله
ارحمي نفسك شويه ..كدا اوفر
بس بيني وبينك يعني ..هو يستاهل
هاتي بوسه
حرام عليكي تطهقي الراجل و هو لسه بيقول يا هادي
الراجل لغي اشتراك النت مش كفايه عليكي طهقان اهو اختفي في ظروف غامضه
بس حركه جامده انتي استاذه في الاذي
هو النوع ده لسة موجود منه انا كنت فاكره انقرض
بس عزاؤه إن طهقان شرب الموضوع ده في الموبايل قبل كدة
ههههههههههههه
حد يعمل كده في قريبه
بس خليه يتعلم
وبعدين المتجوز ده عايز ايه من اللي شبه نانسي وهيفا
صحيح الرجاله دول غريبين جدااااااااا
بس بجد موقف جامد جدااااااااااااااا
ههههههههههه
يستاهلوا ما يجرى عليهم وهي اللي شبه نانسي وفيها ملامح هيفا هتنكفي على الكي بورد تمقق عنيها بتاع إيه
هههههههههه
زمان كان لي حلم الاقي راجل عاقل طلع الحلم مستحيل
هههههههههه
عموما مش في النت بس يا أختي لازم نثق في أنفسنا ولكن في الحياة عموما فتقاطع المصالح مخلاش للود والثقة مطرح
وحشتني عمايلك يا طقهانة
هههههههههههه
مصلحة ان الواحد اعتزل الشات (مع ناس ميعرفهاش يعني)و اعتزل التدوين واعتزل حتي بنات حوا كلهم معنه لسة مكملش الدستتين من عمره بس الحمد لله انه اكشف بدري ان مفيش فايدة
يخرب عقلك
بس احسن .. اياكش يتعظ
:)))
الشباب والبنات ياعينى عايشين الوهم
يلا
بس انتى متاكده ان طهقان مشغول بس ... اصل انا يتهيالى كده ان الاكياس السوده ناقصه شويه..انتى تاوتيه ولا ايه
اوعى يا طهقانه احنا برده عايزينك وهو كمان ميهونش عليك
ههههههههههههههه
سلام يا جميل
looooooool
أكيد الصدمة فعلاً كانت عنيفة عليه .. الصدمات الإفتراضية بتوجع برضة .. أنا بتخيل منظره لما عرف وهو عينه بتبرق على الآخر , وقلبه هينط من مكانه , وثبت 5 ثوانى فى مكانه وبقه مفتوح على الآخر ومش مصدق ولا متخيل .. وبيسأل نفسه : طب ازاى ومين وليه وفين , ودة هاكنج دة والا ايه !! .. هههههههه .. كانت لقطة محتاج تصوير .
ما كنتى تكملى الدرس وتنادى لمراتة وتعملى حيلة تخليها تكلمه علشان يبقى خراب مستعجل
يخرب عقلك
تحياتى
السلام عليكم ورحمة الله وبركاته
حرام عليكي يا طوطه ، كده عقدتي الواد ، دا لسه بيقول ياهادي
اعتقد انه بعدها هايعتزل النت خالص
ان ماكانش يبيع الكمبيوتر من اصله
ههههههههههه
ههههههههههههههههههههههه
مش معقولة يا طهقانة ...مش قادرة ابطل ضحك ابدا
ههههههههههههههه
كل اما اتخيل شكله وهو مصدوم بكلامك ده
بس على الرغم من ان الدرس اللى اتعلمه ده مش ببلاش وقاسى وتقريبا هايخليه يتكسف منك ومن خياله بعد كدة ...الا ان كويس جدا اللى عملتيه ده ...عشان يرجع لعقله ويهتم ببيته
.....
بس هو انتى لازم تطهقى حد فى حياته يعنى ؟
ما فكرتيش تاخدى هدنة ؟؟!!!
المحزن فى الأمر انهم كُثر
هو متجوز لو كان عازب كنت اقول الراجل بيفك عن نفسه بالكلام بس كده الواحد قلق بلاش نتجوز بقى شكل المتجوزين برضه عاوزين حد يفك عليهم بالكلام
ايه يا حاجه طهقانه يعني هما بس الرجاله الي بيتدلقوا علي بوزهم.
امال حضرات الانسات المحترامات الي علي الشات دول بيتدلقوا علي ايه.
وبعدين افهم من كلامك انك ولا طهقانه ولا حاجه والدنيا زي الفل وانتي بتشتغلينا ولا ايه الحكايه.
يا خوفي يا بدران لتطلعي المدير بتاعي في الاخر.
وسلميلي علي جوزك يا اسماعيل بيه.....
و الله يا طهقانة انتي دمك خفيف موت و لذيذة موت
حلة الاشتغلات دي
و ياما ناس قاعدة على النت عشان عايزين حد يشتغلهم
بكرة يكبر وينسي
بس فية من العينة دي كتييييييييير علي فكرة محتاجين عدد كبير من الطهقانات يعملوا فيهم كدة
احسسسسسسسن يستااااااهل
الله ينور عليكي
بجد بتابعك جدا وبستمتع جدا
الله ينور ويحفظلك طهقان والولاد
ههههههههههههههه
يا لهوى لا يكون الراجل جراله حاجة من الخضة تلاقيه افتكرها مراتة
يلا بس أحسن خليه عشان فكر يبص بره حتى لو بالكلام
ربنا يحفظنا ويعافينا
تحياتى
ههههههههههههههههههههههههههههههه
يستااااهل
!!!
الله يرحمك يا مجدى
جدعه يا طهقانه
ده فى ناس عاوزين مبيد حشرى
ye5rbet 3a2lek ya tah2ana
طهقانة
فظيع جدا الصاروخ الارض جو بحر نت دة
دة انتى مصيبة
بس يستاهل طبعا التجريس والركوب على حمار بالمقلوب..انت كنت حونينة أوى
:)
فكرتينى بأول ما جبت الكمبيوتر سنة اربعة وخمسين ودخلت شات عربى ..أجارك الله على الاسامى اللى فيه..ليست الاسامى لوحده عاوز بوليس الآداب
ومن ساعتها لا ناموسة ولا دبانة دخلت بيتنا
قصدى يعنى كل الشاتات تم تثبيتها وحظرها
احتشياطى يا أختى وللا ايه
:)
جائنا الان ان مجدي كسر الكمبيوتر ورماه من البلكونة بعد ان اعتقد انه بيكلم "اللهم ماحفظنا" جنية
وحلف 100يمين انه مش هيدخل على النت تاني ولا عمره هيعدي من قدام شاشة كمبيوتر بعد كده
:DDD
هههههههههههههههههه
حرام عليكي و الله
انتي لما كتبتي في الفيس بوك انك كتبتي بوست جديد انا لم اتصور انه كده
بس سلمي على مجدي و قوليله ان النت هكذا دوما
هناك من الطهقانين من يفرغ طهقتهم على قفا الخلق الجداد
يوووه ايام
:D بس الله يخلليكي بلاش تعمليها تاني لينتحر
زمان طهقان فرحان اوي
اهو لحد يشيل عنه شوية
عملتها برضه مع ابن خالى قبل كدا
وكنا قاعدين فى السيبر
وانا قاعده على الجهاز اللى وراه ومبسوط ان فى واحده بتكلمه وقاعده تحب فيه وكل شوية الاقيه بيشاور لى تعالى شوفى بتقولى ايه
وانا اقوله يا سلام عليك واد برم والله وعرفت تجيب البنت فى كلمتين
بس فى النهاية اكتشف انه انا
وخاصمنى يومين على المقلب ده
طهقانة بجددددددد بوستك فى الجوووون المرادى
شوفتى بقى لما بتعتقى طهقان ازاى شوية بتروقى وبيطلع منك درر.هههه
بجد فعلا موضوع الشات ده...انا شايفة ان المفروض يتعمله حملة توعية ...زى اللى كده بتتعمل ضد التدخين و المخدرات...والتوعية بحقوق المراة...نفسى يتعمل حملة توعية ضد الشات والتوعية بمصايبه
فى ناس بيضحك عليها بالعبيييييييط
الواحد لو قعد يحكى فصصهم مش هيخلص...وفعلا بيخرب بيوت كتير
انا ليا بوست عملته زمان فى البلوج..موضوع عن الشات..بعنوان حب الشات صباح الاشتغالات :ي
بس عفارم عليكى...والله وانا بقرا البوست ..فقعتلى كام ضحكة:ي ...الحمد لله ان ماحدش معايا فى البيت دلوقتى:]
تحياتى ليكى يا جميل وسلامى لطهقان
طهقانه احييكى على اللى انتى عملتيه وكويس انك نصحتيه وفهمتيه
بس مش النت بس اللى مليان كدب الناس اللى حوالينا كمان مليانين كدب
دمك شربات يامضروبه والله العظيم بتعملي بوستات قويهولها معني مهم بس بأسلوب ساخر يفطس من الضحك ، تعرفي أنا اليومين دول عندي فيروس الأكتئاب مململ جسمي بس لما قريت دعاك علي اللي فرحان في الأهلي يجي له سلس يورين فعلا ضحكت من قلبي
------------
تحياتي
------------
بس والنبي بلاش تقولي كده علي نانسي لأني بأموت فيها لأنها تشبه بنتي
------------
والله برافو عليكى انك قدرتى تفهمية وتنقذية قبل ما يوقع نفسه فى مشاكل كتير
بس بوست حلو قوى
تحياتى لكى
ليه كده بس يا طهقانه تحرجي الراجل
يعني كان لازم تصدميه بسؤالك
كنتي سيبيه عايش في الوهم يومين تلاته
على فكره .. انا ياما اتعملت في الحركه دي
بس لاني صعيدي ودمي حامي
ماخلفتش بنت وسميتها اشرقت
سلاموووووووووز
حركة قوية بس كدة أحسن لما تقرصيه كدة من الأول يتعلم بس المفروض متقوليش فالأخر اورفوار المفروض تقولي و يجعله عامر هههههههههه
اولا أحنا فعلا مفتقدين طهقان جدا
سلامنا كتير ليه
ثانيا بوست في الصميم كالعادة
فعلا والله إذا كان الناس بتكدب علي بعضها وهما شايفين بعض وقدام بعض
ما بالكم بالنت واللي عليه من كدب
ابداع متجدد يا طهقانة
فرج الله طهقك
وإن شاء الله يرجع لنا طهقان بعد ما يرجع لك عشان تطهقيه كمان وكمان
مهو أصل طهقانك ليه ده منبع الوحي لقلمه
تحياتي
ربنا يكون في عون طهقان
ليه حق الراجل يطهق
ههههههههههه
هيا كلها مقالب كده
وربنا وربنا زى العسل ياطهقانه
خضيتى الراجل كدا فى احتمال شروق ماجيهاش اخوات
هههههههههههههههههههه
بعته جامده اوى
هو راح وجه بسرعه
؟؟؟؟
يالهوى بجد بجد على ده موقف
هىهىهىهىههىهىى
الراجل قطع الكهربا عن الحى
مش قادر ابطل ضحك بجد
ههههههههههههههههههههههههههههههه
السلام عليكم
جميل انك فكرتي في حاجة زي ديه تعلمي بيها الاستاذ مجدي انه ميصدقش اي حاجة علي النت
ههههههههههههههههه
والله برافو عليكى يا طهقانة
انتى ميه ميه وانا كمان قاعده بخطط اعمل الحركة دى من زمان فى واحد صاحبنا " زوجى المصون " اللى ادمن الشات بصورة مرضية بس للاسف لما بكون اون بيكون هو اوف .. وده الطبيعى طبعا
ههههههههههه
تحياتى يا باستوكا
الا من حق يعنى ايه باستوكا
سالى
ربنا يكون في عون اللي يعرفك
صحيح ليه حق طهقان يبقي طهقان و ربنا يصبره بقه
طب بذمتك مش التطهيق في طهقان ليه طعم تاني
:D
بس بجد يا عيني عليك يا مجدي يا غلبان
بتجيبي الكلام دة منين يخرب عقلك يا شيخة !!!
فينك يا بستوكة انتي وطهقان وحشاني كلامكم موووووووووووووت
انتوا هاجترتوا ولا ايه؟؟؟؟؟؟!!!!
كل ما ادخل ما الاقيش حاجة جديدة
عايزين جديد
سلامووووووووووووووووووووووووووز
ههههههههههههههههههههههههه
يانهار ابيض على دى اشتغالة
بجد جامدة جدا بس هو واضح انه غلبان هو كمان مش من اول ما قولتيله مجدى وشروق ياخد ديله فى سنانه
اراهن انه ما شافش الواف لاين حتى ولا هيهوب ناحية الميل ده تانى
:)
ازيك ياطهقانة ...دمك سكر مووووووووت ....والله انا اكتشفتك بالصدفة ....ممكن بقا تدخلي مدونتنا الفاضية ...وتكبتلنا كومنتين حلوين كدة على الماشي
تسلم ايدك مقدما
ندى
الحقيقة
د أول زيارة لي للمدونة وقرأتها كلها وأعجبت بيها جداً
لكن الي لفت نظري هو تشابها القوي جداً من حيث الفكرة والأسلوب مع مدونة بهلولة رحمها الله وزوجها بهلول
مش عارف الفار بيلعب في عبي والله أعلم محدش عارف الحقيقة فين
لأن لو اللي في دماغي جد هاتبقى مهزلة كبيرة قوي
سعدت بالمرور
enti moftareyya
يا ريت كل الناس تتعلم الدرس مش مجدي بس
سؤال بس ..............حكيتي لطقهان
ههههههههههههههههههههههه
والله انتى 100/100
وياعيني على عم مجدي واللي جراله
يلا يعيش وياخد غيرها
بصراحه درس مش ممكن يتنسى ابدا بس السوال ليه الانسان ميقعدش على النت ويعيششخصيته الحقيقيه بكل عيوبها قبل مميزاتها مش احسن
طوطه
معلش علي غيابي
بس قريت كل البوستات اللي فاتتني
بس كانت حالتي الصحية متدهورة وكان عندي امتحانات
لعبكة يعني
المهم عجبني موضوع الفارر
ههههه وكمان كل سنة وانت طيبة وعيد جواز سعيد متاخرة بس معلش
وفكرة اللي انت عملتيها تحفة
الموضوع منتشر اي حد سهل
تضحكي علية
بس لية ميبقاش الانسان بشخصة وطبعتة
حاجة غريبة
فعلا
يلا ياجميل
سلام
ههههههههههههههههههه
ده ايه الجمال ده
بجد التعبير عن المعنى جامد جدا
فى الجون الموضوع ده
فعلا على راى اللى قال احنا ممكن نكلم حد و فى وشه ويكون بيكدب علينا
والشات ملياااان بصيادى المتعة وبمحترفى الالعاب والخداع
وكلهم مرضى نفسييين
بس بجد رائع
موضوعاتك كلها عايزة تتاكل اكل
لك منى ارقى التحيات
انا مبسوطة منك جدا يا طهقانة ايوة كدة وريهم نفسهم على حقيقتهم عندك حق بيندلقوا على بوزهم مع اول واحدة توصفلهم نفسها انها الست نانسى
أوباااااا
العب احنا فينا م الكلام ده؟؟؟
السلام عليكم ورحمة الله وبركاته
..........................
هههههههههههه
مقلب جامد اوى اوى
ههههههههههه
تحياتى
اين انتى يا طهقانة ؟
مختفية من مدة
يارب يكون المانع خير
اتمنى كدة بجد يعنى
ابقى طمنينى عليكى يا جميل
:)
كل سنه وانت طيبه يا طهقانه
وسيبك من الطهق بأه فى العيد
هههههههههههههههههههههههههه
كل سنة وانتي طيبة وبجد عملتي فيه خير يمكن ياخد الدرس اللي غيره بياخده في شهور وسنين
ولا على النت ولا حتى في الواقع
عيد اضحى سعيد يا اخف دم ف الكرة الارضية
السلام عليكم ورحمه الله
كل سنه وانتى با الف خير يارب
والسنه الجايه فى عرفات قولى امين
طهقانه انتى فين
طمنينا عليكى وعلى طهقان
وكل سنه وانتو طيبين
كل سنة وانتي طيبة وبخير يا بستوكة انتي وطهقان
كل سنة وانتي والاستاذ طهقان فرج الله طهقه بكل خير
وننتظر عودتكم قريبا بإذن الله
فاصل إعلاني:
ندعوكم لقراءة فتوى شيخ الإسلام ابن فطومة حفظه الله والتعليق عليها
http://ibnfattuma.blogspot.com/
كذلك كنا من قبل فمن الله عليناووقانا عذاب السموم
وحشاني والله يا طهقانة
ومحدش يتريق علي فارس الليل اوي
كلنا في البديات كنا فارس الليل
بس شكلك فوقتية وصدمتية
وهتخلية يلف حوالين نفسة بعد كدة
ها هتزوريني امتي عموما هستناكي
كل سنة وانتي بالف خير
وسلامي للعيال وقبلهم طهقان
تعالــى نحط همــــى على همـــك وهموم الناس والمدونين ونطـــق ســـــــوى وربنا يستر نعرف نحس ونشعر ببعض ونتضامن مع بعض عملا بمبدأ على الحلوة والمرة متعاهدين
http://gamal51.blogspot.com/
http://anameshm3ahom.blogspot.com/2007/12/blog-post_11.html
http://kalam3eal.blogspot.com/2007/12/blog-post.html
معدتيش بتعملى بوستات جديدة لية يا طهقانة وحشتينى والله
وجون وجون وجوووووووووون
ايه الحلاوة دي ؟؟؟ تدوينة ممتااااااااااازة
هههههههههه
يخرب عقلك بجد :)))
على فكرة بجد انا زعلان منك جدا..
انتي بقالك كتير مبتكتبيش حاجة..انتي زعلانه مننا ؟؟ ولا بتعاقبينا..مينعش تطولي كدة يا بستوكة..
حلو جدا ال عملتيه انا برضو عملته مع اخويا الصغير علشان النت تعليم وتهذيب
وشكرا
انتى فين يا طهقانة بقالك شهرين مكتبتيش احنا اتعودنا على بوستاتك لعل المانع خير تحياتى و كل سنة و انتى طيبة
صحيح يا ولاد .....
كيد النسا غلب كيد الرجال
بقي تلبدي للغلبان في الدرة و بعد كده ...بخخخخخخخخخخخخ
يعني علي شروق اللي هتعيش وحيده بسبك
أكيد مجدي قطع الخلف
ايه النسوان المؤزيه دي
ندأ عاجل للأخ المحترم / طهقان
يا ريت تلم قططك
روحتى فين يا طهقانة
وحشتنى حكاياتك مع طهقان وربنا يخليكوا لبعض وطهقوا بعض دايما
hey:
this is my new blog address
http://egyptiangirl-81.blogspot.com
hope 2 see u there
chao
انتى مش هترجعى بقى بجد وحشتينى
اكيد في 1000
طريقة تقضي بيهم وقتك الجميل واكيد هتستمتعي بيه
ولكن بعيد عن الشر ههههههههه
مدونتك جميلة جدا جدا
المح فيها الارتباط الاسري ولها جو جميل اتمني ان يدوم طويلا
استمتعت بوقتي معها خلال زيارتي الاولي لها
واتمني ان اري لك تعليقا في مدونتي المتواضعة
والله انتى جدعة جدا
بجد
بس صالحيه بقى
لانه زمانه زعلان منك ومن نفسه قوى
طوطو .. طهطه هوير ار يوووووووووو ؟؟
السلام عليكم ورحمة الله وبركاته
ليه كدا يا طهقانه تعملي في الراجل كدا
باين عليه غلبان
بيني وبينك انا حاولت من يومين اعملها في الواد ابن خالي
ولقيته عمال يدلق باسماء كل البنات اللي يعرفهم واللي مش يعرفهم
صعب عليا اضطريت اني اعترف له في الاخر بئه
اصل قلبي ضعيف
وبعدين انا ماشيه على مبدأ من حفر حفرة لابن خاله اكيد مسيره في يوم يدلق فيها
بجد ما شاء الله الله اكبر ولاحول ولا قوة الا بالله
اسلوبك حلو اوي في الكتابه
تحياتي
الحركة دي لازم تحصل لكل اللي بيتعاملوا مع الانترنت وكأنها رخصة مرورهم الى عالم الانترنت
تحن السابقون وانتم اللاحقون
تحياتي
طالت غيبتك يا طهقانه
طمنينا عليكي الله يكرمك
يارب يكون المانع خير يارب
سلامووووووووز
ههههههههههههه
يخرب عقلك بجد
اسمحى لى والله رعب موتى الراجل فى ايدك
وهتلاقيه انفزع وقال فيرس
وحد اخترق جهازى وعرف انا مين
وهتلاقيه راح يشيك على المدام ويتاكد انها بتغسل المواعين
مش هى اللى كانت بتشتغله
وياريته يتعظ سي مجدى وغيره
دورى عليه هتلاقيه بيسبل لحد تانى
بوست يجنن وعجبنى جدا
تحياتى
هههههههههه
حركه جامده جداً
و على فكره كويس انها جت منك احسن ما يقع فى واحده من اياهم
اهو انتى مثلتى عليه شويه عشان تعلميه
ههههههههههه
موضوع جامد
تحياتى
هههههههههه
حركه جامده جداً
و على فكره كويس انها جت منك احسن ما يقع فى واحده من اياهم
اهو انتى مثلتى عليه شويه عشان تعلميه
ههههههههههه
موضوع جامد
تحياتى
فيه ايه انتو فيييييييين ؟؟
اوعى تكونو خلصتوا خناقات
hay
any body hear?
وحشني كلامك
و مستني بوست و لو في السري
هههههههههههههه
يا عينى
بس بجد عندك حق كان لازمله درس
وكمان متجوز لا حول ولا قوة الا بالله
:D
النت ياطهقانه
للعلماء والطلاب والمرضى
المعتزلين المجتمع لا اصدقاء ولا اشتراك ب النوادي الرياضيه والنوادي الثقافيه
يأرضوا اضافرهم الليل والنهار وهم لوحدهم بالحجره والنت والبلوغز والشات
وهم اخطر المرضى
اوعي تتركي طهقان يطهق
فب امان الله
بايييييييييي
هههههههه حلوه قوى انا سمعت عن المدونه بتاعتك كتير بس دى اول مره فعلا اقراها ...انا بعترف ان الست لازم تنكد على حد وتقرفه فعلا لو ملقيتش حد تقرفه وتنكد عليه تبدا تنكد على نفسها بس والله احنا غلابه برضو...وسلمى على شروق ..هههههههزمان مجدى افتكرك مراته ههههههه
بس سيبك عجبتنى قوى ياما ناس بيقولوا دكاتره وهم سباكين عشان الواحد اتعرض للناس دى فى بدايه تعامله مع النت
بس والله برضوا زى ما فى الوحش فى الحلو ربنا يكفينا ويكفيكم شر السايكو والمعقدين ...والناقصين
تحياتى ليكى سومه_87
ايه يا طهقانه
شكل مفيش طهق الايام دى ولا ايه
عاوزين بوست جديد
والله انتى عندك حق فعلا الشات معظمة كذب فى كذب وكمان بيضيع الوقت على الفاضى وانا فعلا كنت بعمل زى كدة عشان احرم الناس تتدخل على الشات
دة انا كنت بعمل اكتر من كدة كمان كنتم بكلم اتنين فى وقت واحد واخد نمرهم هما الاتنين وادى كل واحد نمرة التانى على انها نمرتى واخليهم يكلموا بعض
وكمان كنت بخليهم ينزلوا يقابلونى فى اماكن اشكال والوان
الناس فاضية فعلا والشات دة مدمر للوقت وملوش لازمة
وانا طبعا كان قصدى خخير زى كدة يا طقهانة
لا مش هاينفع كدا.. أقعد أنا أقرا من حركات مين وأعملهم على مدام متزوج؟
إيه التأخير ده كله!
انتم اتحسدتو ولا ايه
مفيش كلبات خلاص
طب يعني نحسد احنا علشان نشوف حاجة جديدة ولا ايه
فينك من فترة كاكتبتيش حاجة
طمنينا عليكى
انت خلاص بئا ليكى
fan club
بيستنى اللى بتكتبيه
وانا
ur biggest fan
يلا مستنية بوست جديد منك
والله انا مستغرب منين حكمتى ان كل الرجاله بيقعوا ويندبوا ووو ..ده الستات من اقل كلمه حلوه بتلاقيها دابت وعندى امثله كتير وكتير على كده
ومنين اديتى لنفسك الحق انك تقولى اسم ابن خالك وكمان تاكدى شخصيته للناس باسم بنته ...افرضي لو واحد معاه فى الشغل مثلا وحصل انه قرا كلامك اللى اتنشر فى اكتر من ايميل ومدونه تانيه ماشاء الله بقيتى مشهوره بفضايح الناس
بصي يامدام ...اللى مترضيهوش على نفسك مترضيهوش على غيرك ...واتقي الله فى نفسك عشان ربنا يكرمك فى عيالك وفى بيتك وفى جوزك ...بدل مايطهق منك انتى كمان ويطهقك اكتر فى عيشتك ويشيل منك الكمبيوتر خالص ...واظن ده معناه ليكى انتحار ...اهه مجدى ساب النت بعد موقف واحد ...انتى امتى هتسيبيه وتهتمى ببيتك احسن بدل الكلام الفاضي وتجيبي سيره الناس وتفضحيهم كده ..اتقى الله
لا بجد المدونه بتاعتك تطهق يوووووووووه اقصد دمها خفيف جدا معلش بس من كتر كمية الطهق اللي فيها الواحد اتلخبط
حلو الدرس اللي اديتهوله ده لازم كل اللي يدخل سنه اولى نت ياخده
بس هوعمل ايه بعد كدة ماقولتلناش
طهقانه....الله يرضى عليكى ظبطى التواريخ اللى فوق على ايدك الشمال و انتى داخله البوست......انا مش نافصه مخوله...احنا فى نوفمبر 2007 ولا ابريل 2008 ... و لا ده ياعفريته يوم عيد ميلادك.. و لا يمكن عيد جوازك.....بقولك ايه انا مش ناقصه فارسه انا بقالى نصف ساعه كل لما ادخل الاقى التاريخ اخرج تانى ...و اروح للارشيف.....ادخل تانى و الاقى التاريخ هوه هوه.اخرج تانى.....راعى الذكاء الخارق لبعض الزوار اللى هوه من تاثير اللحممممممممممممممممممممممممممه يادى النيله انا باينى اكلت منها و الله...اصلى ما كنتش كده .....صدقووووووووووووووووونى
نصيحة ممزوة بتجربة عملية 100% واللي ما يتعظ منها يبقى عن جد مدهول على عينه ومش شايف غير اوهامه واحلامه
شكرا يا طهقانه على ازاحة الملل من حياتنا بكلماتك البريئة والجريئة
Post a Comment